شوفو دكتوري وش قالت لي ! شي غافلين عنه ..

بنات انا صار لي اربع سنين ونص متزوجه وماصار حمل

سبحان الله مافي سبب مقنع هرموناتي سليمه وزوجي تحليله سليم


بس ربي ماأراد لي ولا كتب لي الحمل للحين

بداية زواجي كان ولا هميي تزوجت صغيره

وكان كل همي انبسط واستانس مع زوجي ولا فكرنا بالحمل ابد

سلفاتي حملو وانا باقي ماحملت .

كنت اشوفه شي عادي يعني ماني ماخذه الموضوع بحساسيه

واي وحده تحمل فيهم اروح اقضي لهم كني بقضي لنونو حقي

لمن شفت الناس تنظر لي بعين الشفقه .. وانهم خايفين احسدهم على ماعطهم ربي

ومن حكي الناس ليش ماحملتي روحي المستشفى

زوجك بنزوجه ... انتي مافيك خير رجعي نص المهر

طبعا هم يقولونها بمنطق انه مزوح وانا والله ادري انه دق فيني ..

والله بالبدايه كنت قويه واي احد يضايقني ارد عليه بنفس اسلوبه

ولا علي باحد ,....


بس جات فتره انكسسرت وحسيت اني خلاص بديت اتحطم نفسيا

واتعب لدرجة زوجي وهو بدوام ابكي واكلم نفسي كني مجنونه

اقول لو عندي نونو امديه مسليني وماححس بملل

واتذكر الكلام الي ينقال لي وابكي


عمووما قوتي ضعفت ... ودمروني نفسيا الي حولي

وخلو تفكير الحمل هو شغلي الشاغل..
وششككوني بنفسي اني ناقصه ..


الشي الوحيد الي كان مريحني انه زوجي معي ودايم يقول وش عليك بكلام الناس انتي

هم الي بيجون عيالهم ولا عيالنا؟

الي بيتعب انتي وانا ولا هم

لو بتتعلقين بهالشي وتربطينه سبب لسعادتك ماراح تعيشين الا وانتي مهمومه ...


كان كلامه يرفع معنوياتي ..

بس كل شي يتلاشى من اطلع طلعه ولا اقابل احد ويرجع موال الدق

والخوف على انفسهم مني


مع اني صغيره بالعمر بس سبحان الله نظره المجتمع عندنا الي مانجبت ناقصه وعينها حاره ؟

والله والله اني احب الاطفال وانبسط لاشفت وحده حامل اتخيل شكلي لاحملت مثلها

مافكرت بحسد ولا اي شي !


هذي ارزاق والله مقسمها ...


اخر موعد لي بالمستشفى ..


كان موعد لابرة التفجير .. وصيدلية المستشفى مقفله لان جيت متاخر


وعلى بال مازوجي يروح يجيب الابره التفجيريه من الصيدليه قعدت اسولف مع الدكتوره


وتقول لي اانا لاحظت وانا اعالج الحريم هنا

اذا ماصار حمل ييأسو ويملون ويتحطمون

وهالشي غلط ... لان النفسيه لها دور بالجسم كله

فما بالك بفترة التبويض والحمل !


وجلست تقول لي احاديث وكلام عن الصبر


وان المفروض الوحده تكون متوكله على الله حق توكله ..


تقول كثير يجون هنا واملهم مرتبط فيني انا

مايدرون انه احنا سبب فقط وانه الامور كلها بيد الله !


كلامهم وربي جاء بالصميم


تقولي يابنات انه التبويض والدوره


مرتبطه بالنفسسسسسسسسسسيه

ولها دور كبير النفسيه بكل شي


انتي بس اقعدي مع نفسك وافكري بس بالاشياء الي تضايقك والي صار لك وضايقك بحياتك

شوفي كيف وضعك يصير .. تكتئبين وتتاثرين ويمكن بعد تبكين كنه الموقف صاير لك اليوم !


لكن فكري بشي حلو بحياتك تفائلي بالحمل .. تفائلي انه الله ابتلاك لانه يحبك وبيشوف صبرك

تفائلي بان الله بيعوضك اكيد وبيجي يوم وعيالك حولك .. وربي لاشعوريا بتنبسطين وتتبسمين

كنك عايشه الموقف !


شفتو كيف وهي ثواني بس فما بالكم

واحنا نفكر


البويضه حجمها صغير


مناسبه لتلقيح ولالا ؟

متى يصير جماع ونقعد نوسوس اليوم لا بكره


ها حامل ولا ماني حامل .. صدري يعورني بطني فيها ثقل

كل اعراض الحمل نتوهمها :(


طيب ليش مانخلي هالامور للي خلقنا ..

مابيدنا غير الدعاء والتفائل

اشياء وصانا بها الله والرسول

ومعروف يابنات مايرد القضاء الا الدعاء !

وتفائلو بالخير تجدوه .. :)



{إِنَّ اللَّهَ يُحِبُّ الْمُتَوَكِّلِينَ (159)}
.. التوكل يابنات كثير فاهمينه غلط وانا اولكم


كنت اقول متوكله على الله .. واروح لدكتوره وانا خايفه وافكر بشري يادكتوره ايش صار

وافكر واعيد بالموضوع الف مره ومتردده وخايفه من النتيجه ومن كل شي


تسمون هذا توكل ؟

لا والله ...


التوكل هو الثقة بالله. وصدق التوكل أن تثق في الله وفيما عند الله فإنه أعظم وأبقى مما لديك في دنياك.


عوائق التوكل: 1 - الجهل بمقام الله من ربوبية وألوهية وأسماء وصفات 2- الغرور والاعجاب بالنفس 3- الركون للخلق والاعتماد عليهم في قضاء الحاجات 4- حب الدنيا والاغترار بها مما يحول بين العبد والتوكل




ثمار التوكل:
1 - تحقيق الإيمان: قال تعالى (وعلى الله فتوكلوا إن كنتم مؤمنين)
2- طمأنينة النفس وارتياح القلب وسكونه .
3- كفاية الله المتوكل جميع شئونه: لقوله تعالى(ومن يتوكل على الله فهو حسبه) . قال ابن القيم :أي كافيه ومن كان الله كافيه وواقيه فلا مطمع فيه لعدوه ولا يضره إلا بأذى لا بد منه :كالحر والبرد والجوع والعطش وأما أن يضره بما يبلغ به مراده فلا يكون أبداً.وهذا أعظم جزاء أن جعل الله تعالى نفسه جزاء المتوكل عليه وكفايته، فلو توكل العبد على الله حق توكله وكادته السماوات والأرض ومن فيهن لجعل الله له مخرجاً وكفاه رزقه ونصره ، ولحديث: إذا خرج الرجل من باب بيته كان معه ملكان موكلان به فإذا قال:بسم الله قالا:هديت فإذا قال:لا حول ولا قوة إلا بالله قالا:وقيت فإذا قال:توكلت على الله قالا:كفيت قال: فيلقاه قريناه فيقولان:ماذا تريدان من رجل قد هدي ووقي وكفي. رواه الترمذي وابن ماجه وروى أبو داود نحوه وكذلك أحمد.


اختصرت بالكلام الي عجبني عن التوكل !


اكتبو بقوقل وافهمو معنى التوكل وتعمقو فيه :26:


طيب يابنات انا تحديت نفسي وقلت باذن الله راح اكون متفائله

ومتوكله على الله حق توكله ... لان رزقي عند الله مو عند غيره

وهو مسبب الاسباب ..

وبيده كل شي وقادر يرزقني باليله وضحها مثل مارزق مريم ولم يمسسها بشر..


بنات ماقول اقطعو الدكاتره خلاص لاتروحون المستشفيات لا روحو

عالجو الي فيكم من تكيس ضعف .. هررمونات .. والي الله بلاكم به

لكن خلو ثقتكم بالله كبيره.. وتوكلو عليه بكل شي


يعني لو هالشهر ماحملتي او الي بعد لاتزعلين وتضايقين

قولي ربي بيعوضني والي يجي من ربي راضيه فيه كان خير ام شر

وتذكري !
عن النبي صلى الله عليه وسلم قال: "ما يصيب المسلم من نصب ولا وَصَب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه".

شفتي كيف ان الله رحيم بنا ! والله انه ارحم بنا من امهاتنا وابائنا

...


ودايم رددي انا متفائله بالله


ورددي انتي وزوجك الله معنا .. الله معنا ..

وهذي قصه لرسولنا الكريم ..

]لا تحزن إن الله معنا

هذة العبارة صاغها رسولنا الكريم صلى الله عليه و سلم في لحظات معاناته, و تنفس بها في زمن أحاطت به الدنيا وهو في الغار يستتر من أعدائه فيلاحقوننه من كل جانب ويرصدون عليه الطرق ويغلقون عليه المنافذ ويوصدون في وجهه الأبواب. لكنهم ما استاطاعوا أن يغلقوا بابا واحدا أو يرصدوا طريقا واحدا ويقطعون حبلا واحدا.

هناك باب الله المفتوح لمن أراد القرب ممن ناداه.
وهناك حبل الله الممدود لأولياته المتصل بأحبابه.


هتف صلى الله عليه وسلم للصديق وهما فالغار: (لا تحزن إن الله معنا) - معنا ويرعانا, معنا يحوطنا ويحفضنا, معنا يدافع عنا ويقبل منا, معنا بحفظه ورعايته, معنا بحمايته وكفايته, معنا فلا نخاف و لا نهزم, معنا فلا نخزى ولا نندم, معنا ولو كانت الدنيا معهم.

كلمات الشيخ الدكتور:عائض القرني.....



شفتو كيف الله انصرهم ؟

للانهم متوكلين عليه حق توكله !

وواثقين بان الله راح ينصرهم ..



بنات وربي احبكم في الله وصرت كل ماسجد وادعي لنفسي اتذكركم

ويجي ببالي تواقيعكم وانتم تطلبون الله وادعي لكم يارب ارزق كل من تعاني من تاخر الحمل

وترزقني


والله من بعد كلام الدكتوره لي ومن بعد مابحثبت بالنت عن اثر التفاأول بالنفس

واثر التوكل


اني تغيرت كثير حتى نفسيتي تغيرتي وزوجي نفس الشي...


شوفووني قبل كم يوم كنت اتالم من الابره التفجيريه وتعبت منها لدرجه ماقدر اقعد زين احس

مثل الشي برحمي بس كل ماتالم اقول يارب عوضني اللهم اني متوكله متفاأله بك ....

خلونا بدل مانتشكى كل وحده تجي ترفع الموضوع بكلمة تفاؤل ودعاء فيه خضوع لله وتوكل

حتى انا على طول رحت غيرت توقيعي القديم وحطيت شريط الحمل على حساب

اخر موعد دوره وكل شهر بغيره اذا ماحملت وكل شهر بيكبر املي بالله وتفائلي به



ببتدي انا اول شي .

*إذا كان الأمس ضاع...فبين يديك اليوم و إذا كان اليوم سوف يجمع أوراقه ويرحل...فلديك الغد...لا تحزن على الأمس فهو لن يعود ولاتأسف على اليوم فهو راحل و احلم بشمس مضيئة في غد جميل...




رجاء الله يسعدكم ارفعو الموضوع لو بدعوه !


والله ماحب اشوفكم زعلانات ومكتئبات

دخلت قبل شوي موضوع واثر فيني بس بكون قويه

وماعاد بدخل المواضيع الي تسبب لنا احباط نفسي :mad: