ام فطيسان @am_ftysan

محررة

شوفو زوجة اخوي السخيفه جداً,صدق ان اكرمت الكريم ملكته,,وان اكرمت اللئيم تمردا

بنااااات بدخل دااااااايركت في الموضوع من كثر حرررررررررررتي.
انا نزلت موضوع عنها قبل اسبوع تقريبا..ان انا اتصل ماترد .الى هنا اوكيه يمكن مشغوله بقلعتها او اي شي.لكن بس تتشررررررررررهه وينك ماتتصلي ؟؟انتي ماتحترميني؟؟انتي ماتستحي انا اكبر منك(للعلم الفرق بيننا سنتين بس).وكل بربرتها هذه قدام اخوي ,,يعني اسمع يازوجي . وقلتلكم وقتها ان عيالي تنوموا بالمستشفى ولادقت للعلم ان لو احد اولادها زكم وقسم بالله اني ادق..المهم انا ساااكته كل هالمده عشان خاطر اخوي.لكن جات الطام..سكنو ببيت جديد وانا ماباركتلها من قهري ماكلمتني على سلامه عيالي.واخوي دق علي قالي انها زعلانه عشان ماباركتلها .المهم انا طلعت كل اللي في قلبي.المهم الظاهر زعل عليها وقالها هي تدق وانتي ماتردين ومن هالكلام..المهم قبل يومين دقت علي معصصصصصصصصصصصبه وكان كلامها كالتالي:
ليش ماباركتيلي عالبيت؟وماتتصلي تسالي .قلتلها ماباركتلك لان عيالي الاثنين دخلو مستشفى وانتي ولا سالتي ..العدو سال عني وانتي الله بالخير..(للعم الاثنين عيالي تنومو وانا بمدينه غير اهلي..وزوجي كان مسافر تخيلوا انا لوحدي تحملت مسؤليتهم)
قامت قالتلي انا ماكلمتك عناد فيك ووحده بوحده عشان لما ولدي مرض مادقيتي تتحمدي سلامته(للعلم اني دقيت على اخوي وطمني وقبل كنت ادق عليها بس من بعد ماصارت ماترد قلت ادق على اخوي واطمن اختصر وقتي وجهدي بدل مادق على وحده ماترد).شوفو النجاسه تتشممممممممت على مرض عيالي الله لايوفقها.
وبعدها طللللللللللعت اللي في قلبها اسوووووووووود زي وجهها.تقولي:
انتي تحبي عيالك وتبغينا نساله عنهم واحنا بالطقاق!!!!!!!لاتعليق.
انتي تخافي على عيالك من العين؟؟قلتلها مافي احد مايخاف بس ايش الموقف اللي خلاك تقولين كذا قالتلي :اختي لما زارتك بالاربعين ماطلعتيلها ولدك ليششششششش؟؟اختي حتاكله؟؟؟ترى فيه اختراع اسمه تحصيين؟؟؟<<< قلتلها قولي والله؟؟تصدقي توني ادري.
مع العلم يابنات عشان تتضح الصورة عندكم اختها لماجتني الولد قبل ماتجي كان ممغووووووووص وبس يبكي طفشني .نام وماصدقت انا انه نام(نام قبل ماتجي ب5دقايق تقريبا)وهو عصببببببي.وكنت حاسسه انه حتقول كلام زي كذا فقلتلها الولد نايم تتدخلي تشوفيه جوا؟؟قالت لا مدام فيه (ابوي انا ) خلها ثاني..للعلم اختها عندها 4 بنات بس ووالله ماقد قلتلها ياللا جيبي ولد ومن هالكلام اللي يزعل لان هذه ارزاق من رب العامين .بس هي حست كذا,,من جد اللي على راسه بطحه يحسس عليها..
ولما حجرتها في الكلام وحلفت اني ادق وهي ماترد تعرفو ايش قالتلي اللي ماتربت؟؟ ايه انا اشوف اتصالاتك بس عناد ماارد لان اسلوبك مايعجبني؟؟(قلتلها ايش فيه اسلوبي؟؟)قالتلي (تتدخلي في اشياء ماتخصك؟؟)قلتلها (زي ايش )؟؟..شووووووووووفو الموقف:تقول فاكره لما كنت حامل بالتاسع وسالتينين حتولدي طبيعي ولاقيصري(لان الاول جابته قيصري) قلتلها ايه؟قالت لييييييييييييييش تبغي تعرفي طبيعي ولا قيصري؟؟قلتلها(اسالي نفسك ليش ابغى اعرف؟؟قصدك اني ملقوفه؟؟او رح احسدك؟؟)للعلم كيف احسدها وانا كنت زيييييييييها حامل فرق بس اسبوعين؟؟وزيها هي ولد وانا ولد الحمدلله ماشالله اجل لو مو حامل او لو بنت ايش بتقول؟/ وبعدين قلتلها مدام اسلوبي مايعجبك ليش زعلانه لو مادقيت عليك ؟ايش تبغي فيني؟ولابس بتورين اخوي ان احنا مانستحي وبطالين؟؟قامت قالتلي لا مو كذا..وسكتت بعدين قالت,,وحتى لو ابغا اطلع انكم بطالين وماتستحو هذا من زود مااخوك قرفني فيكم...لاتعليق !!!!!!!!!!!!
المهم وغييييييييير كذا غلطت على امي واختي .تقول(لما كنت حامل ورحت عند امي قعدت شهرين ماجوني الا مره؟؟(للعلم ان اهلي بيتوتين وهادين وهذا طبعهم)وليش يروحولها وهي مافيها الاالعافيه كانت كل يوم تخرج تتمشى ومشغوله بشغلها ودراستها واهلي مايحبوا يزعجوها.
المهم انا كلمت اخوي وقلتللللللللللللله مسكين انفجع ماصدق وعل مررررررررره وقلتله بالحرف الواحد: انا مرتك من اليوم ورايح بعطيها اجنووووووور(طناش يعني).مسكين قالي اللي تشوفيه وامسحيها بوجهي كلمتها اللي قالتها عليك(ملقوفه).وقلتله صدق الطيب في هالزمن ماله ثمن..سكت وقالي بزعل صادقه والله.
للعلم يابنات هو يدري انها خبيثة وكم مرة بغي يطلقها بس يقول عشان اولادي اتحمل(اخوي طيب مايستاهلها).
بنات سؤالي: ايش رايكم فيها بالله؟؟
وكيف اخلي تعاملي معها؟؟
وشكرا حبيباتي

131

12K

هذا الموضوع مغلق.

يوم وداعك • 15 سنة

ام فطيسان • 15 سنة

والله انا لو مكانك ماعليا غير من اخويا واولاد اخويا وهى بسلامتها اوجبها في المناسبات فرح عزا ولاده زى كده يعنى غير كده اشترى راحه بالك بس مو معناته انك تكشري في وجهها اذا دقت اهلا وسهلا مادقت لاتدورى عليها اذا شفتيها عند اهلك سلمى عادى واسالي عن الاحوال ولاتتعمقى في الكلام معاها اعتبريها ضيفه لها الاحترام وبس

والله كلامك سليم 10000000000%..وهذا اللي قلت بسويه ****لله..
بس انا كنت اتصل ترى مو عشان سواد وجهها لا..
بس عشان خاطر اخوي الوحيد هو طيب واكبر مني احترامها(عساها بتبن في وجهها) من احترامه..
بس من اليوم ورايح لااااااااااااا والف لا..

تفووق الوصف • 15 سنة

الله يعينكم عليها هذي وحده مريضه نفسيا بصراحه انقهرت من حركاتها والله لوزوجت اخوي وتقولي هالكلام هذا لا سحبها مع شوشتها بجد قهرتني اجل تقولك عناد فيك صدق ماتستحي طنشيها ولاعليك منها واذا مرضوا عيالها دقي على اخوك وتطمني عليهم وهي اسفهيها ولاكنه موجوده والله يصبركم على الاشكال هذي

إنسانه طفشانه • 15 سنة

اهم شي اخوك واولاده وعامليها باللتي هي احسن واحتسبي الاجر من الله سبحانه..

لا للخلطات • 15 سنة

سوالف حرييييييييييييييييم

ايش اللي ماباركتي لي وماباركت لك وحسدتيني وماادري ايش ؟ .. معليش بس والله عيييب و جد قلة عقل بقووة .. اذا هي تجي منها هالسوالف وهالتصرفات انتي وش الفرق عنها اذا كنتي معاها ومسايرتها ؟

ياشيخه انشغلي ببيتك واولادك .. واذا عندكم وقت فراغ اشغلوه في دراسة ولا وظيفة بدل سوالف الحريم هذي ..

ومن جد الله يعين ازواجكم عليكم .. لو انا رجال كان انحشت من البيت قسم بالله

لا تزعلين والله اني اكلمك بكل صراحه .. انا وانا مااعرفك مااقدرت اكمل الموضوع كله قالت لي وقلت لها وقالت لي .. وبعدين ؟؟ ماسئلتي نفسك ؟

اذا متضايقة منها ابتعدي وريحي حالك ..والباب اللي يجي منه ريح سده واستريح ..

وانتي كمان كبري عقلك بعد ولا تجلسي تدققين على مازارتني وحكي فاضي

الله يهديكم بس