@@ شوفو كيف الناس اللي تبغى الحسنات.. @@

الملتقى العام

السلام عليكم ورحمة الله وبركاته


موووووووووووووووضوع عجبني جدا وحبيت نتناقش فية ياحوائيات


شوفو كيف الناس اللي تبغى الحسنات..

ببدأ معاكم في قصة حصلت لي وانا في الكلية ..
مرة وانا امشي بممرات الكليه رايحه احضر محاضره مرت من جنبي دكتوره مصريه ووحده من البنات تركض وراها وتناديها
دكتوره صلا... دكتوره صلا..!
التفت لهم وشفتها وهي تكلمها استغربت وش ذا الاسم..,
رحت لقاعتي حتى ما أتأخر على المحاضره وبالي يدور حول هالاسم الغريب..
اكيد اسم تركي او شركسي او ارمني..
المهم ثبت في بالي هالاسم وما نسيته..
وجا بعدها بفتره قابلت وحده من بنات جيرانا تكلم نفس الدكتوره وبعد ما خلصت منها سلمت عليها
وجلسنا ندردش وعرفت انها تدرسها..
سالتها وش اسمها من باب التأكد ابغى اعرف هل انا سمعت اسمها صح او لأ..
قالت لي اسمها :.......



ما راح تتوقعون....





انا نفسي اتفاجأت ...




كان اسمها.. ( صلاه على النبي ) ..


ولقيت نفسي أسألها تلقائيا : ليش ليش اسمها كذا؟
قالت لي : ابوها سماها كذا عشان كل ما أحد يناديها تتذكر تصلي على النبي فتقوم تصلي على النبي ..


دار راسي بعدة افكار..
تخيلو معي..


كم مره صلت على النبي في حياتها..
كيف هي محظوظه باسمها..
تمنيت ان لي اسم مثله..
يزيد من حسناتي كل ما احد ناداني به ..او لما اكتبه ..او لما أعرف نفسي به لما أحد يسألني..
واخذ اجر كل من صلى على النبي لما يسمع اسمي.. اويقراه .. او يقوله



والحين انتو ابغى أسالكم ..


1\وش رأيكم بالاسم ؟


2\تقدر اذا جالك بنت تسميها مثل هالاسم لنفس السبب؟


3\ مر عليكم اسم غريب مثله ؟ ياليت تذكره اذا كان فيه؟


4\عندك فلسفه معينه في اختيار الاسم لاطفالك ؟


4\وش رأيكم بالاسماء الجديده الي طلعت الحين امثال \\ ليندا - ليديا - ديانا - لميندا - لورا ........
صاروا يسمون بها الحين عشان يبغون على قولتهم اسم غريب ما في احد سماه قبل كذا وهي اسماء اصلها لمسيحيين ويهود حتى الهندوسيين ما خلوهم اخذوا اسماء المعابد حقتهم وسمو بها..
قال ايش اسم متطور ...حتى التطور جا في الاسماء ..
لهذي الدرجه صارت الناس ما تهتم..,
اي اسم تسميه وخلاص ما افكر في معناه ومصدره..


عندي كلام كثير بهالموضوع بس حابه اترك لكم مجال


وسؤال اخير تقدر ما تجاوب عليه اذا حبيت \\
لو جاتك فرصة تغيراسمك وش كنت راح تسمي نفسك ؟ وليش ؟؟


مما راق لي
اخت الغلا كله
3
522

يلزم عليك تسجيل الدخول أولًا لكتابة تعليق.

تسجيل دخول

شــ...ـهـ...ـد
شــ...ـهـ...ـد
اللهم صل وسلم عليه

يالغلا الفكرة حلوة وعجبتني
غلا غامد
غلا غامد
اللهم صل وسلم على سيدنا محمد
وعلى آله وصحبه اجمعين؛؛؛
ماشاء الله على ابوها؛؛؛

مشكورة حياااتي