دمــــوع الــــورد @dmoaa_alord_11

كبيرة محررات

شوفو إش صار لأخوي .....حسبي الله ونعم الوكيل....

السلام عليكم ورحمة الله وبركاته

مدري إش أقول ومن وين ابدأ صراحه اليوم مانمت إلا الظهر بسبب كلام أخوي
يابنات اليوم كنا نتكلم أنا وأمي عن البنت اللي في مكة اللي يأخذها صاحب الباص ويتحرش فيها
المهم ماكنا منتبهين إن أخوي عمره 10 سنوات جالس عندنا أنا وأمي وقال ماما شفتي فلان يسوي فيه كذا وكذا وربي يابنات عقولنا طارت إحنا وأمي وأمي مريضه بالقلب بغى يوقف قلبها من الخوف
تدرون هذا اللي يتحرش في أخويه مين؟
هذا ولد عمي وعمره 17 سنه تحرش فيه مرتين وأهدا واحد في عيال عمي ومشهور بأدبه وأخلاقه طلع من تحت لتحت
الله لايوفقه الحيوان الحقير القذر
قلت لأمي مني ساكته بقول لأبوي وإخواني بس رفضت وحلفتني ماأقول لأحد تقول والله غير تصير مذبحه طويله عريضه اسكتي لاتقولين لأحد
أدري بتقولولي طيب أخوك إش يوديه عند ولد عمك
يابنات أبويه عنده مزرعه في البر جمب بيت عمي وعمي أصلا ساكن في البر أبوي الله يسعده كل يوم يأخذ أخوي 10 سنوات وولدي 8 سنوات وبنتي 5 سنوات معاه المزرعه ويخليهم يلعبوووون وينبسطون وبعدين يمر عمي ويروحون معاه يشرب عنده القهوه والشاي وساعات يتعشى وعيالي يحبون الروحه عند عمي مررررره لأن عنده أطفال من سنهم ويطفشون أبويه لين مايوديهم عند عمي وبصراحه أنا مااطلع إلا لبيت أهلي وهما يطفشون عشان كذا أبويه يأخذهم معاه ذحين أنا عقلي طاااااااااااير خايفه على عيالي خصوصا البنت ينخاف عليها أكثر من الولد ولا أقدر أمنعهم لايروحون والله غير يموتون من الطفش

بس ابغى أفهمهم التحرش واحذرهم منه كيف ساعدوني؟
أخاف افتح على نفسي باب من الأسئلة المحرجة خصوصا إنهم صغار
وأخاف أفتح عيونهم على أشياء مو فاهمينها وبنفس الوقت أبغى أفهمهم عشان يكونون واعيين إذا أحد تعرضلهم أو حاول يهددهم لو يتكلمون

ساعدوني بنات وربي عقلي طاير الناس صارت زي الحيوانات

يلزم عليك تسجيل الدخول أولًا لكتابة تعليق.

تسجيل دخول

الجنة رغبتي • 13 سنة

حسبي الله ونعم الوكيل الله يحفظ عيالنا يارب و17 سنة كبييييييييييييير

&همس النسيم & • 13 سنة

الله يعينكم..

يمكن امك صادقه ماتبغى تصير مشاكل..

بس في نفس الوقت الولد لازم احد يوقفه عند حده..

يعني واحد من اخوانك يكون كبير وعاقل يوقفه عند حده..

ويندز2008 • 13 سنة

الحل أنك تمسكين أخوك وعيالك في البيت ويلعبون مع بعض وخليهم يموتون طفش وش المشكلة
ولا يروحون يجيهم شي تندمين عليه العمر كله
وحاولي تتواصلين مع ولد عمك بدون ما يدري أبوك وعمك وهدديه و علميه أنك عرفتي كل شي
خليه يخاف حسبي الله ونعم الوكيل

& ضـــوء القـمـر & • 13 سنة

اذا خايفه يصير مشكله بين الرجال بسبته هالحقير انتي كلميه وهدديه اذا سواها مره ثانية بتعلمين ابوك واخوانك ويأدبونه على الاقل يدري انكم دارين ماعاد يتجرأ على اخوك ابد

دمــــوع الــــورد • 13 سنة

همس النسيم

إخواني ماعندهم تفاهم والله لويدرون غير يذبحونه

بس ماقلتولي كيف أفهمهم ؟