مساء الخير حبيباتي
بنات البارحه كانت ليله سوده مع ولدي طول الليل يصيح والظاهر بيطلع له ضرس جديد وماخلاني انام ولا هو نام , عمر ولدي سنه وحده...
المهم توني كنت اصلي وزوجي طالع وحمودي فديته قاعد يلعب يمي وطلع من الغرفه وانا قلت كالعاده بيخاف وبيرجع , المهم اني خلصت صلاه وبدلت ملابسي واعرف ان ولدي اذا بيطلع من الغرفه يوقف بالصاله جدام التلفزيون ..
طلعت من الغرفه ما شفته قمت انادي حموووود حمووود وما من مجيب , دخلت الغرفه الثانيه وانا ادوره , دخلت الحمامات قلبي قام يرقع وقمت ارجف , اخر شي رحت المطبخ قلت يمكن دخل في الخزانه ما حصلته قمت اصيح واصيح وراسي يدور , اتصلت بزوجي وقلت له محمد مادري وينه تغير صوته كان في الحلاق وقال لي انا ياي الحين وترك الحلاق وطلع على طول وانا ادور وادعي واتأكد ان الباب الي بين شقتي واهل زوجي مسكر وبيننا درج يعني مستحيل الصغير يفتح الباب وينزل من الدرج لانه توه يمشي ويطيح ويعتمد على الحبي بالدرجه الاولى ...
قمت اقرأ سوره الزلزله وانا ميته من الخوف اخر شي لمحت رجل من تحت الطاوله الي بالصاله , رحت الا ولدي داخل تحت الطاوله ويمه شاحن التلفون كان موصل بالكهرباء على طول قلبي وقف وقلت التماس كهربائي بس لما حركته اكتشفت انه نايم وفديته بطنه ماشي الظاهر انه انبطح على بطنه يقضي الحاجه وداخ ونام بعد سهر البارحه.
عاد الله يهداه ما لقى الا تحت الطاوله انا لاحظته كم مره يدخل تحت الطاوله مستانس على روحه انه صغير وجسمه يدخل بكل مكان بس ماتوقعت هالشي والله قلبي وقف والحمدلله انها جات سليمه وما صار في ولدي شي
المستفاد يا حبيباتي ان ساعه الغفله اعوذ بالله منها حتى لوو غفلت عن طفلج دقيقه ممكن يقع فيها مالايحمد عقباه لا سمح الله , خليه دايما تحت عيونج ونظرج ولاتغفلين ثانيه وحده تتحسفين عليها العمر كله .
وغير هذا التزمي بالصدقه عنج وعن اطفالج وزوجج لانها تدفع البلاء والشر عنكم ...
الله يخلي لكم عيالكم ويرزق كل محرومه ويخلي لي حبيبي ولدي واستفيدو من قصتي ...
دنيا ملونه @dnya_mlonh
محررة فضية
يلزم عليك تسجيل الدخول أولًا لكتابة تعليق.
منال بنت عبدالله
•
الله يحفظه
الحمدلله على سلامته :27:
اجل عندك عقلة الاصبع زي اللي عندي
هي اما فووق الاسطح المرتفعه او تحت الطاولات او بين الدولايب
يمكن تبغى تثبت انها نحيفه ورشيقه :35:
وانتبهي من الكهربا الله يستر يروحون له زي البرق اذا شافو اي سلك والله يستر علينا وعليكم
الحمد لله انها جت كذاانا عندي ولد عمره 11 شهر ما اقدر ابتعد عنه دقيقه وحده الله يعيننا عليهم
الصفحة الأخيرة