شوفو خطتي عشان اولد قببل مايولدوني وإنصحوني ..!

السلام عليكم ..

كيفكم يآبنات ؟

انا عندي سكر حمل والدكتوره قالت لي لازم نولدك بطلق صناعي بعد ماتخلصين التاسع بأسبوعين .. :44:
وانا لأني مجربه الطلق الصناعي من قبل قمت اصيح وجلست اهوجس من يوم ماطلعت من عندها وهي قامت تهديني وتقول لي لاتخافين راح نعطيك مهدئات وبكتب لك على زيت خروع تشربينه عشان يسهل عليك ..
وانا قاريه من قبل ان زيت الخروع يضر بعض الاحيان وماينفع مع الكل ..
بالإضافه لتجربتي المرررره مع الطلق الصناعي واللي حسيت بعدها اني طلعت من الجحيم من الألم والعذاب اللي شفته بسببه ..
بدءا من محاولتهم لفتح الرحم وهو مسكر والكشف كل شوي غير تليين عنق الرحم والمساج اللي يسووونه وهو يناسبه اسم تعذيب اكثر من اسم مساج.. قمة العذاب والله .. :icon33::icon33:

المهم ..

انا جت في بالي فكره .. اني اجمع اسباب التوليد واسويها من بداية التاسع عشان انجو من الطلق الصناعي وألامه .. واهم شي قررت اسويه اني اشم حلتيته ..:35:
لأني قريت من تجارب البنات انها تجيب الطلق وتفتح الرحم ..
سؤالي .. هل هي تفتح الرحم جد والابس اشمها اذا حسيت بالطلق ..؟
ووش هي الاشياء اللي تعجل بالولاده وتفتح الرحم .؟ لأني ناويه اسويهم كلهم قبل مايقبضون علي في المستشفى ويتولوني .. :icon33::icon33:

والله يسهل عليها طلقها وولادتها ويبعد عنها السكر ومضاعفات الحمل والولاده اللي ترد علي وتفيدني بأي معلومه .. بس لاهنتو ابي نصايح مجربه مو شي سمعتوه عشان مااودي نفسي واللي في بطني في داهيه ..
والله ييسر للجميع حملهم وولادتهم ويفرحهم بشوفة ضناهم بخير وعافيه يآآرب ..