شوفو قصتها واحكمو تحتاج استشارة محامي

مرحبا يابنات وكل عام وانتم بخير
السالفه ومافيها اني اتصلت يوم العيد باعايد صديقتي الا واتفاجى بصوتها متغير علي
قبل لا اسالها قالت الناس فرحانه وانا في قمة الحزن وجلست تبكي
(( صديقتي تطلقت من زوجها قبل سنتين وكانو اولادها في حظانتها بنت عمرها الان 5 ونص والولد عمره 3 ونص
طليقها تزوج وهي كانت تنخطب كثير وكانت متردده علشان اولادها
وبالا خير تزوجت من 3 شهور
الاب اخذ اولاده قبل زواج الام بشهر
يعني من 4 شهور ما سمعت صوت اولادها والا شافتهم
كل ما يتصلون على الاب يسمعهم كلام جارح ويسكر الخط في وجههم
الا بيوم العيد تفأجات ان قريبه لها اعطتها رقم زوجة طليقها وقالت الحرمه تنتظرك تبيك تكلمي اولادك يوم العيد
بصراحه بنت رجااال ماقصرت
فرحت واتصلت
تقول البنت متاثره وتبكي وتقول زوجة ابوها انها مو راضيه تاكل ولا تشرب بس تسال عن امها
والولد نفس الشي
الام تبي تزورهم لاكن الاب رافض ويهدد طبعا الام في منطقه والاب في منطقه والتواصل طيران وهي مستعده لزيارتهم

بنات طلبي اللي تعرف محامي للاستشاره
نبي رقمه تكفون والله انها في هم لا يعلمه الا الله
الام تبي حق الزياره
مايصير تنحرم من شوفة اولادها
والله لايحرمكم شوفة احبابكم ياااااااارب