حمامة بنت ظفرة بالبيت وتحب تساعدني دايم وترتب الغرف وترفع ملابس الشتا بالصيف وملابس الصيف بالشتا وتنظف غرف اخوانها وخواتها وغرفتي ... ولها لمسات حلوة بالبيت ... وحنا قبل سنة رممنا البيت وغيرنا نظام البيت واخذت انا جناح غير جناحي اللي كنت فيه... وصار جناحي لبناتي الصغار... وقالت انها تبي ترتب غرفة خواتها لان فيها دواليب ثابتة بالجدار وفيها بعض ملابسي وأغراضي القديمة... وبعض ملابسهن اللي صغرت عليهن وداستهن لخواتها الصغار....جابت حمامة السلم وصارت تنزل كل شي بالدواليب..... وتسالني عن اللي ابيه واللي ما ابيه... والحق ينقال انها رتبت الدواليب وانفضتهن نفض... المهم>>>>>
تقول حمامة انها لقت الفلوس بدواليبي القديمة.... وانا بالبداية بصراحة ما صدقتها .... لكن يوم رجعت للذاكرة تذكرت اني كنت مشتركة بجمعية علشان اسدد ديون الترميم وكانت الجمعية 41 الف والدين 30 الف
المهم اني رفعت الفلوس وحصل لبس وقتها وع زوجي على مبلغ ثاني كنت اعتقد انه اخذ الباقي... وصار كل منا يحسب الثاني اخذ الفلوس وهي بقت بمدسها بالدلاب فوووووق مرة>>> لازم سلم علشان نطلع اللي به

الله يهديها ويهدي كل بنات المسلمين
الله يستر من الجيل الجديد كل شي متوقع منه



السبب الي خلاها تسوي كذه أكيد عندها صاحبات مترفهات زياده في اللبس والروحات والجيات والاسواق
الفخمه قالت ليش أنا كذه مو زيهم برغم هذا مو سبب يخليها تأخذ الفلوس وتتصرف فيهم
زي ماتبغي

أوأنتم حارمينها من بعض الاشياء
وعندي سؤال
هل بنتك تروح وحدها للسوق مع السواق
أذا هيه تروح وحدها للسوق هذا الي شجعها على السرقه بتقدر تسوي اللي تبغاه
لان لو هيه تروح معاك السوق وما تروح وحدها ما تسوي كذه لانها بتعرف أنك بتكتشفين الامروانتي معاها

سامحيني لو غلطت بشي عليك أو على بنتك

أختك مرح

الحمد للّه ربك ستر لكن هذا يفتح عيونا ويخلينا مفتحات 24 ساعة مع البنات اللّه يصلحهم ويستر عليهم مسؤلية وهمهم هم
:27: :27:

عرفنا وين لقت الفلوس يا اخوات ولا كان هذا بس اللي ذوب قلبي من القهر لكن هو العذر اللي خلاها ما تعلمني عنه على الرغم من انها لقت لي ملابس جديدة شتوية كنت شاريتها باخر الشتا ورفعتها للشتاء اللي بعده ونسيتها... >>>وكان لحمامة نصيب من هذي الملابس اللي طلع مقاسها
شوفوا العذر.....
تقول حمامة انها >>>ان صدقت لاني فقدت كثير من الثقة بكل البنات>>> تقول انها اعتقدت ان هذي الفلوس مزورة لان ابوها >> وهو ضابط ومسؤول كبير>> قد جاب (من زمان) للبيت فلوس مزورة من فئة 100 ريال وقالت بنفسها اكيد هذي فلوس مزورة لو علمتهم ابوي ما يخلينا تصرفها وحنا نبي نصرفها ونستانس ولا احد يدري>>> طبعا شاورت اختها الكبيرة 19 سنة >>> يقال لك العاقلة اللي تبي تشير عليها صح وهي طبعا استانست لهذا الراي لأنه يوافق ميولها ايضا

وش رايكم بهذي القصة اللي تشبه الافلام ... والبنات المستهترات بالقيم وحتى الذوق... من اجل مبلغ من المال لم يسالن عن رضى أم او أب؟؟ قلت لهن هذا والمبلغ 10000 اجل لو كان 100000 وش يكون موقفكن؟؟؟؟
هل تقبلون يا اخواتي مثل هذا العذر؟؟

أختي مرح... ما تصدقين اني احاول اشتري لهن كل شي يطلبنه بحدود امكانياتي .. اقسم بالله اني احرم نفسي من اشياء كثيرة من اجل اوفر لهن الملابس والاكسسوارات الماركات اللي يبونها... واللي يشوفهن يحسبهن من اطبقة غنية جدا من ملابسهن والاشياء اللي يقنينها.... ومع هذا صار هذا كله ضدي وعقوبة علي للأسف
ولا يروحن للسوق مع السواق لحالهن... لكن زي مملكة المرأة مثلا نروح سوا ولكن كل يمشي لحاله لأنه سوق نسائي محترم ولا فيه الا بنات