السلام عليكم
متزوجه للاسف وطلبت نقل من مدينه اهلي لمدينه زوجي وماتوقعت بعيش هالعيشه تعب نفسي وفراغ قاتل ووحشه من الوحده الكبيره اللي بنفسي فوقهم مشاكل زوجي وعصبيته وخوفي منه بكل صغيره وكبيره ودوام متعب واطول عن اهلي مااروح لهم بسبب بعد المسافه والدوام وصرت مثل اليتيمه محتاجه للحنان وجمعه الاهل ولا احس فيه اجلس ست سبع شهور عن اهلي وريحه بيتنا الدافي احس بقسوة الحياه بالغربه مع زوج مايرحم واقل شي يقوله لي اذا قلت طفشانه وتعبت من الوحده يقول طفي راسك بالجدار وكلام اهانات المهم ضغوط ضغوط مااحس في طعم شي مقطوعه جدا عن اهلي واحس عجزت انفصل منهم واتاقلم مع زوجي الجارات اذا زارو مره مرتين بالشهر والصديقات لاهيات مع اقاربهم واهاليهم مايجلسن ومافي لي اقاراب في ديره زوجي والديره نفسها ممله كئيبه محد يتحمل يجلس فيها الا اهلها متعودين عليها صرت اخاف مره اجلس الحالي لاني تعبت من الوحده صارت الوحده نفسيه ترتبط بخوف اذا جلست الحالي صرت مقصره بصلاتي مره وصرت اكتم هالفراغ والمشاكل وبلاوي زوجي واكتم لما تنفجر بداخلي واكتمها بعد المهم عطلت ورحت لاهلي ازورهم بعد ثمان شهور غياب احس فعلا اني طالعه من جهنم للجنه طالعه من كهف للنور طالعه من معتقل للحريه وصرت من شفاقتي لبيتنا حتى الجدران المسها وحشتني مره وتوني احس فعلا بقيمه اهلي وامداني ارتاح الا بدت الامراض تتسلط علي بسم لله من عله لعله ومن شي يخوف لشي بسيط ولا يوم مر الا اتعب فيه ومستشفى ومراجعات مره مراره مره جرثومه بالمعده مره قرحه بالرحم واخر زياره الدكتور شاك قرحه بالاثني عشر وجتني فوبيا الموت ونوبات هلع وضيقه مره ونوم مااتهنى فيه وربي مدري وش صابني معقوله الكتمان والضغط سوا لي كذا والا وش السالفه قهر كم شهر بالاخير امراض وعلل نفسيه
وبعد اسبوع برجع للمعتقل الزوجي ادعوا لي يعدي فتره المدرسه على خير وارجع ازور اهلي بااسرع وقت مع اني عندي ولدين بس الوحده اقوى مني
من مرت بالمرحله هذي وابي حل او كلام يريح نفسيتي والحمدلله على كل حا

جست دريم @gst_drym
محررة فضية
يلزم عليك تسجيل الدخول أولًا لكتابة تعليق.

فررجت
•
حبيبتي ماتشوفين شر الله يشفيك



ماتشوف شر عزيزتي انبسطي بالايام الي باقية
وحاولت تشغلي وقتك إذا رجعتي
وإذا على وسوسة الي انتي فيها ادخلي ملفي واقري موضوع عنوانه اكشن حياتي
يمكن تروح عند الوسوسة
وان شاء الله مافيكي غير العافية
اتمنى اكون افدتك
وحاولت تشغلي وقتك إذا رجعتي
وإذا على وسوسة الي انتي فيها ادخلي ملفي واقري موضوع عنوانه اكشن حياتي
يمكن تروح عند الوسوسة
وان شاء الله مافيكي غير العافية
اتمنى اكون افدتك

ماالومك والله.بس قوي قلبك ونفسك الوحده مالها الابيتها وزوجهاوعيالها وش تسوي ..بعد انتي موظفه ماشاءالله ربي يزيدك ويتمم عليك ..وش أقول انا بين اربع جدران وزوجي دوامه طويل وإذا رجع نووم..بس الله يخليلي عيالي يملون علي الدنيا ان شاءالله..قوي إيمانك بالله وربي سبحانه يكون بعونك ويقويك يآرب ويشرح صدرك
الصفحة الأخيرة