شوفو شو قال زوجي الي ما يعطيني فلس

السلام عليكم
مقهوره من زوجي الي راتبه يروح كله على اهله واني ما يعطيني فلس.. مره قلت له اعطيني مبلغ لاني ما عندي مبلغ واربد استاجر فستان لعرس ولد خاله.. قال لي اوكي وعطاني ومن ذاك اليوم يحلبني حلب عشان يطلع المبلغ من كبدي.. مره خلص راتبه ومره سلفيني وانا اقوله ما عندي حاليا من وين اجيب لك؟!
مع العلم انه ما يعطيني مصروف وينام معي الغرفه وبس هذا اهم شي عنده ومعاملته ممله معي ورسميييييه حييييل كاني خدامه عنده وكله طلعات عند الشباب او نووووووم.. كم مره اكلمه وما في فايده صابره عليه عشان عيالي واصلا حتى لو ما عندي عيال تجي وحده بتقول روحي بيت اهلك؟! اصلا بيت اهلي كله مشاكل وبكون عندهم مثل المغثه.. وبيكونو ضدي..
والله صابره عليه وجايبه شغاله واعطيها راتب والسائقه الي تاخذني الدوام تاخرت عليها فراتب وقالت لي ليش ما خذيتي من زوجك؟ ما تعرف انه زوجي مثل الغريب عندي وما يحب يعطيني فلس..
ولما قلت لزوجي ان راعيه السياره كذي قالت وان انت لازم تعطيني قال وليش ما تقوليلها انا مديونه لزوجي ومتسلفه معه مبلغ ومارجعته له!!! وصلت حقارته يقول هالكلام وانا سكتت عنه..
واليوم جاي يريد الفراش وطنشته ولكني ما اقدر وتلعني الملائكه لان هذا زوجي وهو انا كاني غريبه بس عنده الزوجه فراش وبس وباقي الحقوق😡لاتوجد