شوفو بنتي بغت تنكبني الله يصلحها

السلام عليكم انا لي كم سنه ماحملت وامي دايم تقولي احملي وانا امك عيالك كبرو وانا اقولها بستانس كم سنه بدون صياح ورضاعه وغثا وحللت قبل فتره وطلعت حامل الحمدلله ووحامي شديد مره ولا علمت امي بحملي ودي افاجئها اذ خف الوحم لاني اعرفها تشيل همي مره وكنت تعبانه امس جاني دوار وبس استفرغ ورحت المستشفى واول ماطلعت يسالني زوجي قال عطتك شي الدكتوره قلت لارفضت قالت تحملي كلها شهر ويعدي على خير بنتي بثاني كانت تسمع ولمحت كلمة حمل قالت ماما انتي حامل قلت ال وكان عند اهلي عزيمه وقبل ندخل عند اهلي قلت لها يويلك تكلمين والا تقولين شي واول ماجلست عند الحريم نادت اختي شهد قالت شهد بقولك على شي وانا اعطيها ذيك النظره قالت لاختي انا حامل قالت اختي انتي وش تقولين عييييب روحي العبي لاتجين عند الحريم ههههههههه بنتي شكلها بتعلم عني ويوم نظرت فيها قلبت الحمل عليها والله رجعت البيت وانا اضحك منها الله يصلحها ماتمسك لسانها. اكيد اغلبكم بيقولون تخبي حملها لا الحمد لله انا مو من النوع اللي اخبي وحملي دايم يدرون عنه اهلي واهل زوجي بس المره هذي مطوله عن الحمل وحابه افرح امي اذ خف وحامي عشان ماتنشغل بهمي واخواني الحين اختبارات ادعو الله يتمم لي على خير ويرزقني الولد الصالح