شوفو اش سويت مع زوجي لما سافر

زوجي قبل فتره سافر اندنوسيا وانا زعلت وقومت الدنيا وطول فتره سفره طنشته وحذفت الواتس وكل مابغا يكلمني عن طريق اخواني صرفوه المهم انه تنكد في سفرته ولما رجع ابوي كلمه وقال له بنتي صبرت عليك وعلی وضعك المادي وانك بعت ذهبها ومسكنها فبيت غرفتين وصاله وكمان زوحي انا صابره عليه لانه عنده ضعف ومايخلف بسهوله بس هذي ابوي ماذكرها له لانه بيد الله هذا الشي مستحيل يذله فيها المهم ان ابوي كلمه وفهمه وهو زعل من اهلي ولما رجعنا بيتنا قعد زعلان مني وانا زعلانه منه و وقعدت المشكله هذي مأثره علی حياتنا فتره كل ماتصافينا وقلت سفرني قال والله ماانسی اللي سويتيه فيني وحقد علي بسبب هذا الموضوع وكل فتره يقول والله لاسافر قلت لو سافرت مره ثانيه ماعد برجع لك كفايه انك حارمني من السفريات وشهر العسل حرمنتني منه عشان ماكان عندك سياره لي ست سنين متزوجه كيف اقدر انسيه اللي صار واقنعه انه يسفرني قلت له انا عندي فلوس وانت زد عليها مره احسه موافق مره يتذكر الموقف ويقول مافراسي سفره ابدا