شوفوا وضع صديقتي كيف!!!

البارح لقيت صديقة لي بعد صلاة التراويح ولزمت علي اروح لبيتها اتعشى معاها ورحت لها وهناك بصراحة تألمت كثير
لقيتها هي وجدتها وولدها لحالهم في البيت اهلها كلهم مسافرين كل في وادي وهي لازم تجلس كل مره عند جدتها تراعيها الى هنا والوضع معقول وفيه اجر خاصة وان الجدة تحب صديقتي وطفلها.المشكلة هم اهل صديقتي حاقرينها وقاهرينها رغم انها موظفة واهلها تجار مره مره مره لكنهم كل شي يبخلون فيه على ولدها حتى لما تبقى علبة عصير وحدة بالبيت مستحيل يعطون ولدها وحاطينهم في الغرفة اللي تحت جنب غرف الخدم!!!
المهم صديقتي ارملة وولدها يتيم من يوم عمره سنة والحين عمره 8 سنوات الولد منطوي يخاف خجول مره ومتردد , وشكل قمع خواله له هو السبب, الشي اللي مضايق صاحبتي هو ان اهلها يردون الخطاب لما يجونها بطرق التطفيش كم مره تقدم لها واحد وطفش من كثر ما يمططون فيه,,الحين متقدم لها واحد من شهرين وكل ما تقول لامها قولي لابوي وش صار قالت : شوفوا اللي ماتستحي في رمضان وتدور العرس !!!!!!!!!
اخر شي وبعد محاولات وجهد كلمت ابوها وقالت له ترا الرجال ماراح ينتظر اكثر من شهرين يا اما ترد عليه بالرفض وتريحوني ولا شوفه اسأل عنه قالها اوكي بجي من السفر اشوفه لك لكن بشرط بعد رابع العيد وانتي اللي تقصين لي تذاكر السفر واذا ما ناسبني وقت الرحلة ترا ماراح اجي!!!!!!!!!!!!!!!!!!!!
يالله هذا بدال مايدور هو لبنته رجال يستاهلها ويزوجه!!! يبغى يعجز بنته؟؟؟؟
يبغى رحلة في ذروة ايام العيد وعلى حساب بنته وهو تااااااااااااااااااااجر كبير ويبغى الرحلة في وقت يناسبه بصراحة عند هالنقطة بكت صديقي لين حسيت انها بتستفرغ ,,تقول والله العظيم اني اخضع لامي وابوي ومعلمة ولدي الاستسلام لكل شي يبونه لكن ما ادري ليه مايبغونا وحاقرينا وبنفس الوقت مايبون يتركونا رغم ان اغلب المتقدمين لصديقتي ماشاء الله دكاترة جامعيين وملتزمين ومره خطبها امير لانها جميلة جدا جدا حتى كنا نسميها فاتنة.واغلب اللي تقدموا لها والله اشخاص لهم ثقلهم .رحمتها يوم شفت الدور الثاني مقفل عنها وعن ولدها , رحمتها يوم شفت الخادمة تقولها لا تجلسون في هذا الصالون لان مدام ! قالت هذا مجلس لي انا وبس ولصديقاتي لاحد يدخله "تقصد اخت صديقي اللي اصغر منها بعشر سنين" حتى الخدم مو مسوين لصديقتي حساب يضربون لاخواتها اللي صغار مره لكن هي لا طبعا اكيد هذا بناء على طلب الام .بصراحة رحمتها وعورت قلبي . تقولي يوم كان ولدها ابو 4 سنوات وكانت صديقتي تروح تدرس كانت تجي تلقا ولدها مربوط بالسرير والبيت كله خدم .
ادعو معاي يابنات الله يسعدكم يارب انك تسهل لصديقتي الزوج الصالح اللي يهنيها ويسخر اهلها لها ويزوجونها عاجلا غير اجل ..علشان هاليتيم يعيش حياته .
بكيت وتوقفت عن الكتابة.