شوفو العريس ايش يقول لأبويه بكل بجاحه

عندي اخت عمرها 32 سنه ولسى بنت وماتعرف شي عن الزواج ولاتعمقت في المواضيع اللي نعرفها وكل اللي تبغاه تتزوج وبس
جانا عريس لها قبل اسبوعين واستخارة الله وصارت الشوفه الشرعيه وقالت تم خلاص باخذه
عيوب العريس انه ماخذ حرمتين وعنده سبعه بزوره --- وشكله مو قد كذا -- كرش واصلع ومتين شويه -- مع ذلك اختي موافقه
بس قبل امس جا لوالدي وقال بكل بجاحه ابغى اطلب منك طلب تفهمه لبنتك عشان انا ماابغى مشاكل
والدي رجل متزن ويسمع للشخص حتى يخلص كلامه
قال: شوف ياعم -- انا عندي حرمتين ومو ناقصهم شي صراحه -- علم وجمال وادب واخلاق والحمدلله --- بس ناقصني امور بسيطه احتاجها وحبيت اخذها بالحلال --- عشلان كذا فهم بنتك اني يمكن مااشوفها بالاسابيع وغصبا عني -- وممكن كمان اشوفها يوميا بس فترات معينه من السنه --- عشان كذا ماابغى مشاكل ومن الىن ابغاها تفهم انها على راسي من فوق بس ماابغى مشاكل -- ان جيتها جيتها-- وان ماجيتها تنتظر وتقعد في بيتها ---
من هذا الكلام والدي فهم انه مافيه عدل ولا مبيت وبرضو سكت حتى الرجال خلص كلامه
قال : شوف ياعم -- انا عندي سبعه والحمدلله الله يقدرني على تربيتهم -- غير كذا والله مااقدر اربي--- مو حكاية رزق وفلوس -- ولكن الموضوع تربيه -- اذا هي موافقه تعيش معايه من غير اطفال اهلا وسهلا --- واذا ماتبغى من الآن نفض الموضوع وماجاكم مني الا الخير --- المطلقات والعوانس كثير واغلبهم مايبغو اطفال
وبرضو والدي يسمع وساكت
قال : انا حرمتي الثانيه لساعها صغيره وجميله والاولى ام عيالي ومااستغنى عن اي وحده فيهم لذلك بنتك تحط في دماغها اني لو خبرتهم بالموضوع الآن او حتى بعد فتره بتصير مشاكل وينخرب بيتي ويضطربو عيالي وانا ابغى الموضوع بسريه تامه
هنا ابويه يقول ماقدرت اسكت وكأن بنتي بنت الشغاله برميها والسلام -- قال له: وبنتي ايش حيكون وضعها : افرض ماجيتها بالاسابيع كيف تقضي امورها وكيف تنام وحدها ؟ قال له بنتك اذا جيتها بجيها ساعتين ثلاث وامشي واذا كان عندي شغل في مدينه ثانيه اخذتها معايه المهم الموضوع مايدرو عنه اهلي وعيالي -- وراح اجبلها اغراضها لما اكون عندها وانتو ماراح تتركوها انتو اهلها خللي اخوها يجي ياخذها تنام عندكم الايام اللي ماني فيها بلاش تقعد لوحدها --- واذا ناقصها شي خللي اخوها يجيبه لها ويسويلها مشاويرها لأني والله مشغول
تخيلو ؟؟؟؟
جا والدي وخبرنا كلنا وامي رافضه وكلنا رافضين واختي موافقه
بس ياناس انا والله اعرف ومتأكده انها بعد فتره بتقول ابغى اطفال وابغى زيهم وابغى عدل اختي واعرفها عصبيه جدا وحساسه فوق ماتتصورو كل اللي شاغل بالها انها كبرت وماتزوجت
بالله شورو علينا ايش رايكم علما بأن الرجال من اهل مكه ومركزه مرموق نوعا ما ويقدر يفتح بيت ثالث