شوفو فكرتي المريحه مع اللي خطبني

صبااااح الخيررررر

كيف حالكم بنات رمضان كريم الله يجعلنا من صوامه وقوامه ع عمل صالح

بدخل بالسالفه ع طول
بشهر ٢ اللي فات كنت رايحه زواج المهم بعدها دقت وحده تخطبني لآخوها وتقول انها شافتني بالزواج

أمي حبيبتي كلمتني قلت والله مدري صراحه
لانو فكره الزواج مو برأسي هالفتره ابدا

وأمي صارت تقولي ها وش صار ان البنت دقت
وان البنت تقول هي وش فيها متردده تقصدني
ومدري وش تحاول تقنع امي

في ذاك الوقت فكرت اني أكلم صديقتي بالسالفه
وهي اجنبيه المهم قلت لها اني محتاره صح ان فكره الزواج مو في راسي بس نفسي اعرف هذا الرجل عشان اذا رفضته مااندم ممكن يطلع رجل تمام وطيب
وخاصه ان اخته بس تمدحه قلت لامي هذي اخته ماراح تسبه بديهي كان من ضمن مدحها
انو مايفوت الصلاه وانو طيب ويمشيهم البنات
وحبوب وزي كذا يعني

المهم قالت صديقتي كيف توافقين عليه فرضا وانتي ماتعرفينه ترا صعبه احنا ماعندنا كذا
قلت كيف طريقتكم قالت انو يجي ويجلس مع الاب والبنت وياخذون ويعطون بالكلام بس مو خطبه
يجي يتعرف بسسس


قلت والله فكره وهذا اللي بيصير بس لاني سعوديه طبعا ماقدر اجلس انا حرام اولا
المهم قلت لاامي خليه يجي ويجلس مع ابوي وأخوي بس مو خطبه لا كذا زياره تعارف
ناسبنا يخطب قالت امي وين صعبه كذا بيرفضون
ماقد صارت قلت اذا رفضو كيفهم
لكن العجيب انهم وافقو والله انبسطت ان فكرتي زبطت

وجاء ذاك اليوم زبطت كل شي والضيافه توب تعبت مره المهم جلس مع ابوي وأخوي
وحاولت اشوفه مع شباك غرفتي وهو داخل البيت لانو الشباك يطل ع باب الشارع ع طول
قلت اشوفه لمحه ع الاقل اخذ فكره عنه واجمعها مع كلام اخوي بعد مايروح الرجل
بس ماحصلت لي لانو دخل قبل اشوفه

المهم خلصت الزياره ع خير
وقال لي اخوي مايناسبك ابدا مع التفاصيل الممله
بدون ماذكرها لانو راح بحاله


الحلو بالموضوع اني ارتحت وبنفس الوقت الرجل ماانجرح ولا انا ولا احد حط امل وتعلق بالخطبه
لانو لو ماصار اللي فكرت فيه كان جاي ع اساس يخطب وبوافق ع انو نسال عنه ونعرف افرضو محد ذمه وطلع تمام وجت الشوفه وشافني وشفته وانا داخليا مو مقتنعه قبل ادخل عليه يشوفني
لانو فيه ناس ترفع ولا تقول الصدق وانا ماثق بكلام احد ابد
اي وبعد الشوفه يتعلق فيني بعدين ارفضه مثلا لانو مارتحت بعد الشوفه بعدين تصير نفسه فيني
وأتعب ووالخ

فبدال هالمشوار المجهول كلام صديقتي أنقذني وريحني وبالتطبيق طلع ولا ارووووووع


لذلك احب أقول لااي بنت تنخطب وتحتار مثلي جربي هالفكره ماراح تخسرين شي اضمنها لك


وبس اللي بترد ترد رد حلو وعقلاني
واللي بتسب وتتمسخر الله حسيبها