شوفو زوجي وش يقول فيني عند اهله 😢

السلام عليكم
بنات بدخل بالموضوع بدون مقدمات
اكتشفت ان زوجي يتكلم فيني ويتبلى علي بكلام عند اهله تخيلو صارت مشكله بينا ب ايام العيد وانا رحت عند اهلي زعلت منه بالفتره هذي قال لهم انا ابغى اتزوج عليها وابغى اطلقها هذي ماهي نظيفه في بيتها ولا تغسل ملابسي ولا تطبخ لي واني ارد عليه وقال كلام كثير وانا ما كنت ادري غير لما انتشر الكلام لان اخواته
ماشاءالله ماقصرو ماخلو احد ماعلموه حسبي الله فيهم وانا الله الشاهد علي اني نظيفه في نفسي وفي بيتي وماني مقصره معه وكل يوم اطبخ له ولـمه واخته لاني قاعده عندهم من شهر. 8 هو معه اجازه لي ست شهور عن بيتي رغم المسافه قريبه بس صابره ومتحمله لان هو يبغى يقعد عند اهله يقول دامني ب اجازه على ايش ارجع للبيت تخيلو متحمله كلامهم ودقهم فيني واقول يمكن هو يشوف هالصبر واني قاعده معه بمكان ماعمري قعدت فيه لانه اهله بقريه المهم لما رجعت انا له قال انه ماراح يتزوج وانه كان بس يبغى يخوفني عشان يأدبني عن المشكله الي صارت بينا
بس بنات ماني قادره ارجع له مثل اول ولما اعاتبه يعصب علي يقول لاعاد تجيبي لي هالكلام خلاص هذا كلام وراح المشكله اخواته يدقوني قدام الناس بالكلام ولا اقدر ارد لان هو يقول علميني اذا احد قال لك شي ولما اعلمه يقول لي طنشي وكبري عقلك خليك احسن منهم عاد انا اسكت حتى لو كنت مقهوره ب اسلوبي هذا خليتهم يتمادو علي ولا يحترموني والي يقهر اكثر انه يعلمني بكلام امه واخواته فيني ولما اجي ابغى ادافع عن نفسي يقول ي ويلك تتكلمي الحين يعرفو انا الي علمت احس تصرفاته كأنه بزر رغم ان عمره 31 بنات شورو علي كيف اتصرف معه وكيف اقنعه ارجع بيتي خلاص طفشت من هالوضوع حتى لبسي ما اخذ راحتي فيه عبايتي علي شبه يومي عشان اخوانه والله طفشت واغلب الحريم يقولو كثر الله خيرها متحمله وقاعده وهي ما عمرها جت هالمكان بس زوجي ما يشوف هالشي و اخواته حاولت اكسبهم بس طلع طبع فيهم انهم يتكلمو ببعض يعني مو بس فيني هم كذا بيئتهم 😢
ابغى احد ينصحني كيف اتعامل معهم لان حتى زوجي ماعدت اثق فيه طلع شخص كذاب وبعد كلامه فيني صدقت اهلي يوم يقولو لي انه كذاب كنت ما اصدقهم وازعل عنده وادفع عنه وهو شوهه صورتي عند الناس حسبي الله فيه احس مالي وجه اقابل احد بعد كلامه اخاف الناس تصدقه كيف اثبت ان كلامه فيني كذب والله اثر فيني كلامه بعضهم ماصدقوه لان واضح ع مظهري على قولتهم ومظهره هو بعد ما تزوجني كيف صار بس كيف افهم الكل انه كذاب
ادري كلامي مو مرتب بس مع القهر ماني قادره اركز مدري وش اقول كمان قلبي مليان كلام بس صرت ما اثق فيهم مقدر اتكلم معهم واهلي بمدينه بعيده عني ولما اكلمهم جوال يتصنتو علي حتى زوجي مثلهم يقول لي انتي كل شي ب اذن امك طيب انا اذا ما علمت امي عشان تنصحني وش اسوي اعلم من هو ما اثق فيه
المهم ادعو له بالهدايه ويشغل اهله في نفسهم عني 😥😥