الله يعيينك والله عندي واحد زيي ولدك عنييد بالبييت وبرى البييت عجزت اتفاهم معاه احيانا يطلعني عن طوري وابتدي طق فييه
الله يهيديهم يارب

يا الله ذكرتيني بولدي البكر الله يحميه جنني لين خلاص ما كنت أعرف كيف أتصرف مثل ما قلتي جربت كل شي ما نفع
ولدي ما كان يحب شي إسمه حلاوة يعني ما أقدر اعطيه شي و يسكت كنت قبل لا أطلع أفكر فاللي منتظرني بس هو الله يحميه يوم نطلع أحطه فالعرباية و كان يقعد فيه الين صار عمره ثلاث سنين و لو نزلته الأرض ما أقدر أركض وراه أما الأهل ما كنت أروح لأحد و لا صديقات و السبب ما أقعد مكاني طول الوقت أركض و يلعب و يكسر الأغراض بس ما كان يشتم و لا يطلع لسانه و لا كان ينام على الأرض
على العموم يوم صار عمره 4 سنين و صار عنده أخ ثاني و أخت بيبي بدا يتغير شوية لكن ما قدرت أحطها بالمدرسة جربت و سوى فضايح يكسر كل اللي يشوفه وهو قصده لعب
رجعت البيت و ما دخل المدرسة لين صار عمره خمس سنين و نسيت أقولك هو ما شاء الله نبيه وهذه الشقاوة صفة فالأذكياء
دخل المدرسة تصوري حطوه صف أول على طول لأنني كنت أدرسه شوية بالبيت و الحمدلله الحين من المتفوقين و عاقل صار و تبارك الله له شخصية حلوة و محبوب من كل اللي يعرفه مدرسيه و مرضي و ما يرد لي طلب عسى ربي يحميه و يحمي عيالكم
و تعالي شوفي البنت اللي كانت عندي ما تتحرك من مكانها وما عذبنتي تربيتها أبدا الحين مطلع عيوني من الشقاوة و الضرابة كأنها ولد الله يخليها و يشافيها (بتسوي عملية للأذن هذا الأسبوع إن شاء الله )
و الحين أختكم عندها نسخة مصغرة من ولدي البكر و هي آخر العنقود لكن الحمدلله الحين عندي خادمة ما تسوي شي غير تراكض وراها بالبيت و يوم نطلع أخدها معي و تتبعها وين ما تروح ما أقدر ويا عباتي كم مرة كنت أبغي أطيح و أنا أركض
الله يحميهم بيتغيرون بس لا تلبين كل طلباته و حاولي لا تصارخين عليه طولي بالك و يوم يبكي لا تردين عليه غير بعبارة واحدة قولي له ما أسمع شي يوم أنت تبكي و هو بيعرف ما في فايدة و لكن يبغي لك صبر ما عليك من الناس احمدي ربي على النعمة و الحمد لله في ناس الله ما عطاهم عيال و يتمنون طفل لو كان أكبر مزعج
الله يخليه لك يا رب

ربنا يطمنك عليها

الله يعينك

بس لازم تتجاهلونه

عندي الحل بإذن الله.. بس قوي قلبك وتجاهلي ردود أفعاله تماماً
كذا خطوه نفذيها وبتشوفين النتايج بإذن الله من أول مره.:). نبدأ
عطيه خبر إتكم بتروحون المول الفلاني وقولي له لازم يابابا تمسك يدي أو تركب عربيتك عشان ماتضيع..بعدين مايصير عندك بيت ولا ماما.......... ومن هالحكي خليه يتشرب الفكره إنه لو ركض في المول وبعد عنك بيضيع
جربي قبل بيومين من طلعتك للمول وأنتي تلقنينه الأوامر
رحتي المول... طبعا من دخلتي بينسى كل شي وبيركض ويبعد عنك :09: حذريه لاتروح بعيد.. لازم تمسك يدي.. شوي لما يبعد عنك تجاهليه ولاتركضين وراه بالعكس حاولي تختفين عن عينه بس راقبيه عن بعد أو خلي أبوه يراقبه من بعيد بس لاينتبه الولد
أخوف شي هالفئه لماينتبه إن مافيه أحد حوله بيبكي وبيخاف وبيصير هو اللي يدوركم.. تجاهليه تماماً ولاتركضين له
واروع شي لما يمسكه السيكيورتي ويلف فيه شوي وهو يصيح ويدوركم:icon33:
كل هالسالفه 4دقايق اطلعوا في وجهه ووقته لاتضمينه ولاتسوين نفسك خايفه عليه.. بالعكس عاتبيه قولي ماحذرتك ليه تبعد عني.. المره الثانيه بروح البيت وأخليك تنام عند الشرطه :booo:
بحول واحد أحد ماعاد يفلت يدك في المولات ولاينزل من عربيته ولا تقولين بيتعقد كل عيالنا ضاعوا فعلاً مو تمثيليه ولا تعقدوا ولاشي بالعكس تربوا وصاروا يخافون ويسمعون الكلام :2thmup:

نجي للسوبر ماركت.. وهذي عن تجربه ونتيجه فعااااااااااااااااااااااااله
نفس الشي قبل بكم يوم واعديه بالسوبر ماركت الفلاني وياليت يكون اللي يحبه.. قولي بأشتري لك ألعاب وحلويات
أنا قلت لبنتي بأوديك الدانوب وإذا خلصنا شريت لك باسكن<< إدماااااااااااااااااان عليه متعوده كل مره نخلص تحلي باسكن
ونفذي الوعد اطلعوا للسوبر ماركت.. ونفس الشي بيبدأ مسرحيته من تدخلون
عاااااااااااااااااااااادي اسحبوه بالقوه ورجعيه البيت أو وديه عند أهلك المهم احرمييييييييييييييييييييييييييييييه
أنا رجعت الدانوب وتسوقت وحليت بباسكن واحتفظت بالكاس ورجعت لأهلي عشان آخذها.. طبعا كانت مسويه مسرحيه وهم طنااااااااااااااااش بتوصيه مني بس دخلت وشافت الأكياس وكاس باسكن انتحرت وبكت واستفرغت وانتم بكرامه وأنا طناااااااااااااش كملت باقي الآيس كريم.. شوي وجتني قالت ماما عطيني لقمه << هنا رحمتها :(
قلت لو جلستي هاديه وسمعتي الكلام كنت شريت لك واحد.. ومن بعدها وهي زي الألف :icon18:

نفس الشي اتبعيه عند الناس احرميه من شي يحبه أو من حفله ينتظرها وديه خليه يشوف الحفله واسحبيه ورجعيه البيت
وشوفي النتايج كيف :icon28: