السلام عليكم ورحمه الله وبركاته
صبحكم الله بالخير وعسى احوالكم زينه وبعيده عن المشاكل
عندي لكم سالفه طلعت الشرر من عيوني:icon810: وحولتني الى وحش كاسر:30: على مايقولون اه كل ما تذكرتها احس بمغص بقلبي عمر المغص يجي بالقلب ايه انا لا جتني سالفه تمغص مغص
المهم اليوم رحت السوق ارجع غرض حريم لازم نشتري يوم السبت ونرجع الأحد اجل ما يقولون السعوديه كذا وه ياملحنا ياالسعوديات هذا عشانا مشهورات والعالم والعين علينا ياجعل عيونهم للفقع للي يبي الشر لنا ببيوتنا وما خلونا
نرجع للسالفه الي مغصت قلبي ايه كملي وخلصينا طيب طيب لا تزعلون وتحولون وحوش كاسره مثلي وتزيدونها علي ترى مو ناقصه
رحت مع زوجي وابو زوجي الله يطول بعمره وقلت برجع الغرض وابدله الى هنا ما عليه كلام ويوم وصلنا وقال زوجي انزل ياأبوي وانا بمسك ولدي ما نبغى نطول والولد فيه نوم
ملاحظه الحمدلله طول اليوم سوالف ومزح تعليق وزوجي دايم يحب يمزح علي قدام ابوه ويحرجني بس نضحك عادي واحيانا ارجع التعليق عليه
ويوم جيينا ننزل وجات الكلمه الي هزت اعصابي ورجتها رج وامتزجت مع حراره الصيف وولدت شراره منبثقه من عيناي بغى يغمى على:024:
ابغى اعيشكم الأحساس وارتعدت فراصي فرص فرص وعصب عصب وعرق عرق على وزن زنقه زنقه
ويقول زوجي مازحا لابوه انزل ياأبوي وكحل عيونك :27:
انا هنا دوروني ما عاد اشوف الي قدامي والله يوم انا أكتب قلبي يجيه مغص الي قلته لكم
نزلت مع عمي وانا احس بداخلي حريقه شبت لو يجي الدفاع المدني بمعداتهم ومطافيهم ماطفت الحريقه الي بقلبي الله يحفظنا من الحرايق بس هذه حريقه حريم الي هم خابرينه
ومشينا ورجعنا الغرض ادري تبون تعرفون الغرض حريم تحبون الشفايه
امشي ويلف براسي مليون رد ويدور براسي مليار معنى للكلمه
واحس بداخلي شخصين واحد يفسر المعنى بنيه قشرى والثاني يقول يابنت الحلال تعوذي من خوي الاول تراه يوسوس لك زوجك يمزح ما قصده شي
ماش ما قدرت امشيها حاولت منا ومنا ما لقيت مخرج الا أولع حريقه وقلت بنفسي باسبق عمي على السياره عشان اقول كلمه تبرد قلبي قبل ما يركب عمي بس ماش اقولكم انعمت عيوني بغيت اركب سياره غير سيارتنا الا ويقول عمي هنا سيارتنا وامشي لعلى وعسى اركب قبله حريم الي براسنا نسويه وللأسف فشلت خطتي وابلع الحريق بس وقفت ببلعومي عيت تنزل وحسيت بحراره من عيوني بتطلع وانا ساكته بالسياره ادري بنفسي بولع نار واذا كلموني ابد ارد واسكت والا عمي يقول الجو حار هو بس قال كذا حسيت بالحراره زادت بقلبي والا زوجي يتميلح ويقول ما عليه دام اسطوره انثى معانا حلوه التمشيه قلت ايه صدقتك هذا طبعا خوينا الثاني الي يوسوس الي يقوله والا الأول النيه الزينه ماقدر فيني والا زوجي يرجع يتميلح مره ثانيه ويقول مو صح يا اسطوره سبحان الله كأنه حاس بالحريقه الي بتجيه وقام يلطف الجو والا هو الأيحاء الي نسمع به يابنات هو قاله مره ثانيه قسم بالله ما حسيت بنفسي الا صاروخ ينطلق واقول ايه مره صدقتك والا كحلت عيونك الشياطين بس صدق ما يملى عيونك الا التراب بالقبر الا وعمي تفاجئ وقال ما سمعته يوم يقولك كحل عيونك وانت رجال عاقل وكبير بس كلامه طالع يدل على نفسه ويقول زوجي والله امزح مع أبوي واقول انا هذا مو مزح هذا ذنب يكتب عليك وما تدري يمكن الكلمه هذه تهوي بك النار واصلا ما هميتني اقعد ناظر بالطقاق الذنب عليك وعمي يهدي فيني قسم بالله يابنات ما أدري وش جاني ما قدرت ابلعه حاولت اعديها ما قدرت والا زوجي يقول خلها اسكت برجعها البيت هذه ماتستاهل قلت رجعني والله البيت ابرك وانا اسكت وبعدين قمت اصيح وساكته طول الطريق والله يابنات دايم انا امسك أعصابي ووحليمه لكن اتقي الحليم اذا غضب والقهر ان عمي ما عمره شافني كذا دايم مهذبه عنده وهاديه كأني قطوه وزوجي هو الي يسلخ فيني سلخ ومعروف بعصبيته بس ما أدري انقلبت الطاوله ضدي بعد الموقف وانتهى الموقف ورجعنا البيت ابرد حره قلبي بشكولاته كندر انصحكم يا بنات تقاطعونها وخولوني اعلمكم سالفه الكندر هذا الله يسلمكم يوم انجحو عيالي ابوهم اعطى كل واحد ميه ريال هديه النجاح ونزللهم محل العاب واشترو العاب والباقي حوشوه وولدي هذا الي تدور السالفه عليه شرى بربعين والباقي 60واليوم الثاني نزل البقاليه يجيب اغراض وجاه كرم حاتم الطائي ويشتري بالستين شكولاته كندر
كندر ينطح كندر وجايبه عندنا والأبتسامه شاقه وجهه :21:ويقول هديه لكم ياعمري راحت فلوسه وبالليل نام شكله من الحره وقام الفجر وجلس يبكي:icon33: على فلوسه توه يتذكر
وهذ نصيحه يابنات والله شفت بالسوق العجب العجاب الله يهدييهم تبرج وسفور ومكياج وضيق وجنز استغفر الله والله اذا شفتهم اني اشفق عليهم واقول هذا وش ينفعهم بالقبر يوم لا ينفع مالا ولابنون
الله يثبتنا على طاعته الحجاب الساترحافظو عليه والله الدنيا زايله مانستفيد غير الذنوب
ونصيحه ثانيه لا تقعدين تقولين لزوجك لا تشوف لا تطالع ليش تناظر عيونك زايغه اوتجيك حريقه مثلي
ترى الممنوع مرغوب استودعي الله بصره وقلبه وتوكلي على الله
ونصيحه ثالثه اذا جاك الشخصين الي يسولفون بداخلك واحد ينفخ بالرماد والثاني النيه الزينه دايم احضري النيه الزينه وتفائلو بالخير تجدوه
والنصيحه الأخيره اعصابك امسكي اعصاب قد ما تقدرين والأحلى خوذي طفايه معاك دايم لزوم الأحتياط لو بتولع حريقه بقلبك الله لا يجيبها
واخر شي اقول لاتنسون التقييم ما أدري وش سالفته بس اسمع فيه
* اسطوره انثى * @astorh_anth
محررة فضية
يلزم عليك تسجيل الدخول أولًا لكتابة تعليق.
(نوووشه)
•
وآآآآي منك غيوووووره حيــــل يالبى قلبك
ههههههه حزني زوجك ماتسوى عليه مزحه مزحهـــا مع ابوه
خففي غيره ياقلبي
ولا اقولك خليها للمواقف الاصعب الله يبعدها عنك
وكندر وربي مليااااان بثلاجتي اكررهه ودايم اقولهم لا تجيبونه لي لان يجلس ومصيره الزباله الله يكرمكم
ههههههه حزني زوجك ماتسوى عليه مزحه مزحهـــا مع ابوه
خففي غيره ياقلبي
ولا اقولك خليها للمواقف الاصعب الله يبعدها عنك
وكندر وربي مليااااان بثلاجتي اكررهه ودايم اقولهم لا تجيبونه لي لان يجلس ومصيره الزباله الله يكرمكم
اه يازين سوالفك بس امانه جتني الشفايه
اولا وشو الغرض اللي تبين ترجعينه
ثانيا ليش ينزل معك عمك
ثالثاوش صار يوم رجعتوا البيت يعني زوجك زعل او لا
رابعااجيبي على ما سبق عشان اجمع افكاري واقدر اقول رايي بتصرفك
يالله ابروح اطل على حياه اسريه سعيده واجيك
اولا وشو الغرض اللي تبين ترجعينه
ثانيا ليش ينزل معك عمك
ثالثاوش صار يوم رجعتوا البيت يعني زوجك زعل او لا
رابعااجيبي على ما سبق عشان اجمع افكاري واقدر اقول رايي بتصرفك
يالله ابروح اطل على حياه اسريه سعيده واجيك
ركايز
•
الله يوسع صدرك يالعافيه والله ان الثاني قدر يسيطر عليك الله يكفيك شره والرجال
دايم يمزحون يالغلا والله يجعلك اجمل النساء بعين زوجك بس انتبهي لنفسك واضبطي اعصابك علشان ماتفرحين الشيطان
دايم يمزحون يالغلا والله يجعلك اجمل النساء بعين زوجك بس انتبهي لنفسك واضبطي اعصابك علشان ماتفرحين الشيطان
الصفحة الأخيرة
يااختي عادي الكلمه انا زوجي اذا قالها اقوله الله يقويك واضحك
من باب المزح
بس سبحان الله الشيطان اعوذ بالله منه يحب يكبرها وحنا يالحريم مانصدق
بس ليش تخلين زوجك يزودها معك قدام عمك المفروض هالشي بينكم
ولايسوي خفيف دم وراعي طقطقه قدام اهله
ماحب اللي يسوي يعنني قدام اهله
المهم الله يوفقكم ويسعدكم
وجزاك الله خير ع النصايح