السلام عليكم ورحمة الله وبركاتوا
بدخل بالسالفه على طوووووووووووول
صحى زوجي الصباح وراح لدوام عااااادي زي كل يوم
جاء الظهر وفيه بيده مخش واضح يعني يده مجروحه انا وجهي كذا:42: قلت وش السالفه حادث اوالطلاب متضاربين وكالعاده يفك بينهم المشكله كبار ثانوي ويتضاربون وهالمسكين يجيني كله اصابات وهو يحاول يفك بينهم رجله جروح ودم:icon33:
نرجع للموضوع هالمره الجرح باليد طبعا سكت ابي هو يعطيني السالفه من نفسه وماتكلم الاخ الا بالليل وانا اذا صارت عندي سالفه اول مااركب السياره اقول كل شي يصير لي مااصبر:44:
المهم قال اليوم وانا رايح لدوام شفت حادث قدامي قلت ياقليبي عسى ماماتوا الله يشفيهم قال لا ماجاهم شي لا الولد ولا البنات قلت وشوووووووو:o حريم قال لا بنات مع اخوهن مراهق قلت عطني الزبده :angry2:
زوجي بقريه مدرس وهو ماشي بالطريق قدامه سياره فيها شاب مراهق ب ثاني ثانوي ومعاه خواته 3بنات يدرسن متوسط وثانوي ويدرسون بنفس قرية زوجي يقول الولد كان مره مسرع وطلع عليه واحد جاء بيبعد عن السياره لعلها انقلبت فيهم على البر ووقفت السياره وهي مقلوبه جاء ابو الفزعات ماشاءالله ونزل لهم يقول الدنيا كله غبار يقول نزلت والولد شاف زوجي قام يصيح ويطلع يده ينادي انا هنا يقول جيتهم صار طالب من طلابي سحبته وطلعته وهو مره يرجف وخايف وكملها بالبنات يقول طلعتهن كلهن مع الشباك جلست اسحبهن وهن يصارخن ويصيحن طلعهن يقول يحضنن بعض ويصارخن ويصيحن ركبتهم بسيارتي ووديتهم للمستوصف وبعده رحت لدوام وكشفوا عليهم مافيهم شي قالي الكلام وانا عادي حتى مادققت بالاسئله احس اني مفهيه ومو مستوعبه الموقف حتى يقولي متغطيات الكبار يسحبن غطاويهن بس اللي بالمتوسط يقول رحمتها نص وجهها طالع خخخ واللي بيده من الفزعه طبعا السالفه امس بس اليوم راح لدوام الصبح ويجيني الشيطان جلست اتخيل البنات متمسكات بزوجي وكيف حجابهن وكيف يطلعهن ويسحبهن:icon33:ضاق صدري بس تعوذت من ابليس واقول بالعكس جزاه الله خير انقذهم وانا بيني وبين نفسي وجهي كذا:mad: وادق على جدتي اعلمها واقوله شوي والا تصيح رحمة البنات وتدعي لزوجي قالت رحمة ربي فيهم ارسل زوجك لهم ينقذهم والحمدلله ماطاحوا بواحد مايخاف الله كان اختطف البنات او سوى فيهن بلاء خصوصا اللي معهن ولد صغير
بس مانمت زين اليوم احس بضيقه اذا تذكرت ليته ماقالي:44:وقلت لجدتي قالت صكي راسك بالجدار :hahaha:اهم شي انقذ البنات الضعيفات
والحمدلله على سلامة الجميع
الغزال الريم @alghzal_alrym
محررة برونزية
يلزم عليك تسجيل الدخول أولًا لكتابة تعليق.
(فيونكة حمرا)
•
بوسيلي جدتك ههههههههههه
الله يجزاه خير
اكيد الغيره موجوده لاكن هذا موقف غير تعوذي من الشيطان
والله يطول بعمر جدتك على طاعته
اكيد الغيره موجوده لاكن هذا موقف غير تعوذي من الشيطان
والله يطول بعمر جدتك على طاعته
بوسيلي جدتك هههههههههههبوسيلي جدتك ههههههههههه
ههههههه ابشري يالغلا نورتي
الغيررررررررررررررررررررررة تمووووت<< اعرف هالشعووووووووووووووووووور...
بس انتي ادحري الشيطان وصكي رااسه بالجدااار
بس انتي ادحري الشيطان وصكي رااسه بالجدااار
الصفحة الأخيرة