شوفو شسويت بمدرسة بنتي..خليتها تبكي!!!

صباح الخير
شوي شوي لا تعصبون سمعو السالفة أول
هذي يا طويلات العمر مدرسة ولا كل المدرسات
درست بناتي الثنتين درست بنتي الكبيرة 3 سنوات (نظام فصل) والحين تدرس بنتي سنة اولى وباقي لها سنتين
والله ما اقدر امدحها لأن لو كتبت فيها معلقات ما توفيها حقها
ومن فترة بسيطة خطرت في بالي فكرت تكريمها أي نعم تكريمها لأنها تستاهل
واروح يا بنات محل الدروع واختار لها ذاك الدرع اللي يليق بمستواها واخليهم يكتبون فيه كلة شكر لها
وكتبت بعد كلمة عشان اقولها في الطابور بمساعدة حبيبة قلبي مشرفتنا رياح الغربة
المهم بعد ما جهز الدرع رحت المدرسة وقلت للمشرفة انا ودي اكرم أ. ............. وخبرت المديرة ورحبو بالفكرة
وقالو هذي أول مرة تصير عندنا ان ولية أمر تكرم مدرسة
وحددو لي يوم اللي هو اليوم عشان التكريم
واروح لكم اليوم المدرسة وانا شايلة الدرع بشموخ :22:
وأول ما عطوني المايكروفون عشان القي الكلمة الا ذيك الرعشة في جسمي كله مو رعشة عادية
يا بنات لااااااااا كأنه موصليني بكهربا :eek: بس أهم شي القيت الكلمة باتقان واحتراف :icon28:
والله يا بنات ان المدرسة قامت تبكي وبعد ما خلصت حظنتني وقالت أول مرة احد يكرمني:(
وشكرتني المديرة بعد على هالبادرة الطيبة وعلى الكلمة المميزة اللي القيتها:)


اللي ابي اوصله لكم يا امهات
ان المدرسة تستحق التقدير..تستحق الثناء..تستحق الشكر
احنا مهما سوينا والله ما نوفيها حقها
جربو سوو مثل ما سويت والله انها بتحس بالفخر وبتحس ان في ناس مقدرين تعبها وجهودها

ومن قلبي اقول لكل مدرسة
انتي عظيمة..فشكراً لك