شوفوا وش صار معي اليوم

كيفكم ياحلوات كل عام وانتم بخير . حبيت احكي لكم اللي صار اليوم في بيت جدتي وعطوني رايكم تخيلوا رحنا اليوم لبيت جدتي دخلت وسلمت عليها وعلى خالاتي بعدين دخلت غرفة الثانية لان البنات انحبسوا بيجي اخوي يدخل يسلم على جدتي المهم انا دخلت وبديت اسلم من اليمين اول وحدة بنت خالتي صغيرة بالمتوسط قامت وسلمت بعديت مديت يدي على اللي بعدها تخيلوا جالسة وتناظرني باستحقار يالله مدت يدها وهي جالسة قلت عفوا انت شايفتني البارح وبعدين اليوم عيد بعدين قامت وقعدت تهاوشني هي وخواتها يقولون ماندري عنك الاسبوع اللي راح ما تسلمين علينا والحين جايه تبغين نسلم عليك قلت اصلا متى الاسبوع اللي راح ماجيت قالوا اللي قبله تخيلوا الحقد قلت والله العظيم مااتذكر اني ماسلمت اذكر اني دخلت وكانوا خالاتي والبنات بالصاله وسلمت على كل الموجودين ويمكن اني حسبت اني سلمت عليكم وكنت اشوفكم واحسب اني سلمت وخلصت طيب مادامي ماسلمت ليش ماجيتوا وصرتوا احسن مني قالت الكبيرة انا مستحيل اشوف اللي يصد عني واجي اسلم عليه قلت يمكن في نفسك شي قلت حتى لو كان بنفسي شي السلام لله ماهو لك ولالخواتك ومستحيل اني اطنش احد مااسلم عليه ممكن ما اسولف معه لكن السلام لله قلت لهم انا حلفت تصدقون صدقوا ماتصدقون بسلامتكم المهم تناقرنا شوي الين طلعت وخليتهم غثوني وانا جايه اسلم المهم انهم مغرورات لابعد درجة ويتصددون عنا انا واختي ولا يكلمونا ولا يعتبرون لنا اعتبار والبنات الباقيات امعات بس يناظرونهم ويمشون معهم بكل شي حتى خالاتي احس يتاثرون بالبنات تخيلوا ولدت انا واختي واختي ولاجوا يشوفونا ماعدا وحدة من خالاتي ماعندها بنات وانا عندي بنت معاقه اعاقه كامله الله يشفيها والله انهم مايتنزلون حتى يسالون عنها خالاتي كانوا يسالون ويشوفونها ويحبونها الحين والله الكل ما يناظرها الحمد لله بنتي غنية عنهم لكني استغرب الكره والحقد والغيرة انا والله احب اسولف لكنهم مايتكلمون معي اصلا احنا الحمد لله كلنا متزوجات ماعدا وحدة بالكلية وهذولا البنات اعمارهم 26 و24 و20 ولا وحدة منهم تزوجت لكن مااحس انه مبرر لتصرفاتهم وانتم وش رايكم غثوني الله يغثهم