السلام عليكم ورحمته الله وبركاته
البارح صار لي موقف مع اخواني الاثنين وربي انقهرت منهم
السالفه مافيها اننا كنتا متجمعين مع اخواتي المتزوجات في بيت اهلي والا كان في مباراه في التلفزيون وفي تلفزيون في الملحق كان اخوي اللي عمره 22 سنه يطالع فيه وتلفزيون في الصاله اللي احنا جالسين فيه انا وخواتي وكان يطالع فيه اخوي الثاني وعمره 26 سنه قالي اخوي الكبير عطيني الريموت وهو كان مقابلني لاني ماقدرت اقوم لاني حامل بالتاسع وتعبانه رحت رميته على الكنبه اللي جنبه عشان يمسكه وانا رميته مو بالقصد بالغلط وطاح الريموت وتخيلوا وش قالي قالي وجع ان شاء الله يوجع رجولك كسر يكسر رجولك ان شاء الله وتخيلوا امي جالسه حتى ماقالت له عيب تتكلم على اختك الكبيره كذا انا هنا انقهرت وقلت اصلا انت منت متربي لو انك متربي ماتقول كذا قلت لامي قولي لودك يروح الملحق مانبيه يجلس هنا قالت امي روحي انتي الملحق تخيلوا حتى ماتبي تقول لولدها روح قلت طيب واروح الملحق والا طبعا اخوي اللي عمره 22 سنه هناك قال خير وش عندك جايه هنا قلت امي تقول وروح انت عند التلفزيون اللي بالصاله وراح يركض عند امي قال قولي لبنتك اللي هي انا تطلع من الملحق والله يابنات حسيت اني ماكأني في بيت ابوي كأني في بيت اغراب كل واحد يطرد فيني من جهه ورحت الصاله وقالت امي لاخوي الكبير لاتسوي لنا مشاكل وروح مع اخوك برا الملحق وشوفوا المباره هناك وراح بعد الحاح من امي وجا خوي الصغير اللي عمره 22 سنه من برا يقولي ليه تاخذين الريموت اللي بالملحق وهو كان بيدي مو قاصده ومن القهر اللي فيني رميته على الارض وقلت هاك قالي وجع يوجعك ان شاءالله ومن غير اي احترام وقالت اختي لاتزعلين نفسك انتي حامل وتعبانه ماراح ينفعونك لو يجيك ضغط منهم قلت لا المفروض انهم يحترمون الكبير وانا اختهم الكبيره وبعدين قهرتني امي ليه ساكته ماتقولهم شي وكل واحد يسب على كيفه ومن القهر اللي فيني قلت والله ماراح اجيكم لما اولد وماراح اتنفس عندكم وش رايكم يابنات بتصرفات اخواني وكيف ارد عليهم لو سووا كذا مره ثانيه وهل امي غلطانه بانها تسكت والا المفروض توقفهم عند حدهم
دلعي برستيجي @dlaay_brstygy
عضوة نشيطة
يلزم عليك تسجيل الدخول أولًا لكتابة تعليق.
ام هااااجر
•
ربنا يهدي سركم
الله يعينك ياحبيبتي كثير اخوان شباب يسوون كذا ليه تضيقين صدرك وتحسسين منهم
بعدين امك ماغلطت صدق انها ماوجهتهم انهم مايتكلمون عليك يمكن خايفه من المشاكل وانتي لاتكبرينها ولو انك متكلمه باسلوب افضل من اسلوب اخوانك ان كان حسوا شوي واستحوا يعني يوم قال اخوك وجع يوجعك ويكسر رجولك رديتي وقلتي الله يهديك ياخوي وانا وش سويت من دون قصد طاح عالارض وصرتي افضل منهم اسلوب صح كلامي او لا ..
والنفاس عادي اجلسي عند اهلك احس كبرتي السالفه وعشان امك بعد مايضيق صدرها منك
الله يهون عليك ولادتك ,,
بعدين امك ماغلطت صدق انها ماوجهتهم انهم مايتكلمون عليك يمكن خايفه من المشاكل وانتي لاتكبرينها ولو انك متكلمه باسلوب افضل من اسلوب اخوانك ان كان حسوا شوي واستحوا يعني يوم قال اخوك وجع يوجعك ويكسر رجولك رديتي وقلتي الله يهديك ياخوي وانا وش سويت من دون قصد طاح عالارض وصرتي افضل منهم اسلوب صح كلامي او لا ..
والنفاس عادي اجلسي عند اهلك احس كبرتي السالفه وعشان امك بعد مايضيق صدرها منك
الله يهون عليك ولادتك ,,
الله يهديهم ويهدي امك.. مااطيق هالحركاات... بس تذكري الاشياء الحلوة بااخوانك..
يمكن منفعلين من المباراة... والمفروض بصراحة مارميتيه.. احتام للصغير عشان يحترم الكبير..
كان قلتي مااقدر اتحرك تعبانة.. وتعطينه اي احد يعطيه...
امك.. يمكن فيها شيء شاغلهاا..
...
يعني حاولي تخففين على نفسك شوي....
الله يهون عليك ويتمم لك حملك وولادتك على خير..
ويكتبلي الذرية الصالحة اللي نفرح فيها بصحة وسلامة...
بنات ادعولي انجح واتخرج بعد اسبوع تعبت...
يمكن منفعلين من المباراة... والمفروض بصراحة مارميتيه.. احتام للصغير عشان يحترم الكبير..
كان قلتي مااقدر اتحرك تعبانة.. وتعطينه اي احد يعطيه...
امك.. يمكن فيها شيء شاغلهاا..
...
يعني حاولي تخففين على نفسك شوي....
الله يهون عليك ويتمم لك حملك وولادتك على خير..
ويكتبلي الذرية الصالحة اللي نفرح فيها بصحة وسلامة...
بنات ادعولي انجح واتخرج بعد اسبوع تعبت...
وين الاحتراااام؟؟؟وفعلا امك غلطانه صراحه الاخت الكبيرة لها هيبة مهما كان بما اني الاخت الكبيرة ماشالله كلمتي مسموعه ولي هيبة عند اخوااني ويحبون التراب اللي امشي عليه..مع ان مافي فرق كبير بيني وبين خواتي يعني كلنا في سن بعض
لازم تاخذين موقف منهم ..قرصة اذن لهم عشان يعرفون قدرك وقفي زيارتهم فترة
لازم تاخذين موقف منهم ..قرصة اذن لهم عشان يعرفون قدرك وقفي زيارتهم فترة
شوفي أختي الكريمه من سردك للحدث أنت عائله الولد فيها ما يخطئ أو بمعنى أصح كلمته تمشي عالبنت كبيره صغيره أي أن كانت متزوجه بنت,,, وهذي نوعيه تأصلت عند بعض الأسر للأسف الشديد عادات وتقاليد باليه,,,ماترى المراه شيء,,, لكن في أحيانا كثيره تقدر الوحده تفرض إحترامها على أخوانه غصب عليهم,,, مثلا الموقف الي صار كيف تتعاملين معه ؟
الان أتخذت قرار أنك ماتجين لأهلك أو ما تولدين عند أمك؟ أنا أرى هذا الرىء غير صائب ,,, ليش؟
أنا أقول لك ليش,,,
1- أولاً البيت بيت أبوي ولا لاحد من أخوانك منه أو معروف,,
2- ماتضعين أمك في موقف محرج قدام الناس وهذا الشئ من بر الوالدين
3- والأهم لا يدري زوجك عن أي شيء يصير ببيت أهلك مهما كانت الخلافات,,,
طيب كيف توضحين لهم أنك زعلانه منهم ؟ انا اقول لك كيف ,,, وهو أن علاقتك تكون فيهم رسمي السلام عليكم وعليكم السلام,,, لو ضحك أو سولف أو جاب شي لا تتقبلينه منه,,, في هذي الحاله أكيد بيستفسر ليش وكذا أنت عاد كلميه بكل هدوء عن التعامل الحسن وعن الأخوه والحب وأن الدين التعامل الي أخره ولا تظنين أنهم بيسألونك على طول لا يمكن المسأله تطول بس عليك بالصبر وأدعي دائما في أوقات الأستجابه أن الله يألف بين قلوبكم ويسخركم لبعض ويبعد عنكم الشيطان اللهم آآآآآآآآآآآآمين
الان أتخذت قرار أنك ماتجين لأهلك أو ما تولدين عند أمك؟ أنا أرى هذا الرىء غير صائب ,,, ليش؟
أنا أقول لك ليش,,,
1- أولاً البيت بيت أبوي ولا لاحد من أخوانك منه أو معروف,,
2- ماتضعين أمك في موقف محرج قدام الناس وهذا الشئ من بر الوالدين
3- والأهم لا يدري زوجك عن أي شيء يصير ببيت أهلك مهما كانت الخلافات,,,
طيب كيف توضحين لهم أنك زعلانه منهم ؟ انا اقول لك كيف ,,, وهو أن علاقتك تكون فيهم رسمي السلام عليكم وعليكم السلام,,, لو ضحك أو سولف أو جاب شي لا تتقبلينه منه,,, في هذي الحاله أكيد بيستفسر ليش وكذا أنت عاد كلميه بكل هدوء عن التعامل الحسن وعن الأخوه والحب وأن الدين التعامل الي أخره ولا تظنين أنهم بيسألونك على طول لا يمكن المسأله تطول بس عليك بالصبر وأدعي دائما في أوقات الأستجابه أن الله يألف بين قلوبكم ويسخركم لبعض ويبعد عنكم الشيطان اللهم آآآآآآآآآآآآمين
الصفحة الأخيرة