بعد تفكير وبعد مشاورة مع صحبة القصه ..قررت آكتب بكل شفافية مصداقية قصة عذاب بنت عمتي
بنت عمتي مثل اي بنت .. ذات حسب ونسب وجمال ماشاء الله عليها .. ومن بيت طيبين مره .
بعمر الـ 15 ... يعني قبل 17 سنة .. تقدم لخطبتها ولد من عائلة لها وزنها وقيمتها عندنا بالمنطقة ..
وبوسط فرحت وتشجيع الأهل .. تزوجت على مضض ..
ماكانت مره مرتاحه للموضوع .. كانت تقول لعمتي ما احس برحه للولد ..
وكانت عمتي تبرر لها انو مع الوقت بتحبينة وتعرفينها وهذا زوجك ونصيبك بالدنيا .. ومن كلام الأمهات ..
تمت الأمور كلها وتزوجت ..وبعد 6 آشهر بالضبط .. رجعت البنت لبيت اهلها "مطلقة "
البنت نصيبها ماوقف .. ماشاء الله تبارك الله ..
كل يوم يجيها خاطب احسن من اللي قبله .. جاها ولد الحسب والنسب والمال ..
جاها الولد ومالمطلق والمتزوج ..
مع ذلك ماكان يتم لها موضوع على خير ..
كل خطوباتها تتفركش بسبب أو بدون سبب .. لدرجة انها توصل ليوم دفعة المهر ..
وعلى اخر لحظة كل شي ينتهي ..
المهم .. بعد كم سنه .. صارت لها حكايه ..
بيوم حلمت حلم .. حلم غريب شوي .. ومُحير
حلمت بوحده عجوز شعثاء شكلة مو طيب ابداً ..تطلب منها السماح ..
تقول لها بالأرض اللي جنب بيتكم دفت السحر لك ..
دفنت لك حاجة ميته ب المكان الفلاني ووو الخ > كانت تعطيها وصف دقيق لمكان السحر
تقول لها هنا كمان حطيت لك كيس فيه سحر > تقصد عند باب البيت ..
تخيلو .. تقول لها كلما تنخطبين .. آجي احرق ورق عند باب بيتكم يخرب عليك خطوبتك ..
انا السبب بكل شي ..
لكن بنت عمتي وقتها كانت صغيره .. مالها بهذي الامور .. مشتها عادي ومافكرت بالحلم
بعد 17 سنة من الطلاق .. والأحساس بالضيقة والهم .. قررت تصلي ركـــعتين بنية تفريج الهموم ..
رابع يوم من الصلوت .. صار لها شي ما تتخيلونه ..
شي وربي فضييع .. تقول طول الأيام اللي كانت تصلي فيها .. تحس بألم جداجداً قوي برأسها
وكنت تبرر بانوا السبب من النوم ..
بعد صلاة الفجر نامت .. ع الساعه 8 الصباح .. دق عليها اخوها .. ولد عمتي الكبير
يقول لهم لا تطلعون برا .... الصدمه انوا !!!
الــــجدار كااااامل .. اللي من جهة الآرض اللي كانت تتكلم عليها العجوز .."طاااااااااح"
سبحان الله .. بفضل الصلوت .. الآرض هذي صار لها عمر .. كلم قرر حد يشتريها يتراجع ..
وبلحظة شراها واحد وبدء البناء وعلى طول بأمر من الله طاح الجدار
بالعصر .. رجعت بنت عمتي غفت من التعب ..
جلست من النوم وهي تصرخ لعمتي .. يمة شفتهآ !! شفتهــآ !!
تقول لها عمتي .. وشو اللي شفتيها
سبحانك ربي .. الحرمه اللي قبل كم سنه كانت بالحلم تقول لها سامحيني ..
رجعت لها بشكل آكثر بشاااعه ومخييف ..
شي يرعب بدون ملابس بشعر منكوش واشياء وربي وقف قلبيا لما وصفتها لي ..
المهم .. ان العجور هذي كانت تلحق بنت عمتي ..
وبنت عمت كان عندها ولد صغير .. والعجوز تقول لها اخذه منك يعني آخذه .. وكان معها شياطين آقزام ...
تأمرهم يجيبون لها الولد ..
بس ما قدر و يدخلون البيت ..
بعد الحلم بكم يوم .. تقدم واحد لخطبت بنت عمتي .. لكن ما تم الأمــر ..
وبعدها بأسبوعين .. قررت بنت عمتي تكمل دارسة وسط تشجيع الآهل ..
الحمد لله .. صارت طيحة الجدار خيير عليهــآ ..
لكنها لازارات تعاني .. تعاني الألم النفسي والجرح اللي عاشته 17 سنة.
هذي قصتها .. بالحرف الواحد . وربي كتبتها من حدث واقعي من من خيال او لعب آفكار
كل اللي آتمناه منكم .. تدعون لها بالتوفيق .. وان ربي يفك السحر اللي عطل حياتها 17 سنة ..
تعليقي لكل من رد وسأل عن حالها الآن ..
للآن مانعرف اذا انفك أو لآ .. وقتها حاول زوج عمتي الله يرحمه يحفر لكن الأرض كانت صلبة كثثير وكلها حجاره ..
حاول يحفر بالقدر اللي يقدر عليه , لانو لآرض مش ملكة ولا من حقة .. صعب يحفر فيها كثير ..وماشافوا شي
لكن بعد ماصار للأرض صاحب وانحفرت الأرض .. طاح الجدار وشافت الحلم
غير كذا .. عمتي ما تعتقد بهذي الأشياء .. بتفكيرها تقول مو معقلوله حد بيسحرك وانتي ما ضريتيه !
والحلم صار له سنوات طويله .. بوقت كانت فيه صغيره . ماحطت ببالها بترتب عليه امور مثل كذا ..
شكراً لكل اللي ردوا واللي دعو ..
طيب اختي ليه ماتفسر الرؤيا لعل فيها دلاله على شي يعينها
حسبي الله ونعم الوكيل ونعم المولى ونعم النصير على من آذى المسلمين