شوفو اللي صاير مع اعز صديقاتي

صباح الخير ياحلوين
انا يابنات حايه استشيركم في موضوع اخت صديقتي
اليوم رحت لصديقتي ولقيتها مره مضايقه سألتها وش فيك وهي طبعا تثق فيني وقامت قالتلي كل اللي في خاطرها اول شي اختها مثل حالتي ارمله وعندها اولاد الله يحفظهم عاد انا قلت لها بحط مشكلتك والبنات بيقولون لك وش تسوين مع اختك بالظبط ارجوكم يابنات كل وحده تقول رايها وبكل صراحه
تقولي اختي هاذي عمرها 26 سنه وعندها اولا زي القمر وكلهم صغار المهم البنت ماعندها لارقيب ولاحسيب ماعندها الا الله سبحانه وتعالى المهم تقول اختي فاسده كل فتره مع واحد اخر شي صارت تروح سهرات وقله حيا نصحتها وتعبت منها ماسمعت مني تترك عيالها من الشغاله وتروح وماترجع الا الفجر واحيانا اليوم الثاني تخيلو وتقول الشغالات يضربون عيالها ولاتهتم وتقول لامااحد يضربهم وتقول اختها لما اروح لهم اطمن عليهم يشتكون من الشغاله وامهم تكذبهم تقول كذابين وفوق هذا كله وصلت فيها انها تجيب رجال عندها البيت وعايش معاها ياكل ويشرب وتسافر معاها لكل مكان وتدفع عنه وولدها كان راح يروح في البحر لولا ستر الله ومع ذلك مااعتبرت وتابت وغير هذا كله حملت بالحرام وساعدتها انها تجهض اللي في بطنها وقالت خلاص اكيد بعد هذا كله اختي بتعقل لانه اللي صار مو شي عادي عقلت لمده سنه وبعدها جابت الطامه الكبرى رجعت نفس سواليفها الاوله سهرات وخراب والله العالم وش بعد واختها لما تروح لها تطردها وتقولها ماابيك في حياتي وش دخلك فيني انا حره لايكون تتصلين فيني مره ثانيه والله يابنات زوجها يوديا وهو زعلان مايبيها تروح هناك لانه عارف اختها انها مو مظبوطه بس لانه يرحمها يوديها ويقول يمكن لعل وعسى انها تقتنع وتسحب عليها المهم بعد كذا تقول غبت عنها 3 شهور تقريبا قلت يمكن تصحى لنفسها وتتوب وترجع لعقلها ولعيالها تخيلو وش صار طلعت البنت في شهر رمضان والناس صايمه وتعبد الله ومرتاحه ومريحه عيالها وهي جايبه واحد عندها البيت وكانهم متزوجين وكل هذا زنى وقله حيا والاخت تفكر انها صايمه ومحترمه شهر الخير تقول كل هذا وانا ماادري واروح لهم في العيد ابي اطمن على عيالها الا وش اشوف رجال عندها وانا سبحان الله حسيت ومادخلت مافتحت لي الباب تقول مخليتني من الشباك ادق ومافتحتلي وانا اختها وارجع بالليل قلت لازم اوريها شغلها الا وش لقيت وقفت عند الشباك الا واسمع صياح ولدها واشوف عيالها الباقين يرجفون من الشباك تخيلو وشو يابنات الرجال اللي مدخلته بيت عيالها يضرب ولدها ضرب والولد يبكي بشكل يقطع القلب وهي واقفه تتفرج تقول بعدها ماتحملت ودخلت وضربتها واخذت عيالها معاي بس ماقدرت اخليهم عندي يبون امهم برغم كل اللي تسويه معاهم ورجعتهم وحذرتها انها لو دخلته مره ثانيه ياويلها قالت طيب خلاص ماراح ادخل عندي احد وراحت تقول قطعتها فتره ورجعت ادق عليها الا وهي مسافره معاه وماخذتله شاليه وبكل عين وقحه تسكر بوجهي وتقول يالله انا مو فاضيه والحين تخليه يودي ولدها الروضه ويجيبه وتقول يوم رحت العيد هذا اشوفها الا والاقي ثيابه وشماغه الرجال مستقر عندها تقول اخذت ثيابه واحرقتها وقامت اتصلت علي وتهاوشني تخيلو وش كثر هي وقحه ولااحد يقول وين اهلها البنت شبه يتيمه الاب في جهه والام مطلقه والحاله زفت يعني ماعندها احد غير اختها والحين تفرقوا خلاص كل واحد له حياته الحين يابنات هي تبي تعرف لو كنتوا مكانها وش تسوون ؟