شوفوا وش لقيت مع خدامتي,,, الموجودين الآن

السلام عليكم

بنات الله يجزاكم خير دلوني وش اسوي احس اني تايهه وخايفه

قبل ساعه نامو عيالي والخدامه عاد انا الاحظ عليها يوميا انها تطول بالحمام الله يكرمكم لكن ماقد فكرت افتش بعدها واليوم لانها في حالها وطيبه الى ابعد حد المهم مدري قررت ادخل وافتش الحمام بعدها لها اغراض بالحمام مو عفشها كله

لقيت معها فلوس مع ان راتبها كله محولته وانا بصراحه مافقدت شيء والمبلغ اللي معها مايذكر عشرات وخمسات
والفلوس والله ماهمتني بسلامتها

لكن لقيت معها ظرف حاطه فيه اظفر واحد فقط
وفي كل مكان من اغرضها حاطه منديل ملفوف واذا فتحته قطنه مافيها شيء


وفي منديل فيه بذرتين بس تفاح مدري وشو

والله اني كارهتا هاللحين اشد الكره وودي اطلعها من بيتي


ولقيت شورت لبنتي
سبحان الله صايره عليه سالفه اليوم كنا طالعين وجيت البسه بناتي لقيت واحد والثاني مالقيته دورته بالدولاب مالقيته ناديتها دورت معي مالقته
وتوقعت اني ناسيته عند اهلي انا جايه لي 3 اسابيع من عند اهلي ومالبسوها بناتي كل هالفتره
لكن لقيته فيه رطوبه مع انه من زمان ما انلبس ولونه متغير
مستغربه اذا هي مخربته ليش محتفظه فيه ليش ماتخلصت منه وكيف يخرب والثاني لا
بناتي توأم ولبسهم زي بعض وتنغسل مع بعض ليش واحد يخرب والثاني لا انا من اللي شفته شكيت انها كابه هي فوقه شيء ليش لين وهو له 3 اسابيع وزياده ما احد لبسه


دلوني وش اسوي اخبر زوجي اذا جاء

اواجهها هااللحين لاني لقيتها صاحيه شاكه فيني ان فتشت اغراضها لما دخلت الحمام اخذت الاغراض هذه ومدري وش اسوس


ارشدوني الله يجزاكم خير احس تفكير ي وقف :44:

انتظركم:icon33:



هذا ردي بالصفحه الرابعه نسخته لكم هنا

اليوم الصبح ناديت الخدامه وواجهتها باللي شفته

لما شافت الظرف قالت انا اخذته من اغراض بابا في كرتون فيه كتب لزوجي والظرف كان فيه وتقول اخذته من هناك

قلت ماعلي من الظرف اللي داخله قالت مافيه شيء ولما وريتها اللي فيه حلفت لي مالها دخل وانه موجود من قبل في الظرف لانه توه تشوفه وتقول انا فتحت الظرف ما انتبهت ان فيه شيء وبالفعل انا ياللا طلعته

عاد ما ابي اظلمها
انا تذكرت لما رجعنا من السفر من عند اهلي كان زوجي الله يسامحه حايس البيت فوق تحت وكنت ارتب معها واساعدها في الترتيب وكان زوجي اثناء غيابنا ماخذ كتب من هالكرتون وعلشان ياخذ كتاب واحد يطلع كل الكرتون وشفت انا الظرف هذا وفتحته وكان الظاهر قاص اظافيره وحاطها فيه بس كذا اظفر وهذه طبيعه زفت في زوجي اذا قصهم مايحطهم بالزباله الله يكرمكم يجمعها بمنديل او ورقه او اي شيء ويخليها مكانه الين اجي اشيلهم انا

انا فتحت الظرف ولقيتها وتناثر بعضها مني ولا اهتميت لاني كنت باكنس بس احسب اني حطيت الظرف بالزباله شكلي رجعته مع الكتب

وجلست تحلف ان مالها علاقه فيه ابد وانه توه تشوفه

انا لو ماقد شفته قبل قلت تصرفني وكذابه

اما شورت بنتي تقول لما كنت عند اهلي رحنا السوق وخليتها هي وخدامة اهلي مع عيالي بالملاهي وبنتي كانت لابسه الشورت وتقول انها بغت الحمام ورحت اوديها ونزلت ملابسها وحطيت الشورت على مدري وش يسمونه حق التنظيف وتقول طاح بالمويه حقت التنظيف وطلعته وغيرت لبستها بنطلون وهذه اذكرها لاني لما رجعت لهم لقيت بنتي مغيره لبسها وسالتها قالت انها اعدمت ملابسها قبل اوصل الحمام وصدقتها لان كذا مره يصير لنا الموقف
وتقول لما رجعت ابي اغسله بالبيت لقيت لونه متغير وخفت منك واحتفظت فيه ابي اقولك بس خايفه واني اسشرت خدامة امي كيف اقول لمدام وقالت لها اكيد مدام بتزعل
وهي اتوقع انها خايف اخصم عليها لان خدامتي اللي قبل خصمت عليها فلوس لانها اعدمت كل شيء وعن عمد اشياء كثيره بالبيت وكانت تتصل بعاملات اهلي واكيد معلمتهم باللي سويته فيها والخدامات مخوفين خدامتي اني باخصم عليها لو خربت لي شيء


اما البذور تقول عادي عنب كنت اكله ويمكن ما اهتميت ارمي المنديل

والمناديل والقطن تقول عادي مناديل وقطن مافيها شيء انا امسح وجهي بقطن علشان فيها بقعه غامقه اعلى خدها وتقول امسحها بالقطن بقوه كل يوم قلت ليه مو مع بعض ليه مفرق في كل مكان سكتت ماردت علي

عاد اتوقع لانها تاخذه من قطني لانها ماقد وصتني لها بقطن

تتوقعون انها صادقه والا انها اخطر مما اتصور

هي قدامي هاديه وفي حالها ولاتتكلم وخوافه لابعد حد
ما ابي احط بذمتي شيء ولا ابي اظلمها


الله يكفيني شرها يارب ياكريم