شوفو سخرة ربي**************

ابي اسولف عليكم ........ سواليفنا اليوم عن السخره ..سبحان الله اذا ربي سخر احد لاحد ....

تسولف علي وحده تقول عندها صديقه تزوجت وهالصديقه مستوره ما هنا هاك الزود !!!!
يعني بالعربي جمالها متوسط .. المهم وش لكم بالطواله زوجها ما شاء الله جميل وسيم وكامل والكامل وجه الله ... يوم رجعو من شهر العسل خوات زوجها قررو يسون عزيمه ..يعني مثل العاده ...المهم يوم جا يوم العزيمه احتارت الضعيفه!!!!! وش تلبس ؟؟؟ وتسال زوجها البس هذا الفستان ولا ذا !!!!!!! اعمل شعري تسريحه ولا مفرود !!!!!!!!!!!! وش المجوهرات اللي البس عشان تليق (ومن هالسوالف سوالف الحريم )يوم جاء يوم العزيمه وتلبس وتتشيك وتروح هي وزوجها للعزيمه .... المهم يوم دخلت الى وش تدخل كل وحده احلى من الثانيه من الجمال وإناقة اللبس وتنبهر الضعيفه!!!!!!!!!! ... ويبدء فكره يروح ....ويجي ..ما تدري الضعيفه وش تسوي قالت مالي الا انسحب بس وشلون؟؟؟؟؟؟؟؟؟؟

جتها فكره .... نادت اخت زوجها قالت انا مررره تعبانه عندي وجع في بطني ما اقدر اتحمله نادولي زوجي ابي اروح الدكتور ...........

وينادون الرجال ويجي يركض طايرة زناهيره (كلمه معروفه عند اهل القصيم)

وش فيه ؟؟؟؟؟؟وش فيه ؟؟؟ قالو له فلانه تعبانه ولازم تروح الطبيب ...قرب السياره الضعيف يوم ركبت معه .... قال سلامتك ... سلامتك ............


.ماقلت لك لاتتزينين بزياده هاه وش استفدنا ضربوك عين !!!!!!!!!!!!!!!!!!!!!!!! قالت بعقله اشوى الحمد لله ............................................................

وهذ صوره من السخره .... الله يسخر لنا