السلام عليكم ورحمة الله وبركاته
بدخل في الموضوع دوغري انا لي صديقتين كانو من اعز صديقاتي والمقربين مني ويشهد الله اني كنت اعزهم حيل بس هم اطباعهم غريبه شوي من ايام الثانوي وانا متحمله بعض الحركات عشان هم صديقاتي احنا ثلاثه الثنتين ذولا ابرار وفدوه هم صديقاتي احسهم يحبون بعض ويخبون عني خاصه فدوه مدري الله واعلم بالرغم اني كنت صديقتهن مره نمشي سوا ونفطر سوا وكل اسرارنا عند بعض بس المشكله ان في شي بينهم ماني عارفتو المهم من ايام الثانوي كانت فدوه تروح السوق تشتري لها ولأ ابرار شنطه سوا وكل شي سوا وانا لا انا والله ما ابغا ولا اني محتاجه بس تخيلو حنا ثلاثه نمشي مع بعض هم سوا وانا احس نفسي غلط بينهم ماعلينا كمان كانو يتفقون يغيبون سوا انا اداوم اتفاجئ انهم غايبين تخيلو البنات يسئلون ليش ماقالو لك انهم بيغيبون! !!!تدمع عيوني امشي لحالي او ادور اي شله الزق فيها لما يخلص الدوام ويداومون اليوم الثاني اسئلهم ليش ماعلمتوني تقول ابرار قلت لفدوه تعلمك تقوا فدوه نسيت او دقيت عليك ماتردي وهي والله مااتصلت المهم في اخر سنه ثانوي رجعت حقي ابرار نقلت وفدوه لازقه فيني قمت صادقت بنت وضميتها لي انا وبديت ارجع حقي اطنشها احيان بس والله ي بنات قلبي مايطاوعني اغيب او اشتري شي لصديقتي الجديده وهيا لا المهم تخرجنا وكبرنا فدوه تزوجت وابرار نقلت بس بينا تواصل دايم بس احس اذا قلت لفدوه اني اكلم ابرار تجيها هستيريا وتحش فيها وانا كنت اصدقها وهي تكلم ابرار بس احسها تبي تبعدني عنها الموهيم قلت بتعقل فدوه بعد الزواج لاوالله سارت اخس استغفرالله سارت كذابه بزياده وابرار سارت تحب الفتنه طبعا ابرار من ايام الثانوي عقلها صغير وتحب الفتنه تحب توصل كلام وكذا المهم دايم نزور بعض انا وفدوه وابرار بينا اتصال حتى يوم زواج فدوه قالت ابي ابرار ماقالت ابي صديقاتي المهم ذا كله مقدمه السالفه ومافيها انا سرت اطنش واسكت والله اني اعتبرهم صديقات لا اكثر بس هم مدري كيف تفكيرهم المهم مره قابلتني فدوه بملكة صديقه لنا وقالت تكلمين ابرار قلت ايه قالت انصحك نصيحه منها ترى تكلم زوجي انا تفاجاءت قلت شلون قالت مره دقيت عليها من رقم زوجي وشكلها خزنته من زمان قريب فتحت جوال زوجي لقيت لها رساله قمت دقيت عليها قالت بالغلط ووو،،،،الخ والله ي بنات انا صدقت بس جلست اكلم ابرار لان انا مالي دخل المهم ابرابر تزوجت واكتشفت ان فدوه تكلم ابرار ولاقطعت علاقتها فيها ودايم تسئلني باقي تكلمين ابرار اقول ايه بس استغرب وحده تكلم زوجها كيف رجعت تكلمها ؟؟؟؟؟؟؟؟؟؟؟؟؟؟؟؟؟؟؟ احسها تكذب علي او انها شاكه في زوجها او في البنت المهم اكلم ابرار بس ابرار على مزاجها ترد علي تخيلو تكلمني بالساعات واذا دقيت عليها ماترد عليا يعني على كيفها اقول يمكن اتصل بوقت تكون مشغوله تركتها على كيفها متى مابغت تتصل اتصلت بعدين ابرار حملت وولدت واتصل عليها ماترد عليا والبنات يتصلون ترد عليهم والله العظيم ما اكذب واقول لفدوه تقول مدري انا اكلمها عادي وكثير بنات يتصلون ترد الا انا بعد سته شهور او اربعه شهور مافتكر دقت عليا ابرار استغربت انا كلمتها وربي عادي ولاسئلتها ليش ماتردي عليا نهائيا وسوالف وضحك هم سئلتني ابرار اخبار فدوه قلت طيبه قالت حضرت زواج ضحى (ضحى صديقة دراسه وعزمتنا لزواجها) قلت لا ارسلت لي رساله انها بتطلع السوق مايمديها عشان زواج اختها لان زواج اختها بعد زواج ضحى بيومين والله والله والله اني قلتها بنيه وقلب صافي وعن سوالف قالت ابرار اهاااا شفتي الكذابه فدوه عزمتها لزواج اختي كان بنفس يوم زواج ضحى قالت بروح عمره مايمدي قلت انا [/SIZE قلت انا اممم ايه يمكن راحت عمره وبتروح اسواق جده من هناك قالت ي شيخه لا تعدلين لها انا ادري انها ماتبي تحضر وماعزمتني لزواج اختها وهي عارفه اني موجوده وانتهت السالفه وقفلت وانا نسسسسيت قبل رمضان بيومين الا فدوه تتصل انتي قلتي لأبرار كذا وكذا مو انا علمتك اني كذبت عليها مابي احضر زواج اختها قلت لها والله ماعلمتيني وحتى لو علمتيني ماذكر ودعيت على نفسي بشلل قالت ادري انك صادقه ومن هالكلام وقفلت انا قلت انها انتهت السالفه اول يوم رمضان دقيت على صديقاتي ابارك لهم برمضان وادق على فدوه وابرار مايردون ؟؟؟؟؟ اتصل خامس رمضان مايردون اتصل على فدوه ابي ازورها ماترد انا شكيت انهم زعلانين بس انا ماسويت شي!!واتصل العشر الاوخر مايردون بس كذا سرت اتصل ابي اشوف يردون او لا المهم بشهر 10انشغلت مادقيت وكنت بموت قهر منهم ليش انا ماسويت شي وهم ما اتصلو وشهر11ما اتصلو وشهر 12كله واخر شهر12ملكت انا جاءت فجاءه والحمدلله تمت وبعد الملكه بيوم الجوال حريقه اتصااال من فدوه اتصال ورا اتصال لدرجة انها اتصلت على جوال امي بس انا تطنيش مارديت جلست اسبوع امي تقول ردي وش بينكم وانا احسني ببكي بس اقول ولاشي ولاشي المهم تحدد زواجي بعد با اسبوع وهي بس سمعت مع البنات لاني اكلم بعض البنات ويقولون لها انا تعمدت يوصلون لها ابيها تموت قهر انها معاد سارت تهمني مثل ما موتوني قهر اخر شي ايش سوت جات البيت عندنا بدون موعد والعصر بعد وكان وقتها امتحانات وهي تدرس كليه بس جات تبي تعرف وش سار في الملكه وايش ماسار عارفه انا المهم ماطلعت لها قلت قولو لها نايمه طلعت اختي وجلست تسولف معها قالت اختي نايمه تعالي بعد المغرب قالت الله تو سمعت صوتها وانا داخله ؟؟؟؟ شفتو الجراءه كيف الهم مارضيت اطلع وهي راحت بيته بعد المغرب امي جلست تهاوشني يالله اتصلي عليها قولي لها تعالي انا صحيت المهم مااتصلت الا س9عشان ماما بس قالت مايمدي اجي بحاول ولا جات انا طنشت بعد يوم يمكن الاهي تتصل علي مارديت اتصلت على امي قالت وين فلانه قالت امي رايحه دار التحفيظ قالت اها طيب المهم انا قلت بجلس مابروح ودقيت عليها قلت تعالي مابروح قالت طيب جات بعد المغرب وكل جلستنا سؤال وجواب بس هي تسئل وانا اجاوب وماسولفت معها مره بس عشانها في بيتنا مابي تسير هوشه عيب روحت البنت وبعد فتره الا ابرار تتصلت قلت هلا والله ولا رديت عليها كرهتهم كرهتم كرهتم ابيكم تقولو ن لي وش الحل ما اتصلو الا يوم بتزوج بعد الزواج غيرت رقمي قامو يطلبونه من البنات بشكل مو طبيعي ويسئلون في القروبات وفي الواتس اذا يعرفو البنات رقمي قلت قولو لهم مابي اعطيكم وقالو لهم قالت ابرار قولو لها قطع صلة الرحم حرام الي ابي اسئله من ذا كله هل حرام اني قاطعتهم هل عليا ذنوب وماترفع اعمالي طيب هم اسائو لي ليش استمر معهم ؟؟؟؟؟؟؟؟؟؟؟
يلزم عليك تسجيل الدخول أولًا لكتابة تعليق.
بنت الرياض 2022
•
بالتوفيق يارب لكم
اقووول قلبــي طنشيييي ماعليك منهم يوم تزوجتي صاروا يركضون وراك ولا اول حتى مايدقون حبيبتي معروف مايبنك اللحين الا يبون يعرفون ايش تسوين انتي وزوجك وكيف عايشه
اذا تبيني نصيحتي قاطعيهم موحرام ولا هم من قرايبك يعني لاتعطينهم وجه
ياكرهي للناس اللـي كذا
اذا تبيني نصيحتي قاطعيهم موحرام ولا هم من قرايبك يعني لاتعطينهم وجه
ياكرهي للناس اللـي كذا
الصفحة الأخيرة