هههههههههههههههههههه

هههههههههههههههههههههههههههههههههههااااااااااااااااااااااااااااااااااااااااي انا زوجي يوم نتزوج ماجاب له ولا منشفه خخخخخخ


انا كنت مشتريه طقم ارواب ومناشف ولا كان قعد فيها

لقيت بالدولاب 3 هافات و3 فانيل بيض و3 سروال السنة خخخخخخخخخخخخ:35:

و6 ثوب ابيض

مافي ولا شامبو انا جايبه معي:hahaha:

بس صابونة ديتول وحده<<<<<اعتبرها تقدم في النظافة:D

وموس حلاقة وجل حلاقة خخخخخخخخخخخخخخخخخخ

وبعد الزواج بيومين شراله ثوبين بيت :32:

انا شريتله بيجامات بس مالبسها الا مرة خخخخخخخخخ

ههههههههههههههههههههههههههههههههههههه

زوجي ماشاء الله عليه

دولاااااااااااااااب كااااااااااااااااااااامل للتيشرتات والشورتات والبناطيل


كل ساعة يغير طقم

ووينـــــــــــــــــك ياغسالة

يابنت الحلال احمدي ربك انه ما يحب الحركات هذي


كنتي تعبتي من الغسيــــــــــــــــل

بالبيت ثوب النوم ... لو افحط مايلبس بدل رياضه

الغريب انه بمكه يلبس اي شي .. مره لابس بدلة رياضه وطاقيه وشبشب .. واحنا طالعين من مكه للرياض وهو نايم ورى .. وقفونا الشرطه على بالهم مهربين باعشير ههههههههههههههههههههههههههههههههههههههههه

موضوع يلامس همومنا.... تسلمين أختي..

وهذا موضوع لأحد الاخوات تشكي هالحال:

واحد ريحته خياااااس والثاني جلده كنه جلد ضب...... ويقولون مايعيبنا شيء
من المعروف ان حب التزين والتعطر والاهتمام بالمظهر الشخصي من الاوليات والاساسيات اللي تحرص عليها المرأة اولاً

والرجل ثانياً وهذا امر طبيعي ..

لكن الشيء اللي مو طبيعي هو الاهمال الحاصل من اغلب الرجال بهالامور ..



قريب لي وهو احد المشايخه اللي يرقون المرضى بالرقيه الشرعيه يقول لنا

جاني رجال مع زوجته ويقول للشيخ زوجتي فيها عين ( نفس ) ابيك تقرا عليها

ساله ليش وش الاعراض اللي تحس فيها ؟؟؟؟

قال اني لما اقرب منها تحوم كبدها وتبعد عني وانا توني متزوج لي ثلاث اسابيع !!

قام وقرا عليها وشاف انها طبيعيه وماتحس بأي شيء مع القراءه ..

ويقول هالشيخ ..

عرفت سبب هاللي خلى الزوجه تحوم كبدها .. لاني جلست مع هالزوج فتره وكانت له ريحه مره شينه (( ريحة الابط ))

حتى اني وانا اكلمه حامت كبدي من ريحته

وقلت له شف .. انا عرفت علاجك .. وهو انك تتروش كل يوم اول ماتقوم الصباح وقبل تنام بالليل .. وتستخدم مزيل جيد للعرق أسمه كذا وكذا .. لانه بعض المزيلات الرديئه تتفاعل مع العرق وتطلع ريحه شينه .. ويمكن انت ماتحس فيها بس الاشخاص اللي يجلسون معاك يحسون فيها .. وبرضو تستخدم شامبو للجسم غير شامبو الشعر ..وتكون من نوعيه جيده زي ماركه كذا وكذا ..

الموووهم ..

بعد اسبوعين رجع هالشخص للشيخ وقعد يتشكره ويقول انه فعلا قدرت اقرب لزوجتي بدون ماتحوم كبدها زي اول وانهم الان زي العسل واحسن بعد ..



وطبعا اللي خلاني اقول لكم هالقصه اني كنت قبل فتره جالسه مع مجموعه من القريبات وكان بعضهم يشتكي من اهمال ازواجهم لانفسهم ويقولون اننا نستحي نصارحهم بهالامور .. وبنفس الوقت تحوم كبودنا ونتقرف منها ونسكت مانقدر نقول شي ..

وان تجراءنا وكلمناهم اما يزعلون ويقولون الرجال مايعيبه شي .. او يتعدلون فتره ثم يرجعون للطير ياللي ..

وبرضو كنت مشاركه في احدى المنتديات النسائيه وكانوا بعضهم يشتكون من هالامور ..

راح اذكر لكم اغلبها من باب النصح والتوجيه .. وان الانسان احيانا مايحس بنفسه ومايحس فيه الا اللي يجلس معه ..



*** وحده في المنتدى تشتكي من رائحه فم زوجها وتقول انصحه انه ياكل علك او يفرش اسنانه .. لكن للاسف الريحه عااالقه بقوه .. وبصراحه انا تتقرف نفسي لما اكلمه او اقرب منه .. ولا ادري وش الحل ..

لانه اغلب الرجال يهملون الاهتمام بالاسنان وتلاقون اغلبهم اسنانه صفراء او ريحتها شينه .. علشان كذا المفروض ان الزوج يحرص على الاهتمام برائحه الفم وخاصه انه يوجده معطرات للفم .. يستخدمها بعد مايفرش اسنانه ..

والسواك المفروض دائم معاه في جيبه .. والمفروض بعد انه يسال زوجته عن ريحة فمه لانه يمكن مايحس فيها .. وزوجته تستحي تقوله .. وخاصه انه احيانا تظهر ريحة الفم حتى مع نظافه الاسنان اليوميه لانه يمكن يكون سببها المعده ..





*** بعض الرجال يهمل نظافه بشرة الوجه وتلاقون الحبوب الدهنيه والزيوان (( النقط السوداء )) منتشره فيها والسبب عوامل الجو الحاره .. علشان كذا المفروض اول مايقوم الصباح يغسل وجهه بالميلك(( منظف خاص بالوجه )) .. ويحرص انه يسوي تنظيف للبشره كل شهر ..

المشكله ان اغلب الرجال مايسوي تنظيف للوجه عند الحلاق الا يوم الزواج بس وبعدين يهمل نفسه .. وتلاقون بشرة الوجه تحوم الكبد من كثر الجفاف او الحبوب الدهنيه اللي فيها ..





*** بعض الرجال مايعترف باستخدام الكريمات المرطبه للجسم وتلاقون جلده كنه جلد ضب من الخشونه وخاصه مع عوامل جونا الحااااااره ويعتقد انه هالشيء من صفات الرجوله ..

وحده تقولي زوجي رجوله تقول رجلين شايب وهو بعز شبابه وفيها قشور غير طبيعيه وتقول لما اجيب الكريم ادهن رجوله يرفض .. وبصراحه اتقزز من منظرها وتحوم كبدي .. وهو ماهمه ..





*** بعض الرجال يهمل في شكله الخارجي يعني مثلا مايروح يحلق وينعم الشارب او اللحيه الا اذا جاء بيروح لموعد هام زواج او اجتماع مع ربعه .. وهو بالبيت وقدام زوجته تقول كنه مجرم حرب ومايدري انه هااللي قدامه تحب تشوف زوجها بابهي شكل واحلى وجه ..



بعضهم يجلس بالبيت بسروال وفنيله .. ويطلب من زوجته انها تتكشخ وتلبس احلى لبس .. طيب ليش هو مايشوف نفسه .. يلبس شي حلو .. تي شيرت قطني الوانه حلوه وبرمودا او شورت .. او على الاقل ثوب البيت المخصص.. وعند النوم يلبس بجامات قطنيه او كتان اشكالها حلوه وكشخه بدال ماينوم بالسروال والفنيله !!!



وبعضهم يقعد بالبيت بسروال وفنيله وتجلس عليه باليومين والثلاث ايام واذا طق احد عليه الباب ولا بيروح للمسجد راح يلبس الثوب النظيف على السروال والفنيله الوسخه !!!!

وبعضهم الشماغ والعقال مرمي بالسياره بالشهور حتى ان سيارته صايره كنها دولاب ملابس .. ولما ينزل بيروح يسلم على احد راح يدور على عقاله وشماغه هي بالشنطه ولا تحت المرتبه اللي ورا .. ولا بالدرج !!!

واغلب المتزوجين ينعرفون من اشكالهم !!!





*** كثير من الرجال مايهتم بريحه الجسم .. والمشكله انه مايحس فيها .. ماتحس فيها الا هالضعيفه اللي قاعده قدامه .. واذا جاء يروح يشتري عطورات يشتريها بدون مايشاور زوجته .. او يشتري انواع رديئه تتفاعل مع ريحه الجسم وتطلع ريحه غير طبيعيه ..

او لما يتروش بس يغسل راسه بشامبو الشعر بس .. ويهمل شامبوات الجسم الخاصه .. او يشتري شامبوات من ابو ريالين .. اللي تطلع ريحه شينه مع الحر ..

وبعضهم يهمل استخدام مزيلات العرق او يشتري انواع رديئه وتصير ريحه الابط اللهم ياكافي ريحه بصل خايس ..



*** بعض الرجال يهمل الاهتمام بنظافه الشعر .. وخاصه انه الطاقيه عليهم اغلب الوقت ومع هالحر تلاقون الفطريات او القشره تنتشر بالراس ..

واول مايشوف هالقشره علطووول يروح للحلاق ويلحق ع الصفر .. ويصير اصلع اللهم لك الحمد .. بدال مايهتم بنظافه شعره باستخدام الكريمات والشامبوات الخاااصه بالقشره او يروح لدكتور الجلديه لعلاجها !!!



*** كثير من الرجال يهمل نظافه الاظافروتقليمها مع ان الرسول صلى الله عليه وسلم حث على تقليمها ..

وبرضو بعضهم يهمل ترطيب الشفايف وتلاقون شفايفهم متشققه وجاااافه وخاصه مع نقص بعض فيتامينات الجسم .. والمفروض يحرص الواحد على ان يكون مرطب الشفايف معاه طول الوقت ومايمنع انه يحطه بالجيب علشان ماينسى ..



وفيه نقاط كثيره لكن هذي اغلب الامور اللي تشكي منها الحريم ..

وبالنهايه ..

زميله لي تمدح اخوها وتقول من شده اهتمامه بنفسه صارت زوجته تغار منه وتنافسه على هالامر .. وتسريحته مليانه بالعطورات والكريمات ومستحضرات النظافه الشخصيه من ماركات مميزه ورائعه ..

ولما نجي نكلمه تنفتح نفسنا له .. وتحسين بوجهه وريحته وثوبه وشكله الخارجي النظافه والاهتمام ... معنا ومع زوجته وعياله ومع كل الناس ..



واذا عندكم أضافات ونصائح ليتكم تذكرونها هنا .. ودمتم بخير






----------------------------------------------------------------------------
هنا الردود ولا تقل روعة عن المووضوع
مع هذا الصيف الريحه طالعه طالعه.

الرجاجيل والحريم كلن ريحته تعجعج وتفوح ولا ينفع لاترويش ولا مزيلات .


نعم لاننكر ان بعض الرجال فيهم هذه الصفه وويعد بهذا قليل إحساس وكريه وغير حضاري ولايهتم بنظافة بدنه وثوبه الا ان ذلك لايؤثر عليه كثيرا ولايعيبه بشكل قوي فله تأثير محدود كرجل وينسى ،،، بخلاف المرأه التي اذا اتصفت بهذه الصفه فهو الشق والبعج وتبقي وصمة عار و صفة سيئه ملازمه للمرأه يتحدث عنها النساء قبل الرجال في المجالس وان غيرت وبدلت لكن الدور على بعض الحريم (لااقصد صاحبة المقال ولكن لتوضيح نقطه ) من ذوات الحجم اللارج كما نسمع اللي اذا عبت الكرشه عقب الغداء وشربت الببسي وتجأشأت وقتها لو يوقف قطو قدامها كان مات من خبث ريحة الفم ،،، والا اذا حضرت عرس في هالصيف و رقصت مع طق الطقاقات بدأ العرق يهطل والريحه ماتعوق طالعه طالعه حتى لو بخت مئة غرشة مانع للتعرق تقول غاز الخردل
ــــــ
الحاصل اللي ابي اقوله ان النساء شقائق الرجال كما اخبر النبي صلى الله عليه وسلم وان ذلك يجري ايضا على النساء من الروائح الطريهه وعدم الاستحمام ويكون أكثر سوءا وعيبا في حقها ومنقصة كبرى واتوقع الهجوم بعد الرد بأنني متصف بهذه الصفه او زوجتي كردة فعل ثائرة ولهذا تحدثت عن تلك الشواهد كما حصل في موضوع سابق
ـــــ

فعلا العناية مهمة جدا ..

بدون مبالغة ..يعني نظافة شخصية واتباع للسنة من تقليم الاظافر و..و....الخ والرائحة الطيبة.

ــــ
سلام عليكم ورحمة الله وبركاته .. موضوع جيد للمتزوجين فيه نقاط اراهاا منطقيه وواقعيه وجيده ونقاط ارى انه لاداعي لهاا ... اولا : انااارى ان الاهتمام بالنظافة الشخصيه من نظافة الجسم والشعر والمظهر مهم جداا للرجل كماا للمرأه والله جميل يحب الجمال .. فالاهتمام بالجسم يبداا من الاهتمام بالنظافة الشخصيه الصحيحه والجيده وينتهي بحسن اختيار الهندام واللبس ولاداعي لذكر التفاصيل هناا ..

ثانياا .. اناا لااارى ان هناك داعياا لاستخدام الرجل لمنظفات الوجه وانه اول مايقوم يجلس يغسل وجهه بالميلك ويقوم بتنظيف البشره .. احس ان هذه للمراه ليست للرجل .. وكذلك الكريمات المرطبه مالهاا داعي للرجل ! النعومه من صفات المرأه ليست من صفات الرجل ! ويكون برجول الرجل قشور و يكون جلده خشن احسن من ان يكون جلده انعم من جلد زوجته .. ! واسالي المتزوجات الخبيرات وليس بنات اليوم ! وكذلك نوعية اللبس الذي يللبسه الرجل في منزله ارى انهاا حرية شخصيه لاداعي للتدخل فيهاا وهي من خصوصيات الزوجين بمعنى يلبس الي يراه مناسباا لظهوره امام زوجته اي كان .. ! والحلاقه على الصفر مالهاا علاقه بالقشره .. !! وكمان مرطب الشفايف ماله دااعي ان يكون بجيب الرجل مرطب شفاايف !! وكماا قلت الاهتمام بالنظافه الشخصيه مطلب اساسي ولكن كذلك الزياده مالهاا داعي يعني مثل المثال الي تقولين صارت زوجته تغار منه في مظهره .. والله مشكله يعني صارت الغيره من غيره على المحب الى غيره من المحب ... !!
ـــــــــ


صدقوني كل هذا ولا شيء ..

عند اللي يجيك المسجد ..

وهو ماتروش 3 أيام ..

نفس الثوب ..

وباخ على ثوبه من مخلطات أجمل ..

ويصلي بجنبك التراويح : (

فعلا .. لدينا مشكلة نظافة .. ربما ساعدت بعض المفاهيم الخاطئة في مجتمعنا عن الرجولة على تفاقم المشكلة .. المصيبة أن البعض يفتخر بذلك .. ولكن علاج المشكلة ليس بالصعب .. المسألة مسألة تثقيف وتعود .. حتى مرطب الشفايف اللي محتجين عليه الإخوان تحتاجه بعض الأحيان .. ولا وش فرقت ؟؟ تمزمزلها برنقلز ولا كبدة حاشي أصرف من ....... براطمك !

أضعف الإيمان .. الاستحمام بالماء مرة أو مرتين في اليوم .. دش سريع أبو 5 دقايق .. رحمة بالمصلين والملائكة قبل زوجتك : ) .. هي مغصوبة عليك لكن المصلين والملائكة وش ذنبهم ؟؟


ـــ
خلني أقولكم شي

النظافة مو متعلقة بزوجة

يعني النظيف راح يكون نظيف من يومه

والشين راح يكون شين من يومه

يعني هي مسألة عادة

خصوصا النظافة البدنية

والكريمات والمنظفات وأنواعهن

والمسألة لازم يكون فيها تقدير شخصي للمشكلة

يعني

مو كل الناس يعرقون

ومو كل الناس لهم ريحة حلق

يعني كل واحد لازم يعرف مشكلته ويحاول يحلها

وبعدين فيه واحد زميل لي عنده مشكلة رائحة زوجته

ولا تجرأ إنه يقول لها لأنه ولد أصل وفصل وحسن العشرة ويخاف على مشاعرها ولا بعد لهم متزوجين عمر

يعني السالفة ما فيها رجل ولا أمراة

كلنا في الهواء سواء وفي الميدان يا حميدان

ـــــــــ
كلاااامك صحيح وعين العقل يا انكسار

من فينا يطيق الريحه الخايسه والعفنه , المفروض اللي ما يحبه الواحد لنفسه ما يرضاه للغير ويكون عنده خاصية النقد الذاتي لنفسه ولا يترك فرصه للغير ينتقده.

انا مستغرب من اللي يقعد له يومين ما يسبح !! ما يشم ريحة نفسه , ما يخجل من اللي يصلي بجنبهم في المسجد من عفانته , يا دافع البلا من بعض الناس ودلاختهم. كلـه يهون , بس اللي جالسه معه طول الوقت في البيت مقابلته طول اليووم وش ذنبها مسكينه .

اللي ما يتروش بأستمرار ولا عنده اهتمام بشكله الخارجي من المؤكد انه يهمل بعد المستور منه مثل اشيااء مهمه كـ حلق شعر العانه والأبط وتنظيف مفاصل الجسم بعد.

شكراً انكسار على موضوعك القيم , وعلى اللـه الناس تفهم وتعرف وشلون تهتم بنفسها عشان ما ينفرون منه اللي حوله من خياسته.
ــــــــ
لافض فوك ولا كيبوردك كلام واقعي وفي الصميم وهالكلام ماينطبق على المتزوجين بس حتى على العزوبيه المنتفين اللي يتأذون منهم ربعهم سواء في استراحات او في العمل واماكن التجمع

فيه ناس من شدة اهمالهم لا خلصوا لاعبين كوره لبسوا ثيابهم وكأن شي ماصار

المفروض الواحد يعود نفسه على دش سريع وخاصه اوقات الصيف


ــــ
أتفق معك في معظم ما جاء في موضوعك فالكثير من رجالنا لا يعيرون نظافتهم أي اهتمام و في قليل من الحالات بعض النساء ايضاً ،،

عموماً ما أود ذكره ان من لزوجها رائحة غير طيبة أو حتى سلوك غير جميل و تستحي أن تخبره بذلك فلا تلومن إلا نفسها،، فالكثير من الناس لا يدري ان له رائحة غير طيبة او أن له عادة او سلوك غير جميل،،

اما من تقول ولا يستجاب لها فأعانها الله و صبرها على ما ابتلاها به،، فعليها اللجوء لأحد يثق فيه من أهله و تخبره بمعضلتها او فلنقل بطامتها فتلك بالفعل كارثة لا يسكت عليها،، هذا و انا اقرأ الموضوع حامت كبدي أشلون لو كنت عايش اللحظة ( اللهم عافهم و اجرنا مما ابتليتهم به )،،

شكرا لك انكسار على هذا الموضوع المهم،،

ـــــــ
كلام جميل بشرط أن لانصل إلى مرحلة النعومة ...

يقول عمر بن الخطاب رضي الله عنه: "إنَّه ليعجبني الشاب الناسك نظيف الثوب طيب الريح".

وقال عبد الله بن أحمد بن حنبل عن أبيه: "إنِّي ما رأيت أحداً أنظف ثوبًا ولا أشد تعهدًا لنفسه وشاربه وشعر رأسه وشعر بدنه، ولا أنقى ثوبًا وأشده بياضًا من أحمد بن حنبل".


ــــــــ
فعلا والله فيه ناس تقابلها تكتم على نفسك من ريحتها >

ومثل ما قالوا البعض هذا راجع لطبع الرجل مع ان مثل هذا لا يحكمه الطبع بل يجب ان يقال لمثل هذه النوعية واخبارها بواقعها اللي ما تدري عنه علشان تعيش معه انت او تعيش معه زوجته .

على طاري ريحة الابط .

يقول هذا محشش ركب مع راعي ليموزين ، وريحته فايحة مررررررررررة . اول ما ركب المحشش قال لراعي الليموزين انت سيارتك كم حصان ؟ قال 20 حصان ، قل اكيد واحد ميت

المهم .. المظهر الطيب والريحة الطيبة خلق النبي وعلينا ان نتطبعها بها .

ثم والله ان الريحة الطيبة تغير من نفسيتك وعكسها الريحة الخايسة .

وعلى طاري الريحة يقولون ان عصار الاباطي صار يجيب السرطان الله يكفينا الشر وش البديل

موضوع يستحق النقاش


ــــــــ
دونكم هذه النصائح الذهبية يارجال...حقيقة أنا يعجبني هذا النوع من النصائح لأنه موثق وفي أمر مهم..اقضبوا حريمكم بتزينكم والا ترى العاقبة وخيمة..رفس ودفس.. الله يستر


ــــــــ
انا قريت موضوع انكسار امراه ووالله اني تاثرت لاني فعلا تزوجت واحد ريحته خايسه وكل ما قلتله تنظف ما يتنظف

واشتهر عند الناس باسم ( ابو نغافه ) حيث انه دايم ايده بخشمه .. كرهته بقوه وطلعته عنه واخذت طلاقي بالقوه

وتزوج ثانيه وثالثه وكلهن يهجن والناس يقولون منفوس مايدرون انه وسخ وريحته ماتطاق

انا تعقدت من الرجال وودوني يقرون علي يحسبونن بي عين .. وانا والله منسده نفسي

احسب الرجال كلهم هالنمونه ومن قراي لقراي لطبيب نفسي ولا فائده ولا ابي العرس

والله اني جتن اوقات احسبني شاذه من كثر كرهي للرجال والله اني اقول الصراحه ابيه درس للجميع

واني ناصحه منصحه

وعقب اسنتين رحنا للرياض لاخوي دوره وصار اخوي يدور بنا بالعليا والتحليه

وشفت العيال وشفت نظافتهم والله اني حسيت ابي اعرس من جديد ولا عاد احس بالحموضه

وحوام الكبد وتقدم لي واحدن مع اخوي بالدوره وقلت ابي اشوفه قبل وشفته والاه نظافه وبشره نظيفه

وثيابه على قده ويديه يدين نظيف .. حتى نعاله وانتم بكرامه نظيفه

والحين انا واياه لنا ثلاث اسنين يسوا عيوني المركبه .. ادري انه دخل من ريحة عطره

ومن نظافته .. حتى ولدي الصغير اخذ منه حبه للريحه عمره سنتين ويكشر لاشم ريحة شينه

ترا والله وانا اختكم ان الرجال النظيف والمرتب بغض النظر عن جماله وزينه وشينه .. المهم نظافته

وترتيبه ونظافة ايديه ورجليه وعنايته بنفسه وعطره ولا هوب لازم ميلك ولا غيره

المهم النظافه والشامبو وجل الجسم والعطر انها تحبب المره برجلها وانها تفتح نفسها له

ولا يغركم الي يقولون ما يقولون ترا ماينكر هالحقيقه الي قالت عنها انكسار الا واحدن وسخ ومستحي من روحه

انا قلتلكم تجربتي وانتم بكيفكم


ـــــــــ
جيتي على الجرح وهذا حاصل فعلا بنسبه كبيرة جدا فى بعض الرجال يقول انه يمشى على سنه المصطفى ومايدفع مبلغ كل شهر يشترى فيه طيب والرسول صلى الله عليه وسلم حبب له من دنيته الطيب وكان صلى الله عليه وسلم يحث عليها و الإسلام دينُ النظافة ، والطهارة ، والنزاهة ، و الجمال ، ورمزهما , ومن تأمل كتاب الله - عز وجل - وسنة نبيه - صلى الله عليه وسلم - يجد ذلك جلياً وواضحاً فكان من هدية - عليه الصلاة والسلام - الاعتناء بتزيين نفسه وتهذيبها ، وكذلك الاعتناء بنظافة جسمه ، وملابسه وشعره ، وغير ذلك .. بأبي هو وأمي طاب حياً وميتاً، وما ذلك إلا لأنه يعلم علم اليقين بأن الله جميلٌ يحبُ الجمال فكان صلوات ربي وسلامه عليه يحبُ الأعمال التي تقربه إلى الله عز وجل وترفعه درجات عند مولاه ، ومن ضمنها الاهتمام بالزينة والتزين لإرضاء خالقه عز وجل ولتربية الأمة الإسلامية على هذا الخلق العظيم ، وهذه السجايا والصفات الطيبة والرفيعة وكان - عليه الصلاة والسلام - يُحب التطيب بالعود، والمسك، والعنبر وغيرها. عن محمد بن علي قال : سألتُ عائشة - رضي الله عنها - : أكان النبي - صلى الله عليه وسلم - يتطيب ؛ قالت : نعم بذكارة الطيب7: المسك والعنبر


ـــــــــ
أنا ذكر واوافقك كثيرا فيما تقولين

السبب الرئيسي ضعف التربيه في النظافه و الاهتمام بالنفس والمظهر والوعي ضعيف جدا في هالناحيه في عدة مجتمعات ومنها مجتمعنا

المنظر المقزز والمتكرر لدينا للأسف . رجل يدخل السوبرماركت أو المسجد وعليه قميص نوم .. مو بس كذا تحصليه متعرفط بقوه كانه علك بقره وعليه بعض الخرائط التوضيحيه لارشاد التائه

المشكله نوعا ما عالميه ..

لكن المشكله الاعظم ان لدينا تخلف مركب .. وهو ان عينات تنتقد من يهتم بمظهره ونظافته ومواد الاستحمام والتنظيف ويعتبرونه كبنت هذا في مجتمعنا.. وفي عدد من المجتمعات الغربيه التي عايشتها يتهم بالشذوذ

الجنس اللطيف يوجد منه عينات لكنها قليله والسبب ان البنت من الصغر تتربى على الاهتمام بنفسها ونظافتها بعكس الولد..

ملاحظه في بالي من زمان

وياناس اهتموا بمظهركم الاناقه حلوه واللباس جمال


ـــــــــ