شوفو شنو قالت لي الدكتوره اليوم

السلام عليكم


شلونكم شخباركم



اليوم كان عندي موعد بعد ما اخذت حبوب من 4 يوم الدوره اللي هي لي ثاني شهر اخذها حبوب تنشط المبايض وتكبرالبويضات


الشهر اللي فات كانت عندي بس بويضه وحده كبيره شوي بس ماصار حمل الحمدلله


والشهر هذا اليوم رحت للدكتوره توريني المبايض وفيها مشالله وايد بويضات وورتني المبيض اليسار واليمين تقولي شوفي في بكل مبيض بويضه كبيره وان شاء الله بتنزل بس انتي اشتري تحليل مال التبويض وتابعي مثل الشهر اللي فات لمن يكون الخطين واضحين لازم يكون فيه جماع


عاد انا شنو مستانسه اليوم احس اوله مره استانس مادري ليه

وتقولي يمكن هل شهر تحملين لانه فرصتك كبيره واستغليها وتطالع زوجي وتضحك قالت له لاتقصر معاها


ههههههههههههههه
طبعا انا قمت الاحراج بس عادي هذول جانب مايستحون الدكاتره بالعكس يكونون وايد واضحين مع المريض


وخصوصا اليوم هو ذكرى زواجي ال 4 انا وزوجي احس اني طايره من الوناسه مادري ليه لاحد يسالني


وتخيليو من الصبح وانا بالمطبخ اسوي حلو وسويت له الاكل اللي يحبه وناطرته الحين يجي من بره وافاجاه لانه ناسي انه اليوم يوم زواجنا


ادعولي الله يوفقكم الله يفرحني بطفل لانه تعبت 4 سنوات وانا اتمنى بس احمل


اللهم لاتذرني فردا وانت خير الوارثين


الله يرزق كل وحده اللي تتمنى يارب:35: