بسم الله الرحمن الرحيم
بحكيلكم معاناتي انا تزوجة رجل مايهتم في صلاته ولايجلس في البيت كثير واذا جلس في البيت جلس قدام التلفزيون يطالع افلام اكشن
موهنا المشكله
المشكله انا تاثرت بحياتي معاه وصرت بس عند التلفزيون مسلسل ورى مسلسل وفي الليل افلام اكشن معاه الين تعبت نفسين تحملت الذنوب والمعاصي وحسيت صدري ضاق من الدنيا وكرهة كل شي جاني اكتئاب وصرت احاول اسعد نفسي بالمعاصي مسلسلات وافلام اشوفها وعادي بس اول ماتخلص احس الضيقه بتذبحني استمريت على هذا الوضع شهر قلت خلاص بروح عند اهلي مااتحمل هذي العيشه اخذت ولدي ورحت عند اهلي
جلست عند اهلي اسبوع
امي نامت مع اختي في المستشفى وجلست مع ابوي واخواني حسيت بالضيقه اكبر لان مافي احد اسولف معاه تعرفون الرجال مانرتاح معهم في السوليف
والضيقه تزداد يوم عن يوم
الين ذيك الليله دق زوجي علي وقال ارجعي بيتك
والكل كن نايم
رحت توضيت وصليت بكيت بكاء عمري مابكيته حسيت براحه ولذه عجيبه والله يابنات الدموع وانا راكع تنزل كثيره على السجاده يمكن ساعتين وانا ابكي وادعي في ركعتين بس طبعا بعد ماسلمت مسحت صدري من الهم والضيقه اللي كانت في صدري يامحلاها هذيك الركعتين فيها لذه والله مانساها
من بعدها رجعت بيتي وقاطعت المعاصي وارتحت راحه عجيبه
صرت كل يوم اقراء عشر صفحات من القران قبل ما انام ولساني دائما يلهج بذكره ولدي بعد ماكان حافظ يابابا اسناني واوا جالسه احفظه الصور الصغار من القران
شوفتو الضيق اللي حسيتها بس عشان المسلسلات ماكنت اسمع اغاني بس ممكن تتهاونين في الذنب وماتدرين كم من المعاصي تتحملينها
احيانا تكونين طفشانه متضايقه راجعي نفسك شوفي انتي وش فعلتي من معاصي ترى والله نحمل المعاصي واحنا موحاسين نتهاون فيها وهي اللي مسببتلنا الطفش والاكتئاب اول ماتحسين بطفش امسكي المصحف واقرائي او صلي ركعتين والله بيروح الطفش
واخيرا
اتمنى مااحد يمر باللي مريت فيه الا اذا فيها توبه الا الله
ادعولزو جي ولدي بثبات على طاعته
الملتقى الجنة1 @almltk_algn1
عضوة نشيطة
يلزم عليك تسجيل الدخول أولًا لكتابة تعليق.
هند1931
•
الله يجزاك خير ويكثر من أمثالك....أسأل الحي القيوم ان يثبتك و يثبت ولدك وزوجك على الحق .....اللهم إنا نسألك الثبات حتى الممات
الصفحة الأخيرة