


سيسال
•
الله يصلح حالك وحال بيوت جميع المسلمين اسمعي يا أختي أنتي ماسكنتي مع اهل زوجك الا وانتي عارفه ان فيه تبعات لهذا السكن يعني هذا الواقع انتي اخترتيه ولازم ترضين فيه تعاملي معهم كأنهم اهلك عيشي حياتك معهم بكل بساطه وبدون رسميه مع الاحتفاظ بخصوصيتك وايضا انتي احترمي خصوصيتهم صدقيني اكسبي ابو زوجك وامه وعامليهم مثل امك وابوك راح تحصدين النتيجه الحب والتقدير من زوجك والبر من ابنائك والاستقرار النفسي والاسري لك ولزوجك وابنائك حرام يا اختي تقتلين عمرك بها الصراعات اللي يمكن اساسها امر تافه والله بتندمين بعدين اذا تذكرتي ايامك كيف راحت بها الصراعات ترا كل المشكله كلها ماتستاهل كل هالزعل الامر جدا تافه وحله بالذكاء الاجتماعي وحسن الظن وعدم تعظيم الامور الله يصلح حالكم ويسخركم لبعض

الصفحة الأخيرة
وبصراحة غلطانة وبقوة انك تركتي زوجك يسافر بدون حتى ما تودعيه
هذا سفر افرضي صار شيء الله لايقدر
بعدين ترجعي تولولي وتقولي ياليت
اجلسي مع نفسك وفكري في الموضوع وبتلقيها مشكلة صغيرة والشيطان كبرها في دماغك
وبعدين بالنسبة لأهله
طالما عايشة معاهم في نفس البيت انصحك تتعاملي معاهم كانك وحدة من البيت
روحي مثلا وساعديهم في المطبخ وتجهيز السفرة
لاتتعاملي معاهم انك في سكن مستقل
يعني يومين عمك ما يشوفك يحق له يعاتبك
وأظن ما عتاب الا بين المحبين يعني لو ما يعزك ماعاتبك
وبالنسبة لسؤالهم لأولادك أمكم عشتكم ترا السؤال عادي جدا
بحكم انكم في بيت واحد
صدقيني الحياة ماراح تمشي لو دققتي في كل كلمة تنقال في بيت أهل زوجك
لازم الوحدة تفوت كثير وتاخذ الأمور ببساطة وتحاول تمشي مركب بيتها بقدر الامكان
واذا كنت ما تتحملي تعيشي مع أهله وانت عارفة نفسك كان من البداية شرطتي عليه سكن مستقل
يمكن ردي ما يعجبك
بس هذا اللي عندي
ونصيحة من أخت لأختها
أي مشكلة صغريها بتصغر كبريها تكبر .