السلام عليكم ورحمة الله وبركاته
http://forum.hawaaworld.com/showthread.php?t=3186039
كل عام وانتم بخير وعسى الله يبلغنا شهر رمضان وانا وانتم بااحسن حال
ثانيا حابة اشكر اخواتي الغاليات اللي راسلوني بالخاص جزاهم الله خير الجزء واخص بالشكر غاليتي
تاجرة مكة عسى الله يبيض وجهها ويشرح صدرها ويعطيها حتى يرضيها ويبلغها بااولادها قولوا امين
ساعدتني بكتابة معروضي اللي قدمته للمحكمة نصحتني وتواصلت معي وفادتني بتجربتها والى الان
انا بحجتها
اللي صار معي ياطويلات العمر
رحت المحكمة وقدمت معروضي واعطوني موعد بعد بااسبوع رحت الموعد ودخلت عند الشيخ
طول الوقت كان يحاول يقنعني اني احل الموضوع بدون محاكم ومره يقول حاولي تخلين الدعوة في
مدينه طليقك حتى مايزعل ويحقد عليك تخيلوووووووووووووا يابنات بالله هذا كلام بعدين قام
يحقق معي اش اسم ولدك كم عمره ووين ساكن طليقك بااي مدينه بلعتها لكن بااي حي انا وش دراني
عنه شوي اعطيني هويته شوي اعطيني رقمها والله مابقى الا صورته يطلبها وانا ساكته انخرصت
انطميت ضاع كلامي حسيت اني ضعيفه مالي احد زوجي الله يحفظه تكلم وقال وعاد والقاضي مو معبر عينه
بالورقة يكتب ويكتب ويكتب ...........................................
كاني رحت له عشان يكتب بس مااقدرت افضفض ماقدرت ابكي ماقدرت اقول انا ام وقلبي يحترق
والمووووووووووووووت اهون عندي من فرقا ضناي ماقدرت اقول الليل ماانام من كثر تفكيري فيه وش حاله
بالاخص انه متعلق فيني حييييييييييييييييييييييييييل فديت عمره
ماقدرت لحظتها اقول لنفسي الا ياليتني مت قبل هذا وكنت نسياً منسيا
قالي وقعي على ورقة قريتها الا هي صك حضانه واعطاني موعد في ذي القعدة تخيلوا اجلس ثلاث شهور
مااعرف عن ولدي شي والله اعلم وش بيصير بعد هالصبر
زوجي قال اتصلي على محامين يمسكون القضيه كلمت الاول والثاني والثالث والرابع حتى السابع
والكل يقول قضيتك خسرانه مالك حضانه وواحد يقول ليش تزوجتي وواحد يقول انتي شكلك
تبغين تقهرين طليقك بالله هذا كلام حسبي الله ونعم الوكيل
جلست ابكي وابكي وزوجي محتار قلت الله مايخبني انا واثقه الا شوي متصل علي المحامي
ثامر العنزي عسى الله يحفظه لاني اتصلت ومارد فرجع اتصل شرحت وضعي طمني وقال ان شاء الله
وليدك بيرجع لك وانتي ام واكبر محامي لك امومتك القاضي بشر حنني قلبه على ولدك
وقالي ارجعي للمحكمة واعترضي على طول المده ووان شاء الله يقربون الموعد
بنات وش السوه وش الحل لله المشتكى
هل ياترى المحكمة بتقرب الموعد صح ولا لا ادعوا ان الله يرد لي ولدي ويقر قلبي وعيني بشوفه
وهذا اللي صار معي
فرح ام راحيل @frh_am_rahyl
محررة برونزية
يلزم عليك تسجيل الدخول أولًا لكتابة تعليق.
الله يحفظ ولدك ويفرررح قلبك بشوووفته ولايحرمكم من بعض بصراحه ماعندي علم بس حبيت ادعيييلكالله يحفظ ولدك ويفرررح قلبك بشوووفته ولايحرمكم من بعض بصراحه ماعندي علم بس حبيت ادعيييلك
باذن الله وجرب منت خسرانه اسال الله ان يكتب الخير وين ما كان ويرجعلك ولدك في حضنك باذن الله عاجلا غير اجل
الصفحة الأخيرة
ويفرررح قلبك بشوووفته
ولايحرمكم من بعض
بصراحه ماعندي علم
بس حبيت ادعيييلك