السلام عليكم ورحمة الله وبركاته
شخباركم بنات وش مسوين
اليوم يابنات شفت موقف عور قلبي :44:ليه الناس صارت ماترحم
اليوم شفت وحده مع بنتها وعياله في احدى المجمعات بالخبر
وكان معاها شغالتها ... راحو اولادها يشترو عشاء وجابو العشاء قاعدين يتعشو وشغالتها ماشترت لها عشاء
حرام والله حرام
وهي المسكينه تناظر فيهم
بعدين الولد الصغير مايبي الساندويش حقه راحت الحرمه عطت الشغاله
تخيلو بدون عصير ولا ماي
ليه كذا ياناس حرام عليكم هذي انسانه مثلنا
والا عيالها يسبو الشغاله و يسحبو الكرسي منها
ومره نفس الشي كنت في مجمع
وحده هي وبناتها وزوجها وولدها جايبين لهم عشاء من برى ويتعشوا بالمجمع والله العظيم ان ماعطو الشغاله معاهم اكل ليه حالها من حالهم
راحت الشغاله وحرتهم واشترت لها عشاء بفلوسها
حرام ياناس مهما كانت الشغاله اخلاقها
ماراح احرمها من الاكل راح اخليها تاكل مثل ماأنا أكل
حبيت اقولكم الي شفته لاني انقهرت وقلبي يألمني عالشغاله:(
والله ماكتبت هالموضوع عشان الردود اوشيء ثاني
حياتي بنتي. @hyaty_bnty_3
عضوة فعالة
يلزم عليك تسجيل الدخول أولًا لكتابة تعليق.
فجرالماضي
•
حرام عليهم يسئلون عنها يوم القيامة لانها فيذمتهم
جوجو9
•
لاحول ولاقوة الا بالله الحين جايبتها وخسرانه عليها من تقديم وراتب وعجزانه لاتجيبين ان شاء الله لها وجبه ب 15 ريال
ماأقول الا الله لاينزع من قلوبنا الرحمه اذا ماخفتي من الله خوفي من عينها تتلينها من بيتك وتجوعيها استغفر الله بس
ماأقول الا الله لاينزع من قلوبنا الرحمه اذا ماخفتي من الله خوفي من عينها تتلينها من بيتك وتجوعيها استغفر الله بس
الصفحة الأخيرة