شوفو ردي على أخو زوجي وزوجته لمن شافني من غير قفاز ؟؟

السلام عليكم
أشكر كل أخت ردت على موضوعي ونصحتني
الله يوفقكن للخير ويحرم على وجيهكن النار آمين
أنا طبعا حز في نفسي كلماتها مو لأني زعلت من النصيحة لا والله يا بنات وإنما لأسلوب الرسالة القاسي اللهجة
لأن دايم هي تزعل من اسلوب الناس وتتضايق من التجريح وأنا أراعيها مره في كلامي وبالأخير ترسلي رسالة أسلوبها مرة شديد وقاسي ؟؟
على الرغم أنه ولله الحمد ماشاء الله لاقوة إلا بالله علاقتنا طيبة ببعض ونتناصح فيما بيننا ونتشاور في أمور كثيرة :39:

قرأتها كثير وتأملت فيها أحسست فيها نوع من غيرة النساء ؟؟ :mad:كيف أطلع مع زوجها في السيارة وأنا ماني لابسه قفاز؟؟

عموما لايهمني هذا الشيء ؟؟لكن تضايقت إنه الواحد يقول كلام زي كذا على شخص وهو بس شافه فعل الغلط مرة وحدة

كان الأولى يتريث ؟؟وماينقل لزوجته ماشاف ؟؟ولم يبحث لي عن عذر فيما فعلت ؟؟سبحان الله

أرسلت لزوجته رسالة أردت فيها أن تعيد النظر فيما كتبت وتحس بتأنيب الضمير على ماكتبت ؟؟ثم تتصل هي لأفهمها مالذي حدث لئلا تستعجل هي الأخرى في الحكم على الناس ؟؟خاصة وأنها من المطوعات لكنها أحيانا في بعض الأراء أشعر أنها من المتشددات ويظهر تأثير زوجها عليها كثيرا في أرائها

كتبت لها أقول بنفس عبارة رسالتها التي أبتدأت بها :..]
وإذ بها تتصل مباشرة ؟؟

أستقبلتها بحفاوة حتى لا أبين لها أني في نفسي شئ وبعد السؤال عن الحال سألتني هل زوجك شاف الرسالة ؟؟أخبرتها لا طبعا ؟؟.
ثم بدأت وكأنها محرجة مما حدث تحكي لي ماحدث
تقول :
إن زوجها قال إن فلانة {أنا } ذهبت معهم في السيارة فقالت لعلعا لها صلة بالحرمة المزارة ثم قال لها مو هذا الي أبغى أقوله أبغى أقول :إنها زعلتني مرة اليوم مرة فقالت خير ليه ؟؟

قال ماهي لابسه قفاز يدها باينة !!

فردت هي يمكن أمك استعجلتها فرد بس الحارة كلهم أجانب بنغاليه وباكستانية وغيره وما أبغاها تكون فتنة لأحد !!
وقالت له أيضا :أنا مرة كنت مع أخوها في السيارة ولاحظت إنها طلعت من غير قفاز وشراب ولمن طلعت السيارة لبسته ...فيمكن لبسته في السيارة
فقالت له عموما : تيغاني أكلمها أكلمها ؟فقال :كلميها بس لاتروح تفهمني غلط ؟؟قالت لا ..ياريت كل الناس مثلها ؟؟

فقالت رحت للتلفون لقيته عطلان فأرسلت لك هذه الرسالة ؟؟

فرديت أنا بعد ماخلصت كلامها ::

عموما أنا أشكرك وأشكر زوجك على حرصه وجزاكم الله خير

بس أنا يافلانة كنت لابسه قفاز ؟؟

فسكتت ماعرفت أيش ترد ؟؟
فقلت لكن وأنا نازاة في الدرج مسرعة ما أبغى أأخر خالتي أخذته وعم أصلح عباتي أبغى ألبسه ووجدت زوجك فقلت مو من الائق ألبسه وهو واقف هو والسواق يتكلمون لأني لو لبسته حتبان أيديني كلها قدامهم فقمت دخلت أيديني جوا كمي وطلعت السيارة وعاى طول لبسته هم ماقلك إني لابسه قفاز لمن جينا من عند الحرمة ؟؟

قالت لا هو قال ماهي لابسه ..
قلت شكله ماشافني قالت إيه
قلت جزاه الله خير بس الواحد مو من مرة واحدة يشوف أحد سوا شيئ يقول تغير ؟؟

طيب يمكن القفاز في الغسالة يمكن مالقيته أوقات الشغالة تضعه في مكان غير الي أنتي عارفاه ؟؟
يمكن مقطوع والله إني مرة أنقطع القفاز من كل مكان وظهرت أصابيعي وزوجي لاحظ وشكلي مرة يفشل قمت نزلته ودخلت إيديني في العباية ؟؟

يعني االواحد يبحث لأخوه عن عذر موكل شيء يشوفه يقول تغير ؟؟تغير ؟؟

قالت وكأنها أنحرجت من اسلوبي وحجتي :
لاوالله يافلانه هو ماقال إنك أتغيرتي {{مع إنها كاتبه كذا في الرسالة {{لاتتغيرين}}..}}{{حسيت وقتها إنها غارت لمن عرفت إني طلعت مع زوجها ولم ألبس قفاز}}

قلت بس أنا لالبسه قفازوترى أنا كثيييييييييييييييييييييييير أطلع السيارة وماني لابسه بسبب إن زوجي يستعجلني يلا أنزلي بسرعة أنا أتاخرت ؟؟أقوم أنزل بسرعة وماني لابسه ومجرد ما أطلع السيارة ألبس وحتى الشراب نفس الشيء وكمان لمن أنزل الشارع أروح لأمي وبيتها قريب مني أحيانا يكون الوقت معروف إن مافي أحد بالشارع ذيك الوقت فما ألبس لأانه مافي رجال والمسافة جدا قصيرة كم متر بس هل معنى ذلك إني تغيرت ؟؟

قالت :لا هو يقول بس هي عارفة إنها طالعة معي المفروض تلبس .. وأنا شفت أيدينها من غير قفاز
قلت : لايافلانه لا والله أنا من يوم نزلت وشفت زوجك مباشرة دخلت إيديني في كمي بس هو انتبه ليدي وشكله ماانتبه لمن دخلتها ؟؟

وأنا ترى طبعي لو أستعجلت ومالبست قفاز طبعي مباشرة أدخل يديني ما أخليها كاشفة

قالت يلا أن شاء الله مافي نفسك شيء
قلت الله لايجيب زعل بيننا وجزاكم الله خير وقوليله على إني لابسه بس عشانه هو واقف خليته بالسيارة والواحد يحسن الظن بغيره

ثم بدأت تغير الهرجة وقامت تسألني عن السوق وما أدري أيش وأنا قابلتها بصدر رحب وأعتبرت الموضوع أنتهى
لأني يابنات ما أحب أسبب مشاكلا ولا أحب أسوي سوء تفاهم مع أحد ولا أبغى يكون بيني وبين سلفاتي شئ في النفوس

خاصة وأننا زي ماقلت لكم نعتبر عند الناس ملتزمات فمن باب أولى نحسن أخلاقنا مع البعيد والقريب وما نخلي الشيطان يفرقنا على توافه

وأيضا إكراما لزوجي جزاه الله خير فهذا الشخص يعتبر أخوه ولو أنا أخطأت عليه فمعناها أني أخطأت على زوجي وأهله وأنا أحتسب مايجيني منهم عند الله سبحانه

مع إني يابنات ضايقني الموقف أني ولله الحمد والمنة وما أشكر في نفسي أحيانا كثيرة يشهد لي بالأسلوب الحسن في النصيحة وجمال الروح والطرح الطيب للمواضيع من غير ما أزعل أحد ويمكن هذا الشيء أثر فيني
أني ما أحرجهم ولا أجرهم وهم يجرحوني بالأسلوب الجاف هذا

بعد يوم ونص تقريبا أجتمعت بها عند قريبتنا فسلمت عليه بحرارة وابتسمت لها

ثم بدأتها بالسؤال عن حالها وأطفالها ثم كلما تكلمت حاولت إني أنظر فيها حتى ماتظن إني أتجاهلها أو زعلانه منها
والحمدلله

خاتمه::

تصدقون يابنات كان في نفسي شيء عليهم:44: ؟؟

وفي الصباح صحوت من النوم وتذكرت الآية {{فمن عفا وأصلح فأجره على الله فعفوت عنهم لمن ظلموني وهم لم يتحققوا مما حدث}}

قفلت اللهم إني قد عفوت عنهم فاعف عني :27:
هذا ماحدث لمن طلب مني التوضيح
آسفة عالتأخير لأني ماني لاقيه وقت أدخل النت
آسفة للإطالة