شوفو فستاني بعد مااحترق شو عملت فيه

لاتوأخذوني على الصور كنت منزلتهم بمنتدى ثاني ولم استطع ان امحي اسمي من عليهم

السلام عليكم ورحمة الله وبركاته
شايفين هالفستان متل مالكم شافين مليت من لبسه وضاق خلقي من موديلو بعد مااحترق فكرت شو اعمل فقلت والله مالك الا بنتك قومي ياام عماد وساوي هالفستان بلوز لبنتك وبما انك اشتريت قطعة قماش زهرية لبنتك الامورة والفستان بيليق مع التنورة اتكلي على الله وقصيهم وهيك ساويت لاتقولو شو هالحكي بلا طعمة حابة امزح معكم شوي ههههه



فلنبدأ
فرطت الفستان وبلشّت اخذ المقاسات الصدر والخصر والورك كما ترون بالصورة وقصيت الامام والخلف



بنتي حبت الاكمام يكونو عراض من تحت وضيقين من فوق متل مالكم شايفين أي نسيت كمان بدها فتحة باخر الكم شو بدي اعمل بنات اخر زمن بس والله بحب زوقها احيانا هي بتقلي ماما ليش مابتعملي هيك لما بكون عم ارسم شي موديل على الورقة بيكون انا مو خاطر على بالي هالشي بعملو وبيطلع حلو بنتي فنانة ههههه



:icon28:

هلق التنورة احترت شو اعمل موديلها قصيتها ثماني قطع الامام اربع والخلف اربع وعملت الها قصة ماقبل الورك ومن تحت بعد ماخيطها رح قص قطع زاوية متل مالي حاطة الخط بالصورة وهذا بناء على طلبها وبعدين بدي حط كلفة على القصات لما بخيطها بتشوفوها



معليش طولت عليكم لاتسبّوني بس امانة لاتقولو مدللة بنتي وحياتكم ماعندي غيرها بنت وحيدة واخوها وحيد اذا مادللتهم مين بدي دلل

بعد الانتهاء من الخياطة