بنات عندي مشكلة وهي شعري اللي اللي جنني والله اني احيانا اصيح بسبتة السالفة وما فيها ان شعري الله يسلمكن تقريبا طبيعته مثل هذا
بس اطول الى تحت الكتف بشوي لما استشورة ما يمديني اخلص ثواني اشوفة وصل لسقف الغرفه مرة سألت كوفيرة عن حالتي قالتلي انو نفس الشعرة خفيفة وهذا اللي يخليها تطير بعد الأستشوار اللي ما بقي شي يهبط الشعر ما حطيتة بس وش اسوي أنا فكرة اسوي خلطة الفلفل بس محتارة في نوعية الفلفل والزيت وتهقن مممكن تنفع معي وتطول الشعر بسرعة لني سمعة انو كل ما طال الشعر كل ما ثقل اتمنى لو يوم بس افتح شعري والعب فية مثل البنات واللي يقهرني انو اللي شعورهن اخشن مني على طول تشوفيها ناعمة بالأستشوار
الطول ما يغير نوع شعرك ولا اي خلطه بالدنيا تغير طبيعة الشعر
و كلام الكوفيره صح لما تكون الشعره خفيفه ما يثبت الاستشوار ولا الفير
بس لقيت لنفسي طريقه
بعد الاستشوار الف شعري لفتره طويله يعني على الاقل 5 او 6 ساعات اذا ماكان الليل بطوله يعني سشوري شعرك قبل المناسبه بليله
و حتى الفير اذا تبين تسوينه لفي شعرك قبل بليله وعادي خليه يبرد و لفي شعرك لميه اقصد ولما تصحي ثاني يوم ويقرب وقت المناسبه او تبين تجربين عيدي عليه بالفير مره ثانيه وان شاء الله يثبت
وطبعا لاتنسين تحطين مستحضر التصفيف اللي ترتاحين عليه ومناسب شعرك
بديل الزيت من بانتين استخدمه قبل الفير نقطه صغيره على الخصله والف بالفير و الاستشوار قبله استخدم سيروم لوريال او كريستال بس لا تكثرين منه لانه يضعف الشعر ويخليه يتقصف اسرع حاولي لو تستخدمينه مثلا مره بالشهر او بالناسبات المهمه ولو سشورت من غير السيروم بعد الاستشوار احط شوي بديل الزيت بس لاتقربين من الفروه ابد وحطي شووووووي على شعرك كله عشان ما يصير منظره مدهن وثقيل ووسخ ولا تمشطين شعرك بالمشط بعد ما تحطين بديل الزيت
ولو تبين تسريحينه باصابعك افضل ولا تنكشينه
اتمنى اكون افدتك