شوفو حركات بنت خالتي ... تتوقعون غيرة وإلا ما تقصد ؟

السلام عليكم

أولا يا بنات أنا و بني خالتي نفس العمر و من يوم و أحنا صغار يقارنون بيننا و دوم لصالحي و يعلم الله أني ما أقول ها الكلام من باب الشماتة أو أني سعيدة بهذا الشيء بس هي كانت تغار مني بشكل غير طبعي يوم كننا صغار و ما كانت حتى تحاول تخبي ذا الشي

المهم سافرت للدراسة في الخارج و تميت سنوات ما شفتها و تقدم لها ابن عمها في ذيك الفترة فنزلت على البلد ألحين عشان أحضر زواجها

و على أساس إننا كبرنا على سوالف الطفولة و إنه ما فيه أي سبب تغار مني ألحين

بس من وقت ما رجعت ترمي لي كلام جارح و ما أدري تقصد أو لا ؟؟ أقول لكم مثلا

راوتني صور الخطبة و قالت لي " موتي بقهرك " بس قالتها بمزح أنا ضحكت عادي ما تخيلت أنها ممكن تتكلم جد !!

بعدين حطت أغنية نسيت و الله وش هي بس تقول "البنات يغارون منك و من جمالك" و كذا ...و تناظرني بس أنا و تغني مع أن الغرفة كانت مليانة !!

رحنا على حمام مغربي صورتها و هي لابسة العباية قالت لي "لا تكونين ناوية تصوريني و أنا فآسخه عشان تخرب علي زواجي؟" و قالتها بمزح بعد و ما كنا وحدنا و أنا انصدمت حتى لو مزح ذي الكلمة جرحتني أكثر من أي شي


و كثيييييير حركات صغيرة تسويها ما أدري مرات أقول مستحيل تكون تقصد و بكل ها الوقاحة للدرجة ذي ؟؟؟ و مرات أقول أنا حساسة ؟ و مرات قلبي يقول لي أنها تقصد تجاكرني أنها تزوجت قبلي ؟ مع أني و لا مرة حسبتها بهذه الطريقة ... معقول كل ذا مزح ؟ كيف أتعامل وياها ما أبغى أرد رد جارح أنكد عليها أيام الفرح ، و لا أبغى اطنشها و أبان كأني فعلا مقهورة أنها بتتزوج قبلي ! ويش السواة؟ وش تبي ذي ؟؟ :( :(