شوفولي صرفه مع خدامتي ..مطيره النوم من عيني

كيفكم يا بنات ..بدخل في الموضوع على طول انا نزلت موضوع قبل كم يوم اتكلم فيه عن خدامتي واني لاقيه معها شعر وطبعا هي رفضت انها ترميه تقول انه لها المهم انا تركته معها وفي خاطري اذا جات بتسافر باخذه منها وكذا مره نتهاوش وتقول وديني مكتب وانا اقول لها مافيه اذا ماتبغين شغل خلاص يودي اندنوسي فتسكت ما تبغى تسافر بس ابغى اقول لكم انها لسانها طويل وخاصه اذا قلتلها مثلا دواليب المطبخ احسها ما تلمعها زين فاقول لها عيديها والله حتى ما انفخ او اهاوشها بس هي تاجي تزعل وتصقع بلاغراض وتقول انا ينظف فغرفه مدري وشو تقعد تعدد شغلها للي سوته طيب وش دخل هذا في هذا هذا شغلك والله يابنات اني معطيتها راحتها وحتى ما عندي عيال بس بنت ولا تمسكها انا اروشها واكلها وكل شي ومره بنتي كبت عصير فيالبلاط وتمر من جنبه ولا تمسحه علشان خلاص نظفت في الصباح وش ذا يعني العصير يقعد مكبوب الى اليوم الثاني حتى تمسحه ويوم قلتلها امسحيه والله امسحته اي كلام وترمي الكاسه في المطبخ وتصقع بالباب وغيرها كثير المهم انا قررت اسفرها وهي لها عندي بالضبط سنه وثلاث اشهر وفي نيتي اشتري لها شنطه جديده وملابس واغراض كل شي جديد وما اقول لها الا وقت سفرها بس اخاف اكون ضلمتها وهي من النوع اللي يحقد مرره حتى بنتي ماسلمت منها واذا شافتني لابسه تقعد تقز اعوذ بالله منها صار وقت وجودي عندها البس عبايه من كثر خوفي منها لا تعطيني عين ..فقولولي هل اذا سفرتها بدون مااعطيها ملابسها واغراضها اكون ضلمتها لاني بشتري كل شي جديد واخاف وهي رايحه تكون زعلانه تحقد علينا .والله اني مدري وش اسوي معها خلاص ابغى اقلعها من بيتي بس ما ابغى اضلمها مع اني محتاجتها مره بس الراحه النفسيه اهم ..الله يكفيني شرها