بسم الله الرحمن الرحيم
و الصلاة و السلام على خير الانبياء و المرسلين و الرحمه لكل المؤمنين الاحياء و الاموات
كيف حال الكل العضوات الامورات و المشرفات الغاليات
بنات الموضوع ببالي من زمان بس اليوم الحمد لله سهل الله تعالى لي كتابته
هو تحذير لكل بنت او امرأة تفكر بالزواج
تحذير يعلمنا ان الناس مظاهر ولازم ما نستعجل
و ان الزواج قرار مصيري يا اتزوج صح و اعيش صح يا اظل ببيت اهلي معززه مكرمه
المهم كحال الكثيرات عديث ال30 و اسمي عند كذا خطابه
بيوم دقت الخطابه تبشرنا بواحد مواصفاته تجنن قلنا الحمد لله
قالت بس مطلق من كذا سنه و عنده عيال قلنا ما عليه
رغم ان الواحده تخاف من المطلق بس احيانا العيب من الحرمه
المهم قلنا خل يجي قبل
بالعاده احنا نستقبل الحريم قبل بس بطلنا العاده هذي
لاننا استقبلنا حريم كذا مره ولا صار نصيب بعد شوفتنا للي متقدم
فاختصارا للوقت هو يجي قبل
المهم جا و تكلم و شفته و هو داخل لان هذي عادتنا نشوف المتقدم بدون لا يدري عشان الاحساس بالاستخاره اقوى يكون
و عشان اذا صارت شوفه شرعية بستحي ولا راح اطالعه عدل فالطريقه هذي تخليني اطالعه براحه
المهم بقول لكم وصف اهلي له الي اقعدو معاه
متكلم خطييييييييييير و ثقيل و شخصيته قوية و حضوره قوي
جامعي ماراح اقول مهنته حتى لا تكون غيبه
اكبر مني بكذا سنه يعني مناسب مره لعمري
يكمل دراسات عليا يعني يحضر للماجستير
المهم اثناء الكلام اعطانا دليل على ان الموضوع فيه ان و اخواتها بعد
تدرون وش قال؟
قال الي خطبت منهم قبل و جا احد من طرفهم يسال عني فضحني و خلا الشغل كله يدري اني مطلق؟؟؟
هالاساليب منحطه ركزو على منحطه زين
يعني الاخ ما يبي احد يسال عنه ؟؟ هذي اشاره ضمنيه غير مباشره انه فيه بلا و عشان كذا ما يحب احد يسال عنه
بعدين ليه شايف الطلاق عيب كثيرين رجال و عدلين و مطلقين
هذا دليل انه كان ماذي زوجته و الله اعلم و طلق
بعدين لاحظو المكر الي فيه يعني من زمان تشتغل اكثر من 14 سنه و هو يشتغل بمجال المعروف فيه الاتزان و الاخلاق
14 سنه ولا احد يدري انك مطلق؟؟؟؟ هذا اذا دل فانما يدل على خبثه و كتمانه
من اول قعده الاهل ما ارتاحو له قالو شديد
لاحظو تهربه قعد فوق الساعه يهذر و يسولف ولا قال وين يشتغل بالضبط؟
يعني قال اسم الوزاره بس باي دائرة ما قال
ينطرنا نسال ولا شنو ؟؟؟
عكس الي تقدم لنا مره اعطانا ورقه فيها كل بياناته من مكان عمله و اسم المسجد الي يصلي فيه هذا فعلا رجال سنع
المهم مر يوم نطرناه يدق يعطينا وين يشتغل ووين يصلي عشان نسال ولا طق ولا شي
ايه نسيت اقول لكم علامة خبث جديده قالها و تضحك من كثر ماهي مكشوفه و صاروخية
لما اخوي اسالاه وين تصلي اسم المسجد عشان يسال عنه
تدرون وش قال؟؟
يلعن شيطانه يحسبنا اغبياء ولا شنو؟
قال انا مالي مكان محدد اصلي تقريبا ب4 مساجد
خخخخخ
المهم لاحظو سكر باب مهم علينا للسؤال عنه
و يستمر مسلسل التسكيرات من قبله
بعد يومين قلنا لاخوي يدق عليه و ياخذ البيانات
دق عليه اخوي يبي مكان عمله
تهرب تدرون شقال
انا علاقتي مع المدير متوتره
تكرم اكلته تبن و اخذت الاجازه للتفرغ الدراسي غصبن عليه
شفتو اسلوب السب الي مستمر فيه
قبل اساليب منحطه و الحين اكلته تبن
لا و العجيب يسوي روحه مطوع
مطول اللحية مو مرخيها بس مطولها داير مدار وجهه و مقصر ثوبه
هذا عار على المطاوعه و الله
المهم و اخوي يساله طيب عطنا عنوان البيت
تدرون شقال؟؟
انا مو ساكن عند اهلي لي سكن مستقل؟؟؟؟
طيب مطلق من كذا سنه شتسوي بروحك؟؟؟ من يطبخ لك من يهتم بامورك و عيالك مو عندك اغلب الوقت
طيب عطنا العنوان دخيلك بنخلص
قال الجيران ما يعرفوني خخخخخ
ها؟ توك تقول ساكن بروحك يعني ما لك جيران؟؟
طيب عطنا عنوان بيت اهلك؟ و قرب شحن اخوي يخلص و قال له اتصل عليك بكره
ططططططططططططووووووووط خلص شحن اخوي و انتهى الاتصال
العجيب مسكر تلفونه الجوال
مخلي جهازه يعلمه بالمتصل بعدين هو يتصل فيه
شفتو الهروب و التحيل
يعني واحد خاطب معقوله يسكر جواله؟
يعني اكيد الناس بيدقون عليك الخطابه بتدق عليك بتشوف وش صار؟
الغريبه ظل مسكر تلفونه و هو داري ان اخوي بيتصل فيه عشان ياخذ العنوان منه؟؟؟؟
شفتو التهرب و ظل مسكر تلفونه كذا يوم دق عليه اخوي الثاني وهم طنشه ولا دق عليه
طبعا سحبنا عليه مو بس سيفونات بيتنا الا كل سيفونات الرياض و جده و الشرقية
و اشوه ما استقبلنا اهله
ظنتي لو قلنا له خل اهلك يجون بيقول كلهم منقرضين خخخخخخخ
و بس مثل هذا ما عليه حسوفه
لا بعد و قايل للخطابه راتبه 18 الف و لو يبون يعرفون سبب الطلاق اعطيهم رقم طليقتي
لا باين بتعطينا رقم طليقتك
انت عنوان بيتكم ما اعطيته لنا ؟؟؟
لاحظو ملاحظة مهمه حيل تذكرون يوم قال انه خطب قبلنا
ليه الناس لما اسالو عنه ارفضوه يمكن رفض يوم شاف البنت بس والله اعلم يمكن ردوه يوم اعرفو بلا عنه
و بس حبيت احذركم لا تستعجلون و تاخذون اخذات شينه و تتوهقون
صبرتو كثير ما يضركم لو تصبرون بعد
و بتاخذون نصيبكم كامل بس اتكلو على الله سبحانه
يا الله عاد اتحفونا بالاساليب و الالاعيب الي يستخدمونها الخطاب المخادعين للعبره
و الله يفكنا جميع من كل كذاب و ظالم و يقوم حظوظنا و يرفعها و ناخذ الصالحين و بس اللهم امين يارب
شاهه2 @shahh2
محررة
يلزم عليك تسجيل الدخول أولًا لكتابة تعليق.
نبض االفواد
•
الله يوفقك ان شاء الله بحسن منه بس ياختي لا تطلقين عليه خبيث ماتدرين وش نيته وش عنده خلاص انتم مارتحتو له مو من نصيبك وبس اما كلمة خبيث ومن خبثه يسوي ويسوي والله ماتصلح خلي الرجال بحاله والله يوفقك انتي ويسعدك مع الصالح يارب
شاهه2
•
ههههههههههههههههههههههههههههههههه الله يسخرلك الي احسن منهههههههههههههههههههههههههههههههههه الله يسخرلك الي احسن منه
يا حبيبتي اشكرك على دعواتك الحلوه
بس الي يسوي اساليب خبيثه هذا مو الناس تسميه خبيث
ولا قلت اسمه ولا مواصفاته
و بعدين الرسول صلى الله عليه و سلم امرنا بالحذر و قال المؤمن كيس فطن
بارك الله فيك و الله انا ضحكت الله يهديه يعني متوقع يطيح بناس ما يسالون عنه ولا شنو
بس الي يسوي اساليب خبيثه هذا مو الناس تسميه خبيث
ولا قلت اسمه ولا مواصفاته
و بعدين الرسول صلى الله عليه و سلم امرنا بالحذر و قال المؤمن كيس فطن
بارك الله فيك و الله انا ضحكت الله يهديه يعني متوقع يطيح بناس ما يسالون عنه ولا شنو
الصفحة الأخيرة