شوفو خالتي وش تسووي من ورانا .. ااخ بس

الأسرة والمجتمع

السلام عليكم ورحمة الله وبركاته


بنات والله اني مقهووووووووووورة ومنبطه كبدي من خالتي

اخت امي والله ماهي خاله عدوووووة استغفر الله والله من قهري

جلست ادعي عليهااا .. شوفو وش سوت

احنا جالسين ندور لاخوي عروسة وهي جالسة تجيب لامي

ارقام لبنات واحتمال ومن الاختيارات

الي حطيناها اخت زوجي منهم .. المهم اكتشفت ان خالتي تكلم اخوي

تحرشه

بالدس بدون احنا ماندري وتجلس معه بالساعة والنص الساعة

وتقوله لو مافي بنت بالكون لا تآخذ فلانه الي هي اخت زوجي

المشكلة اخت زوجي تقربلها وتقول لاخوي عن اخت زوجي

هذي عقربه ومصيبة والمشكلة انا معاشرة اهل زوجي سنتين

ودايم ازورهم وعارفتهم زيييييييييين اكثر من خالتي واكثر من

اي احد ... والله الحين منقهره ليش تحرش اخوي وش دخلها

اخوها ولا اخونا هي ماسوت كذا الا انها غيرة وحاسدتها لان

اخوي طيب وولد حلال ماتبيه يآخذها يعني حاطه انهم مايستاهلون

اخوووي ...و الله يابنات خالتي تتكلم بآخوات زوجي وتقطع

رزقهم وناسيه نفسهااا والله انها مصيبه ماعمري شفت مثلها هي

لو تجيب ناس حقين مشاكل ومن بعيد ولا نآخذ اخت زوجي

يعني شاادة حيلها بقطع رزقهم طيب ماخافت من ربي

انه راح يعاقبها انا انسانه اكره هالتصرفات وقطع الارزاق


الحين كيف اتصرف وش اسوووي ودي انتقم منها بس

ماودي اسوي مشاكل واخربها

واعلمها الادب والي موقفني :( ورادني عنها ماابي المشاكل


عشان خاطر امي ... يابنات حسو فينا انا واختي خالتي تتشمت

بآختي وتقول قدامها انا رحت مع فلان الي هو زوجها المطعم

وتطالع بآختي ام 18 سنة مدري وش تبي فيها وتضحك تتشمت بأختي جالسة يعنني

انتي ماتزوجي وراح تعنسين ومحد راح يجيك لانها عارفة

انه ابوي معقد ومايزوج اي واحد ... طيب يالحقودة لا تقطعين

رزق اخوات زوجي عشان لو ربي كاتب يآخذون اختي انا هالآدمية ماشفت مثلها كل البلاوي عندهاا


ويوم انا موجودة تتكلم بآهل زوجي قدااامي من تحت لتحت وانا

ساكته وصابرة عشان امي :( تكفوووووووووون

وش نسوووي معهاااااااا ماودي ادعي عليها الحين والله الدعوة

بطرف لساني ............. حسبي الله ونعم الوكيل




الله يسخر ملكوت السموات والارض كل من ترد وترفع موضوعي

ورجاااء الي بتقول كلام يغث مشكورة وبلاش من الرد احنا موناقصين


انتظر ردودكم والله مو قادرة انام منها الله يشغلها بنفسها ويجعل

كيدها بنحرها ..
59
5K

يلزم عليك تسجيل الدخول أولًا لكتابة تعليق.

تسجيل دخول

غيمة ذهب
غيمة ذهب
كثير مثلها والمفروض انكم توضحون لأخوك نية خالتك
بعدين نصيحه ياقلبي لاتزوجين اخوك اخت زوجك حتى لو هي عسل ابعدي عن المشاكل
هيا العبد الله
ليش كذا سااكتين لها...

قولوا لها اذا ماااتركتينا بحااالنا
والله ندعي عليك..
وتحسبوا عليها وهي تسمع يمكن تخاااف..
وخلي امك توااجهها والله حاله ..
........................
رنيم الزين
رنيم الزين
ادعي عند الصبح حسبي الله لااله الاهو عليه توكلت وهو رب العرش العظيم وايضا قولي اللهم ياحي ياقيوم اكفنيها بما شئت والمغرب مثلها باذن الله مابتضركم بشي وانا مجربه هالادعيه الحمد لله كافيني ربي سبحانه كيد الحريم لاني مااعرف ادافع عن نفسي <وبالنسبه لاختك توها صغيره على سالفة العنوسه والله الذي لااله الاهو بنات ماتزوجوالا هم على اعتاب الثلاثين وماجاهم الااحسن عرسان
لمحه غلا
لمحه غلا
واجهيها وقولي لها مالك شغل
وامسكي اخوك وفهميه وخليه يستخير قبل كل شيء
وهي اذا ماوقفت عند حدها حطي سجادتك وادعي عليها قدام عيونها عشان تخاف
وتتادب
ادعيلي ان الله يفرج همي
benfit
benfit
انتو ساكتين لها .. لاتعطونها مجال تقول كلمه ردو بعشره عشان تتأدب هالاشكال ماينفع معها إلا العين الحمراء