شوفو حريم اخواني وش سون

يابنات اخواني اثنين متزوجين من 30 سنه اسمعو الكبير وش سالفته وش صار عليه يالله بسم الله اخوي مهندس درس وعاش بامريكا تزوج وحده من قرايبنا ما شافها شوفه شرعيه وامي واحنا ما حضرنا زواجه طبعا انا كنت صغبره صبح زواجه قال لامي مابيهاا قالت امي اصبر وسافر واخذها معه المهم رجعو باول اجازه وكان اذا جاء من سفر انواع الهدايا لامي وخواتي وبزران خواتي وخالتي وش جاب معه قطعة قماش لامي بس اسكتت امي صارت زوجته تحتقر امي ولا تشوفه شي مع انه جايبينه من مزرعه وراح سكن برا الرياض وصار ما يجي الا بالعيد بس وزوجته ينزله عند اهلها ما تنازل تجي تسلم حاول فيه ابوي وامي يطلقها وعيا وجابت ولد وجلست سنين ما حملت وبعدين تعالجت وجابت ثلاث اولاد ورى بعض هي تغيرت وحاولت تقرب لامي بس امي قالت لها العود على اول ركزه وصارت تبلش اهلي كل اجازه وهي منكبه عند امي طبعا عيالها كباراصغرهم عمره 13وكانت كل سنينه تكرهنا بشكل غير طبيعي بس اخوي طيب وكريم واذا شافته شاري لاحد منا شي تطلع روحه مره شاري تنكه اسكريم باسكن تقول لولدها شاري لهم اسكريم عساهم مره المهم قبل كم سنه رحنا عندهم وسوينا مخيم وتعبت الوالده ودخلت المستشفى وجينا عندها بالبيت وشبت علينا عند روسنا الصبح ما لقيتو رحله لين حدتنا نرجع بالقطار الحين نجي للعاقبه والله يابنات ان عيالها ما وفقو بدراستهم وحالتها حاله بس لحاله بالبيت ولا يحترمونها ولا يعبرونها ابد والله يابنات انها حرت اميمتي بولدها ودعت عليها الله يجعلهاحسيرة كسيره _______________نجي للثانيه بعيده عنا الا مهي من نجد والله يابنات 30 سنه ما كدرت خاطر امي وصيرت معنا بالبيت عاشت وسكنت بجنبنا وخدمة ابوي يوم طاح مع امي وتحملت اخونا الي كان مريض نفسي يدخل يحوس بيته يضرب بزرانه ما تقول كلمه ويوم مرض اخونا الثاني الي متزوج جا عنجها بالبيت وخدمته بعيونه والحين هي ساكنه بعيد عن بيت امي والله يابنات ان اخوي من تعبت امي لها 3 سنين وهوساكن عند امي ينام بالليل عند امي ويروح الصبح عندها واننا اذا شفناها حبينا راسها واني بولادتي تعبت اخذتها معي ابي اوصيها على بنتي والله يابنات ثم والله اني احبها اكثر من خواتي والله يشهدد ربي ان ندعي لها كلنا وسبحان ربي اقسم بالله ان عياله الاثنين واحد ياذن بالمسجد واحد يصلي بالناس وبناته وحده متزوجه دكتور وموفقه والثانيه تنخطب اطيب الحمايل ترى الدنيا سلف ودين