شوفو الرساله اللي وصلتلي بالحلم لكل من تأخر حملها.

قبل أسبوعين ياحلوات وتحديداً يوم الجمعه وتقريباً الساعه الأخيره من يوم الجمعه كانت أختي عندي في شقتي ، واسولف أنا وياها طبعاً أختي مو متزوجه أصغر مني ..كنت قاعده أبكي عندها إني ماحملت وإني حاسه إني ماراح أجيب عيال وبيروح عمري أخاف زوجي يأخذ علي وكل اللي بعدي حملوا وش معنا أنا من بد خواتي ومن هالشكاوي اللي رجيت رأس أختي فيها ... وهي الله يرزقها الزوج الصالح تدعيلي وتصبرني ومن هالكلام.....
وبعد يومين تقريباً دقت علي أختي الكبيره وهي ساكنه في دوله خليجيه ثانيه .. وهي صراحه ماتكلنمي في التلفون الإ نادراً جدا .. ولما شفت رقمها بالجوال رديت وسلمت طبعاً وقالت تصدقين ياسيالة11 حلمت فيك البارح في المنام قلت لها : خير إن شاء الله . قالت : جاني شخص في المنام وقال لي قوالي لفلانه ( وذكر أسمي الحقيقي) إنها تصبر لأن الصبر أجره الجنه وقعد يمدح بالصابرون وإنتهى الحلم .
شرايكم بنات عساه خير يارب وإن شاء الله ربِ يصبرني ويصبركم ويعوض صبرنا خير يارب. حبيت أقوللكم علشان أبث الأمل فيكم عسى ربِ لا يحرمنا الجنه يارب.
وعلى فكره أختي اللي حلمت فيني عمري ما شكيتلها عن الحمل ولا فتحت هالموضوع معها .. ولا بعد هي كد سألتني عن هالموضوع.