شوفوا وش قال لنا البائع (( لا ألزمكم بالرد ))

السلام عليكم ورحمة الله وبركاته
ادخل بالموضوع مباشرة وبدون مقدمات
اليوم رايحين للسوق أنا ومرت أخوي ويوم جينا نحاسب وكان البائع الظاهر انه بكستاني بقت لنا ستة ريالات قلنا خلاص نجيبها إن شاء في وقت ثاني متى ما جينا وإن متنا سامحنا ، قال: ( لا لا الخليجي ما في موت بس الموت في فلسطين و وقام يعدد لنا بعض الدول وشيئ نفهمه وشيء لا ،واصل كلامه بغضب .. الخليجي بس يتفرج ، الناس في حرب والخليجي قاعد يلعب(( كورة )) لا حول ولا قوة إلا بالله لا حول ولا قوة إلا بالله...
حنا كل وحده تناظر الثانية ما ندري وش نسوي الحين المشكلة يحسب كل الناس مو هامها شيئ وقلوبنا والله تحترق لكن ما يعلم بالقلوب إلا الله سبحانه صحيح انه في بعض القلوب ما تقول إلا من حديد لكن فيه وفيه
خرجنا ولم ننطق بحرف ومشينا وحنا نحس بالذل وكيف العالم تناظر لنا كذا
القشعريره تمكلت جسمي حتى وصلت البيت .

لا أطيل
لكن حبيت انقل لكم ما حصل والكل يفسرها على كيفه ومسامحتكم لا تردون ولاااا شيء ولا حتى ترفعون ارفعها أنا
لأن الكلام ملينا منه ما يودي ولا يجيب والقوي قوي بالأفعال مو بالكلام .