ياختي ما عليج من الي راحت لدكتورة و طلع بويها شعر

مو شرط تروحين لنفس الدكتورة في دكاترة احسن منها ..

رفيجة اختي شعرها خفيف من الخاطر راحت تتعالج عند دكتورة

ما اقول لج صار ما ينلم بس يبين الفرررررق واضح فراغات بدت تنملي

وماتبان قرعتها مثل اول ..

روحي و توكلي على الله ..

:26:

شوفي حبيبتي اول شي عليك بالصدقه والاستغفار بنية انو يكثف شعرك والله ماراح يخيبك
كمان يمكن عنك اضطراب بالهرمونات فلازم تتعالجي
والله يفرح قلبك بشعرك

اختي بالنسبة لوصفة الاخت حورالجنان الشعير والحلبة والحبة السوداء شفت نتائجها في منتدى عروس وحدة تمدحها بالحيل تقول وصفة مستحيل تتركها بعد ماشافت النتائج الواضح ان المشكلة عندك من الداخل اكلي االورق الاخضر بكثرة مثل الجرجير والخس والخيار والبقدونس والشبث والبصل الاخضر الطويل والجزر والموز كلية بكثرة لانة رائع يغذي الشعر من الداخل والعسل كمان اختي يمكن عندك مشكلة من الداخل تلخبط هرمونات او هرمون الحليب عندك او فقر دم او تكيس مبايض ترا هي تسبب في التساقط الكثير للشعر صدقيني انصحك تحللي في الدكتور افضل

شوفي حبيبتي اولا عليك بعقد النيه في الهتمام من غير تضجر والشعر يبغاله صبر ومداومه مو تياسى بعد فتره وتقولي ما تحسن
ثانيا سوي تحاليل من والى من فقر دم او من هلرمونات
عليك باستخدام احنا وما ادرك ما الحنا انا ماشفت له طاري عندك يعني ما جربتيه
الحنا يوخر القشره ويعادل المواد القلويه والدهنيه يعني يوازي كل شئ في شعرك ويحسن منه بطريقه عجيبه
مع السدر والمشاط وذا تستحملي زيت القطران حطيه مع الحنا لان له مفعول كبير في تحسين الشعر
عليك استخدام الزيت المناسب لشعرك
استخدام حمام الزيت مره في الاسبوع بالبخار واكل الفيتامينات بشكل مستمر بالحديد واكا الخظار بشكل يومي
عليك بعد تستخدمي امبولات تساعد علي تحفيز الشعر وزيادة نموه او تونك
عليك بالتدليك المستمر باصابعك بشكل روتيني لانها تقوم على تحريك الدم وابدائ من الخلف من الرقبه من عند الغده الي فوق احنا حاطين تجمع في بدايه صفحة قسم الشعر ياريت تنضمين لنا ونكون خير معين لك لانا بنظم جدول بشكل يومي ونهتم في شعورنا وكل يوم تدخلي في التجمع وتكتبي يومياتك
وا ابغى منك غير الدعاء لي ولولدي بالشفاء العاجل من مرض السكر

الله المستعان يالغاليه الله يشفيك من التساقط ويرجعلك شعرك مثل اول واحسن وربي حالك مثل حالي زمان مانت فروة راسي خريطه من الفراغات والتقصفات وكان كله على بعضه مايجي شعرتين وعلى طول كنت اعمله كعكعه ولما ارد الله سبحانه وتعالى ابدلني بداله شعر لا اله الا الله طول وكثافه وصحه لدرجة اني امس الجمعه غسلته من الحناء كالعاده وطلبت من اختي تستشوره قالت ما اقدر روحي المشغل شعرك مو مثل اول صار طويل وكثير ويتعبني :27:
يعني لا تيأسين يالغاليه وخلي املك بالله كبير واهم شي النفسيه لاتفكري كثير عشان ما يتأثر زياده وعليك بالحناء وحمامات الزيت والسلطات الطازجه والله يكتبلك اللي فيه الخير