شوفو حركات السلفات .وكيف عاملتني في بيتها

مرحبا بنات حواء
هادا اول موضوع لي في المنتدى وحابة تشاركوني برأيكم
انا متزوجة وعندي طفلين والي سلفة اصغر مني بكم سنة وعندها طفلين
سلفتي هاي اتزوجت قبلي وكانت علاقتنا جيدة جدا وماصار احتكاكات بيننا ابداااااا
علاقتنا شوي رسمية لاني حذرة من المشاكل اللي بتصير بين السلفات
من سنة تقريبا لاحظت انها بتعمل حركات واضح انها غيراااانة مني
في البداية حابة احكيلكم اني انسانة مسالمة جدااااااا ودار حماي بيشهدوا على طيبة اخلاقي
وبيحبوني اكتر واحدة من زوجات ابنائهم لاني طيبة عن جد ومابيننا نفاق
اما سلفتي فهي بترحب فيهم كتييييييييييييييير وبتتفنن في العزايم والضيافة اكتر مني ولكن لو الها مواقف معهم بتدلل على انها مابتسكت وبترد عليهم وقوية بعكسي تماما والله يشهد
المهم انو الها مواقف معي استغربت منها لانو انا متأكدة انو ماعملت الها شي مش كويس
اخر مواقفها كانت امبارح وأول امبارح
امبارح رحنا عليهم زيارة وكان وااااااااااااضح من أول الزيارة الى اخرها انو هي بتوجه كل كلامها الى زوجي ( احنا بنقعد مع بعض ولكن غيرهم بيكون الرجال لحالهم والنساء لحالهم )
ماسألتني ولا حكت معي الا يمكن جملتين والباقي بتحكي مع زوجي وتمزح معو وأنا قاعدة ساااااااكتة
اثناء الكلام . حكت لزوجي تعال شوف الستائر اللي ركبناها جديد !!!!!!!!!!!!!!!! قام زوجي معها للغرفة
طبعا انا مازعلت لانو زوجي راح للغرفة معها لحالهم لااااااااا انا زعلت لانها ماحكتلي تفضلي شوفي الستائر ........ بعد شوي جابت ريحان من البلكونة تاعتهم وحكت لزوجي : شوف الريحان اللي زرعناه جديد !!!!!!!! وأعطتها لزوجي عشان يشمها
بعد شوي راحوا الرجال على المسجد يصلوا العشاء جماعة وطولوا شوي وطووووووووول هالفترة هي في المطبخ ماقعدت معي
لما اجا زوجي لاحظ جدا اني زعلاااااااااااانة وانا مابقدر ماأبين اللي ححاسة فيه
يعني مستحيل اضحك او حتى اكون طبيعية اذا كنت زعلانة
بعد شوي روحنا لانو مبين علي اني مش طبيعية
وأول ماركبنا السيارة حلفت انو ما أروح على بيتهم نهااااااااااااااااائيا وانفجرت في زوجي
حكيتلو كل اللي صار وأول مرة زوجي يقتنع اني على حق في أي موضوع
وحكالي راح اخليكم تتكلموا مع بعض وتتصالحوا
حكيت : لاااااااا حتى لو اتأسفت
انا زعلانة منها لانها طنشتني كتييييييييييير ولانو الها مواقف معي كتيرة وماكنت احكي لزوجي على اساس انها مش مقصودة منها او على اساس اني بنسى
لكن المرة هاي شعرت بالاهااااانة
انا عارفة زوجي مستحيييييييييييييييل يترك الموضوع على حاله لانو مابيرضى انو العلاقات العائلية تنقطع ويروح هو لحالو عليهم
ومش عارفة شو هيصير ولكن صعب أرضى لاني مقتنعة ومتأكددددددددددددة انها متعمدة
بدي رأيكم في الموضوع لانو زوجي ممكن يزعل مني اذا مارضيت
بعدين هي اكيد راح اتطلع حالها بريئة ومش قاصدة ونسيت
هما ماخدين علي مأخذ واحد وهو من اسبوع تقريبا اجوا علينا وانا كنت نايمة في غرفتي وصحاني زوجي واتأخرت لما صحيت ولبست وطلعت سلمت عليهم ولكن والله غصبا عني لاني نعساااااااااااانة
ولانو يومها كنت مريضة ورحت المستشفى وقبلها بكم يوم كنت نايمة اسبوع مع ابني في المستشفى
وهما زعلوا وحكوا لدار حماي
المهم شو رأيكم ؟