شوفوا وش قالت لي

بنت أخوي ابوها اخوي من ابوي يعني علاقتي بأبوها سطحيه ولايذكرني الا من وين لوين لكن بزوجته وعياله بينا علاقة بسيطة شوي افضل من اخوي على الاقل وبنت أخوي من سني بالضبط ومتملكة وأنا متزوجة وعندي اطفال وامر بظروف صعبه جدا جدا جدا توقعت يكونون معي وكانوا احيانا يسألون عني لكن للأسف مطنشيني في ظروفي الصعبه اللي أمر فيها رغم أنهم يعرفون كل شيء والحمد لله حاجتي بالله مو لهم لكن ربي اوصى بصلة الرحم ولما يزوروني مو فضل منهم او منّة الفضل لله وهذا واجب عليهم يزوروني بإستمرار , مو مثل حضرتهم مايجوني الا مرة بالسنة حسنة رغم أنهم مايخلون مكان ولا زيارة ولا مناسبة الا ويروحون لها وكيف عاد وانا امر بظروف صعبه المفروض يساندوني بعد الله ويوم كلمت بنت اخوي قلت الله واكبر يافلانه لي فترة طويلة جدا ماتدرون عني حية وإلا ميته وإلا حتى تتصلون والا اذا طاح الجمل كثرت سكاكينه :(

تدرون هاللي ماتخاف الله بنت اخوي وش قالت وش كان ردها بدال ماترد رد يريحني زادت الطين بلة قالت


معليش ياعمه الزيارة مو بالغصب يعني تجبرينا غصب نزورك :44:


حسيت كأنها أعطتني على وجهي كف قلت لها صادقة والله وآنا آسفة فعلا ليش أجبركم وإلا أعاتبكم لكن مصيركم تندمون

وقفلت منها وأنا دمي يغلي وقلبي نار ومازلت أعاني من كلمتها هذه كيف أنها قدرت تفتح فمها وتقولها لي والا عشان يوم اني في وضع سيء وظروفي سيئة شافوا أنفسهم علي ويمثلون طول الوقت انهم يحبوني لكن الله موجود وحسبي الله ونعم الوكيل

يوم اسمع محاضرات عن صلة الرحم اقول الله يرحم حالنا اذا الكل تفكيره مثل تفكير بنت اخوي فالساعه قربت

الله يصبر قلبي وبس :angry: