صباح الخيرر ....//
انا بدخل بالموضوع على طول انا متزوجه لي سنه وسبع شهور وعندي ولد الله يحفظه ان شاء الله قصتي مرت اخوي تصير اخت زوجي وجت وسيرت على اهلها وطولت عندهم وانا وزوجي بمدينه ثانيه عنهم وتصداقت هي ومرت ولدهم الكبير واذ جينا عندهم ينقزوني بكلام ماله داعي وانا ماارد عليهن لنهن اخر همي ويضحكن جميع ويرفعن اصواتهن بضحك وانا بس ساكته واذ رحت لــ اهلي وجيتهم يصدن عني بس خالتي ام زوجي تسولف علي واحيانا ادخل عليهن بالمجلس تهاوشه خالتي تقوله وش هالتصرفات البايخه الزمي حدك يابنت ... ونروح انا وزجي نتمشى بمنتزه تروح معنا وبعد تعزم مرت اخوها الكبير وانا ساكته وراحت بس هي معنا ...ومره زوجي راح بالليل عشان يخلص اوراقه بمنطقه قريبه من اهل زوجي وانا عندهم ونام فيها ويوم جت الساعه 11 الصباح جاء زوجي الا معصب وينادي اخت زوجي ويهاوشها واسمع اصواتهم ويوم طلعت من غرفتنا الا زوجي يناديني ويفهمني السالفه يقول اخته دقت على اخوه قالت فلان الي هو زوجي راح بالليل وترك زوجته عندنا راح لم الحريم يعني يسوي الحراام استغفر الله والله ظلمته الله لايوفقه وتقول ل اخوه ابيكم تدقون على اهلها ياخذون بنتهم الي هي انا على كيفها تخرب بيتي والله بدري عليها لنها سوت كم مشكله تبي تبعدنا انا وزوجي عن بعض وماقدرت وظلمته ولا تحترم حتى امها تهاوش امها قدامي وطبعا اذ جت اهلي تصير ملاك لي وانا اطنشها والله ياما شفت منها واقول الله بياخذ حقي منها.... وتحمل زوجه اخوي الي تصير اخت زوجي ويوم خلصت التاسع ويتوفى الجنين ببطنها وانا ماتشمت بس الله عقبا بظنها الله لايبلانا والحين نادمه كثر شعر راسها اذ شافتني ياهلا ومرحبا .... ومرت اخو زوجي الصغير بعد ظلمتني وكذبت علي وحلفت قداااام اهل زوجي وقداام زوجي اني ماقلت هالكلام ..وكانت هي حامل مالها الا شهر وقالت الله يحرمني الي ببطني اذ كذبت بكلامي قلت استغفري وش ذنب الي ببطنك قالت لنك تكذبين ودها زوجها بالليل لي اهلها ويوم جاء بنص الليل وتنزف وتفقد جنينه وتسوي عمليه تنظايف.. ربك مايخلي احد.. ويصدقون اني ماقلت هالكلام وانها ظلمتني ..وتحمل وتجيب ولد لكن شوفي ولدها اعزكم الله كيف يخرج برزه مايخرج ابدآآآآآ ...الا اذ دخلت به شي ويخرج برزه وساعدته .. واخر مره شفتها يوم شافتني تقولي ياحياتي ياعمري انتي اعذريني يالغاليه على القصور ... والله دنيا تخوف والحمدلله لاظلمت احد ودائما اقول الحق واخوان زوجي يشهدولي بالطيب والاحترام لهم .. وام زوجي تقول لزوجي زوجتك احسن حريم عيالي لي تحترمني وتقدرني غير عنهم حتى ولدها له غلا عن ظنا عيالي قال زوجي الحمدلله والشكر
وهذي قصتي الي حابه تستفيدون انا الظلم ظلمات يوم القيامه والكذب والظلم مو سهلين ابدآآآآ ....
ربي يبي يبلاك يابنفسك او ظناك الي ماغلى منه اهم شي النيه الصافيه والطيبه
شذا الوررد @shtha_alorrd
عضوة جديدة
يلزم عليك تسجيل الدخول أولًا لكتابة تعليق.
الظلم ظلمات
وسبحان الله نصرة المظلوم من بعد طووول ظلم لها حلاوة في فم المظلوم..
تحسي بجد ان ربي واقف معك
واهم شي العفو سامحي يااختي كل من ظلمك
انا لو احكي لك وش صار معي يشيب راسك بس قد مااقدر احاول اجاهد نفسي واعفو عنهم
ودايما ادعي يارب كف ظلمي عن الناس
وسبحان الله نصرة المظلوم من بعد طووول ظلم لها حلاوة في فم المظلوم..
تحسي بجد ان ربي واقف معك
واهم شي العفو سامحي يااختي كل من ظلمك
انا لو احكي لك وش صار معي يشيب راسك بس قد مااقدر احاول اجاهد نفسي واعفو عنهم
ودايما ادعي يارب كف ظلمي عن الناس
الصفحة الأخيرة
بس من يسمعك
فعلآ الصبر مفتاح الفرج
الله يسعدك ان شاءالله