شوفو حركات سلفتي

الأسرة والمجتمع

بدخل في الموضوع على طول السالفه ان سلفتي اعاملها ويشهد الله عليه زي اختي مع ان جاني منها دقات بس سامحت لوجه الله وماابغى المشاكل هي ساكنه في ديرة اهل زوجي واذا جينا من السفر ماتجي تسلم مع ان بيتها لاصق في بيت اهل زوجي والحوش واحد وانا عادي ماهمني مع ان المفروض على الاقل سلام والحمدلله على السلامه المهم ان زوجت ولد حماي انا وياها تزوجنا بنفس السنه وزيي ماتجي الى في الاجازات بس اذا جت تخيلو سلفتي ذي تجهز لهم القهوه والحلى والعشاء وهم بعد ماوصلو من السفر بعد في الطريق وترسل بنتها تعزمني مع اني اكون قبلها يمكن باسبوع في الديره ماشفت وجهها بس تعزمني على شرف الثانيه طبعا انا مستحيل اروح ماني رميه عشان اروح لعشاء مو لي وعزومه لغيري انا ماني شارطه عليها عزيمه بس على الاقل تطلع الحوش تسلم حتى القهوه ماابغى  بس الحق حق وهي دايما تسافر عندنا وريي يشهد اني اكرمها واشيلها هي وعيالها شيل واجب الضيف وهي شهدت بكذا حتى عند حماتي اخت زوجي  وزوجة ولد حماي ذي الي تهتم لجيتها وريي لشفت اسلوبها بعيني معهم انها شايفه نفسها وعمرهم ماطبو بيتها كل ماحد بغى يزورها قالت انارايحه لااهلي او انا طالعه الديره وتصرفهم لها 5سنوات على ذا الحال 
المهم امس سلفتي ذي سوت عشاء عشانا هذي الحرمه ومره مهتمه بالعزيمه وارسلت بنتها تقل ماما تقول تعالي تعشي فلانه بتجي حتى ماكلفت نفسها هي تناديني بالجوال قلت سلمي على امك وقولي لها تعبانه مااقدر اجي تعشو بالعافيه قالت طيب بعد شويه رجعت عندي قلت جت فلانه قالت ايوه وماما تقول فكه انك ماجيت انصدمت يابنات ليش هذا الحقد وش سويت لها وربي ماغلطت عليها وماشافت مني الى كل خير وش رايكم انتم  لو سوت فيك وحده كذا باقي تطبون بيتها انا من الزعل علمت زوجي وحتى هو تفاجى وقلت له لاتزعل مني بس بيتها عمري وحياتي ماعد دخلته لو اموت ماعلق سكت وزوجي سال البنت قالت ايوه ماما قالته وهي كبيره وتفهم مو طفله يعني فعلا امها قالت الكلام 
29
22K

يلزم عليك تسجيل الدخول أولًا لكتابة تعليق.

تسجيل دخول

نُبل
نُبل
حبيبتي تعرفي الرسسسميه ,,


هذه المفروض تتخديها في حياتك مع أي ناس مابينك وبينهم علاقه ودية زي امك وخواتك ,,




لاتتبعي سوت لفلانه ولاسوت لعلانه ,, لاتترقبي جيتها ولا تهتمي لامرها




لاتعاتبيها ولا شيء ,,ِفتيها سلمي ,, ماشفتيها ماكأنك تعرفيها




الحل الامثل ,, والحمد لله زوجك سمع الكلام من بنت اخوه وانتهى الموضوع ,, ولما تشوفيها لاتسوي روحك زعلانه اببببد !




ولاتجيبي طاري ,, لانك افتكتي اصلا ,,


يَ حلو الرسميه ف علاقه السلفات ,,
فيونكه بمبي
فيونكه بمبي
عساها عمرها ماحبتني الناس غيرها كثير والحب مو بالغصب
لو مكانك ما احرص أني اروح لها بكل المناسبات
أطنشها حتى لو تجيها مناسبة وإذا احيانا عندها احد جمعه او شي واشتهيت اروح اروح عادي
يعني حسب مزاجي
وشِِِلون مااغليگ
ههههههههه استغفرالله معليش بس ضحكت من هبالتها 
ماعليك منها خليها هي والجدار واحد اذا قابلتيهاااا 
تراتيل أنثى
تراتيل أنثى
نبل والله العظيم ياقلبي مااتبع عزومتها لذيك وماهمتني لاكن انصدمت من تصرفها ومن كلمتها والى ماهمني العشاء الحمدلله بس انصدمت منها تجي بيتي وتجامل واذا طلعنا الديره تسوي حركاتها ذي
امي ياغلا الدنيا
امي ياغلا الدنيا
ياختي مع السلامه
هي تنقهر منك صدقيني لانك احسن منها
ولو انها تنقهر من الثانيه زي ماتنقهر وتغار منك كان ماعزمتها
معرووووفه حركات السلايف اسأليني اانا
اانتي اكيد فيه شي يميزك عنها
او انها تشوفك منتي على مودها
والله اعلم
ع العموم لا تضايقي نفسك عليها ولاشي
اانا سلفاتي يحملوا ويولدوا واتصل عشان ابارك ماحد يرد عليه ارسل لهم تبريكات وكمان مافي رد
ف شلتهم من راسي وماعاد ارسل لهم لأني بصراحه كنت انقهر على نفسي
والحمدلله الحياه ماشيه بهم او بدونهم