شوفو زوجي وين وصل شكه فيني

والله اني منحرجة منكم بس مالي غيركم افضفض له بدخل في الموضوع دوغري

امس العصر حصل بيني انا وزوجي ........
المهم في الليل نام زوجي وانا نمت بعده بساعتين بعدين قام للفجر وراح صلى وبعد مارجع من الصلاة وانا باقي نايمة جاء يقومني وبيده مناديل ويقول وش ذا
طبعا هو لقى هالمناديل في الزبالة (أعزكم الله ) طلع شاك فيني اني مدخلة رجال البيت في الليل وهو نايم وقعد يحقق معي ويقول لو ان هالمناديل حقت العصر كان نشفت بس هذي باين انها تووها وانا انصدمت منه وبكيت وحلفت على المصحف اني ماخنته علما باني ساكنة فوق اهله ومدخلنا مشترك بيننا يعني مافي مجال للشك اني ادخل واحد غريب الا اذا هو شاك في اخوانه
وقبله بيومين كان ساكت مايكلمني وباين في وجهه مررة زعلان ومعصب من غير سبب كأني عدوته وانا اسأله وش فيك يقول مافيني شي وامس اعترف لي انه كانت فيه ضيقة مني مايعرف وش سببها
وقبل اسبوعين تهاوشت معه على شي تافه وقام قال اصلا من يوم تزوجنا الى الحين ومافي حب بيننا وقال كلام كثير يدل انه يشك فيني اني اسوي غلط وقلت له انا الحمد الله اخاف من ربي قبل كل شي
هو مدري وش فيه من يوم مارجعنا من العمرة وهو يطلع مشاكل من لا شي
تتوقعون عين الخدامة لان اعتمرنا ومعنا ام زوجي وخدامتها اخاف عطتنا عين
او اللي سرق جواله في الحرم سوى له سحر
مرررة محيرني احسه مريض مو صاحي
وش تنصحوني فيه اقول لاهلي عن تصرفاته ولا اسكت