شوفو أمس وش صار لي..

السلام عليكم ورحمة الله وبركاته..

امس كنت متواعده أنا وزوجي نطلع نسهر برا لأني مسافره اليوم يعني بعد ساعه وبسافر عند أهلي

وهاطلعه كنت اتمناها من كل قلبي قعدنا نحضر لها من بدري..

المهم قال لي بروح بيت جدي اسلم عليه عشان لا يشره علي وانتِ تجهزي قلت اووووكي


طبعاً لازم كل يوم يروح بيت جده وخاصه هالحين عيد

المهم قابل هناك اعمامه واخواله وقالوا له بيجو ضيوف وابوك جاي في السكه وحلفوا عليه بالعشا

وهو حاول ما قدر

اتصل وقال لي معليش بحاول كمان لا تفقدي الأمل

وقعدت ابكي من القهر دايم خرجاتنا ماتتم إلا بطلوع الروح

المهم قعدت استغفر ع الساعه وحده وشوي وبعدين بطلت

قلت دامها جت الساعه وحده ونص لازم انسى الطلعه وأروح ارتب شنطتي

ع الساعه اربعه تقريباً اتصل قال لي تدرين صار شي غريب

ع الساعه وحده تيسرت الامور وبغيت اسويها لك مفاجأه ويوم طلعت وصلت الحوش أمي قالت لي

وينك تعال جدتك تبغاك :(

ومسكوه لييييييين الفجر..

أنا عرفت وقتها انها تيسرت بسبب الاستغفار ويوم بطلت ويئست تفركشت

الحمدالله على كل حال..

طبعاً أنا ما ألومه حاول يسوي المستحيل عشاني بس لانه الكبير دايم هو اللي ينكرف

ولازم دايم هو اللي يكون مع ابوه..وهالشي يفرحني اني اشوفه بار بأهله..

بس أحيان اتضايق لأني أنا اللي ينهضم حقي أكثر بغير قصد..

بس حبيت افضفض لكم شوي وتعلمت درس اني ما افقد الامل طول ما أنا استغفر

الله كريم..

بنات انا مسافره لأمي بعد ساعه دعواتكم اني اوصل بالسلامه..